13:16 - 10 սեպտեմբերի, 2020
ԱՄՆ-ը շարունակում է կրճատել Իրաքում տեղակայված իր զորախմբի թվաքանակը |azatutyun.am|
azatutyun.am: Վաշինգտոնը ավելի քան 40 տոկոսով նվազեցնում է Իրաքում տեղակայված ամերիկյան զորախմբի թվաքանակը։ Մոտ ապագայում Իրաքի տարածքում տեղակայված ամերիկացի զինվորականների թիվը 5 հազար 200-ից կնվազեցվի՝ հասնելով 3 հազարի։
Ամերիկյան հրամանատարության պնդմամբ՝ Իրաքի զինված ուժերը ներկա փուլում ի վիճակի են ինքնուրույնաբար դիմակայել երկրի տարածքում գործող ահաբեկչական կառույցներին՝ նախևառաջ «Իսլամական պետություն» խմբավորման մնացուկներին։
Ամերիկացի զինվորականներն Իրաքում են գտնվում 2003 թվականից, նրանց առավելագույն թվաքանակն արձանագրվել է 2011 թվականին՝ ավելի քան 100 հազար մարդ։
«Մենք շարունակում ենք ընդլայնել Իրաքի զինված ուժերի հետ իրականացվող մեր գործընկերային ծրագրերը, ինչն իր հերթին հնարավորություն է տալիս նվազեցնել ամերիկացի զինվորականների ներկայությունը երկրի տարածքում», - Իրաք կատարած այցի ընթացքում հայտարարել է ամերիկյան բանակի կենտրոնական հրամանատարության ղեկավար, գեներալ Ֆրենք ՄըքՔենզին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)