1lurer.am: ԵՄ երկրները համաձայնության են եկել ԱՄՆ-ից ներմուծվող ապրանքների համար պատասխան մաքսատուրքերի առաջին ալիքի հարցում:
«Եվրամիության երկրները կողմ են քվեարկել ԱՄՆ-ի դեմ առևտրային հակազդեցության միջոցներ մտցնելու Եվրահանձնաժողովի առաջարկին»,- ասվում է հայտարարության մեջ։ Փաստաթղթում ընդգծվում է, որ այդ մաքսատուրքերը սահմանվում են ի պատասխան «ԱՄՆ-ի կողմից պողպատի և ալյումինի մաքսատուրքերի» առաջին բլոկի, և «կսկսեն գանձվել ապրիլի 15-ից»։
Bloomberg-ի տվյալներով՝ տուրքերը կվերաբերեն 21 մլրդ եվրո արժողությամբ ԱՄՆ ներմուծմանը։ Եվրահանձնաժողովը ավելի վաղ հայտարարել էր, որ մաքսատուրքերի հաջորդ փուլն ուժի մեջ կմտնի մայիսի 15-ին:
Միջոցառումները կվերաբերեն գյուղատնտեսական և արդյունաբերական արտադրանքներին, ինչպիսիք են սոյայի հատիկները, միսը, ծխախոտը, երկաթը, պողպատը և ալյումինը, ինչպես նաև ԱՄՆ-ի խորհրդանշական ապրանքները, ներառյալ՝ Harley-Davidson մոտոցիկլետները և Levi Strauss ջինսերը:
Սրանք Եվրոպայի առաջին պատասխան միջոցներն են ամբողջ աշխարհում առևտրային գործընկերների դեմ ԱՄՆ նախագահ Դոնալդ Թրամփի նախաձեռնած միջոցների:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)