20:17 - 09 հունիսի, 2025
ԱՄՆ-ն և Չինաստանը առևտրային բանակցություններ են սկսել Լոնդոնում. Reuters |1lurer.am|
1lurer.am: class="topic-bodycontent-text">ԱՄՆ-ի և Չինաստանի պատվիրակությունները Լոնդոնում սկսել են առևտրային բանակցությունների երկրորդ փուլը։ Այդ մասին հաղորդել է Reuters-ը՝ հղում անելով իր աղբյուրներին։ Քննարկումների մեկնարկի փաստը հաստատել է նաև Xinhua գործակալությունը։
Չինական կողմը ներկայացնում է Չինաստանի Ժողովրդական Հանրապետության փոխվարչապետ Հե Լիֆենը։ ԱՄՆ պատվիրակության կազմում են ֆինանսների նախարար Սքոթ Բեսենթը, առևտրի նախարար Հովարդ Լաթնիկը և ԱՄՆ առևտրային բանակցող Ջեյմիսոն Գրիրը։
Պեկինի և Վաշինգտոնի միջև առևտրատնտեսական խորհրդակցությունների մեխանիզմը ստեղծվել է Ժնևում՝ մայիսի 10-11-ը տեղի ունեցած բանակցությունների արդյունքում: Շվեյցարիայում կայացած այդ հանդիպման ժամանակ կողմերը համաձայնել են մասնակիորեն նվազեցնել փոխադարձ մաքսատուրքերը, որոնք մինչև մայիս գերազանցել էին 100%-ը:
Հունիսի 5-ին Չինաստանի նախագահ Սի Ծինփինը և ԱՄՆ նախագահ Դոնալդ Թրամփը հեռախոսազրույց են ունեցել ու պայմանավորվել հնարավորինս շուտ անցկացնել առևտրատնտեսական բանակցությունների նոր փուլը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)