Արցախցիների իրավունքների պաշտպանության խորհրդի ներկայացուցիչներին հրավիրել են Կառավարություն՝ հանդիպելու փոխվարչապետ Տիգրան Խաչատրյանի հետ, տեղեկանում ենք խորհրդի ֆեյսբուքյան էջից։ Հանդիպումը կայանալու է այսօր ժամը 17:00-ին։ Քննարկվելու են արցախցիների պահանջները։
Խորհրդից նաև հայտնում են, որ այդ առթիվ՝ ժամը 17:00-ին տեղի է ունենալու ինքնաբուխ հավաք Կառավարության առջև՝ հանրայնորեն վերահաստատելու արցախցիների պահանջները:
«Հանդիպման ավարտից հետո Խորհրդի ներկայացուցիչները դուրս կգան և կիրազեկեն հավաքի մասնակիցներին բանակցությունների արդյունքների վերաբերյալ»,- ասված է հայտարարության մեջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)