00:43 - 10 նոյեմբերի, 2020
ՀՀ-ում Արցախի կառավարության օպերատիվ աշխատանքների համակարգողն այցելել է Արարատի մարզ
Այսօր ՀՀ-ում Արցախի կառավարության օպերատիվ աշխատանքների համակարգող Միքայել Վիրաբյանը ԱՀ արդարադատության նախարար, օպերատիվ շտաբի անդամ Սիրան Ավետիսյանի ուղեկցությամբ այցելել է ՀՀ Արարատի մարզ՝ հանդիպում ունենալով մարզպետի տեղակալ Արտավազդ Նազարեթյանի և աշխատակազմի ներկայացուցիչների հետ։ Այս մասին հայտնում են ՀՀ-ում Արցախի կառավարության օպերատիվ շտաբից։
Հանդիպման օրակարգում Արցախից ժամանակավորապես այդ մարզ տեղափոխված քաղաքացիների՝ սոցիալական և տեղափոխման արդյունքում առաջացած այլ խնդիրներին տեղում ծանոթանալն էր և համապատասխան ծրագրերի իրականացման համակարգումը։
Որոշվել է աշխատանքներն առավել արդյունավետ դարձնելու համար Հայաստանի յուրաքանչյուր մարզում ունենալ լիազոր ներկայացուցիչ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)