22:30- Կորոնավիրուսի դեմ Օքսֆորդի համալսարանի հետազոտողների կողմից ստեղծված պատվաստանյութը հաջողությամբ անցել է կլինիկական փորձարկումների առաջին փուլը՝ ցուցադրելով արդյունավետության և անվտանգության նշաններ: Պատվաստված անձանց մոտ նկատվել են թեթև կողմնակի բարդություններ՝ թուլության և գլխացավի տեսքով, որոնք մեղմացել են պարացետամոլ ընդունելուց հետո։ 

Չեզոքացնող հակամարմինները հայտնվել են մասնակցիներից ավելի քան 90 տոկոսի մոտ։ Պատվաստանյութ ստացողների մոտ նույնպես նկատվել է T-լիմֆոցիտների քանակի բարձրացում, որոնց խնդիրն է ախտահարված բջիջների ոչնչացումը։ |armenpress.am|


21:50-  Իսրայելում գործադուլ են սկսել կորոնավիրուսի դեմ պայքարող բժիշկները: Վերջիններս բողոքում են բժշկական պարագաների պակասից, աշխատավարձից, ինչպես նաև աշխատանքի պայմաններից: |shantnews.am|


15։41- Վերջին մեկ օրվա ընթացքում Գերմանիայում նոր տիպի կորոնավիրուսով վարակվածության հաստատված դեպքերի թիվն ավելացել է 249-ով, երկու մարդ մահացել է։ Ընդհանուր առմամբ երկրում հաստատվել է վարակի 201 823 դեպք, մահացել է 9086 պացիենտ: |aysor.am|

14։41- ԱՀԿ փոխնախագահը հայտնել է, որ ներկայում կլինիկական փորձարկման փուլում է կորոնավիրուսի դեմ ավելի քան 20 պատվաստանյութ, իսկ զանգվածային պատվաստումը կարող է սկսվել արդեն հաջորդ տարվա կեսին: Նա նշել է, որ  ժամանակի ընթացքում մարդու օրգանիզմում հակամարմինների անհետացումը դեռևս ձեռքբերովի իմունիտետի լիակատար բացակայության ապացույց չէ: |armenpress.am|

14։19- ՌԴ-ում մեկ օրում կորոնավիրուսով վարակման նոր դեպքերի թիվն ավելացել է մոտ 5,940-ով, դեպքերի ընդհանուր թիվը 777.486 է։ |news.am|

14։07- Չինաստանում մեկ օրում հայտնաբերվել է կորոնավիրուսի 22 նոր դեպք՝ 13-ը ասիմպտոմ։ Հիվանդանոցներից դուրս է գրվել 24 մարդ։ |aysor.am|

14։01- Վրաստանում կորոնավիրուսի 11 նոր դեպք է արձանագրվել, 1 վարակված ապաքինվել է: Այս պահի դրությամբ՝ Վրաստանում կորոնավիրուսով վարակման 1039 դեպք է արձանագրված, առողջացման՝ 900: |aliq.ge|

13։37- Հնդկաստանում մեկ օրում հաստատվել է կորոնավիրուսի 40,400 նոր դեպք, ընդհանուր թիվը կազմում է 1 միլիոն 118 հազար 43:  Մեկ օրում երկրում առողջացել է 22,663, մահացել՝ 681 մարդ։ |armenpress.am|

12։52- Կորոնավիրուսի երկրորդ ալիքի վախի պատճառով Ֆրանսիայում խստացվել են սահմանափակումները: Դիմակ կրելը պարտադիր է բոլոր փակ հասարակական վայրերում` ներառյալ երկաթուղային կայարանները և օդանավակայանները, բանկերը և փոստային բաժանմունքները, խանութները և տաճարները: Խախտողներին սպառնում է 135 եվրո տուգանք: |azatutyun.am|

12։08- Աշխարհում կորոնավիրուսով վարակվածների թիվն անցել է 14.5 միլիոնը, մահացել է ավելի քան 606 հազար մարդ, ապաքինվել է ավելի քան 8,1 միլիոնը: Վարակակիրների թվով առաջինը ԱՄՆ-ն է, երկրորդ տեղում Բրազիլիան է, երրորդում՝ Հնդկաստանը։ |azatutyun.am|

11։36- ԵՄ պետությունների եւ կառավարությունների ղեկավարները Բրյուսելում գումարված գագաթնաժողովի երրորդ օրվա արդյունքներով չկարողացան համաձայնության գալ 2021-2027թթ․ յոթամյա բյուջետային պլանի ձեւավորման եւ համավարակից հետո Միության տնտեսության վերականգնման հիմնադրամի հարցերի շուրջ: |armenpress.am|

10։30- Թուրքիայում հուլիսի 19-ին կորոնավիրուսից մահացել է 16 մարդ։ Երկրում հաստատվել է վարակի 924 նոր դեպք, առողջացել է 997 մարդ: Թուրքիայում մինչև այժմ արձանագրվել է վարակման 219․641 և մահվան 5․491 դեպք։ |ermenihaber.am|

Նորություններ կորոնավիրուսի մասին, աշխարհ, 21․07․20

Կորոնավիրուսի շուրջ զարգացումներ, Հայաստան, 20․07․20

Նորություններ կորոնավիրուսի մասին, աշխարհ, 19․07․20