azatutyun.am։ Մեծ Բրիտանիան հաղորդում է, որ իրանական երեք նավեր փորձել են խոչընդոտել բրիտանական նավթակիր նավի անցումը Հորմուզի նեղուցով, սակայն դա չի հաջողվել, քանի որ միջամտել է բրիտանական ռազմանավը։
«Հակառակ միջազգային օրենքին՝ իրանական երեք նավեր փորձել են խոչընդոտել British Heritage կոմերցիոն նավի անցումը Հորմուզի նեղուցով», - այսօր հայտարարել է բրիտանական կառավարությունը:
Բրիտանական HMS Montrose ռազմանավը «ստիպված է եղել դիրքավորվել իրանական նավերի և British Heritage-ի միջև ու բանավոր նախազգուշացում ուղղել իրանական նավերին, որոնք դրանից հետո հեռացել են», - ասված է հայտարարությունում։
Պաշտոնական Լոնդոնը մտահոգություն է հայտնում տեղի ունեցածի առնչությամբ և կոչ է անում պաշտոնական Թեհրանին նվազեցնել լարվածությունը տարածաշրջանում:
Իրանի Իսլամական հեղափոխության պահապանների կորպուսը հերքել է, թե փորձել է կանգնեցնել իրանական նավթակիրը, հաղորդում է իրանական Fars լրատվական գործակալությունը:
comment.count (0)