13:59 - 09 դեկտեմբերի, 2020
Պատգամավորի մանդատից հրաժարված Արամ Խաչատրյանը չի բացառում իր մարզպետ նշանակվելու հավանականությունը |armenpress.am|
armenpress.am: ՀՀ Ազգային ժողովի պատգամավորի մանդատից հրաժարված Արամ Խաչատրյանը չի բացառում, որ կարող է նշանակվել Լոռու մարզպետ` փոխարինելով գործող մարզպետ Անդրեյ Ղուկասյանին: Այս մասին Խաչատրյանն ասաց լրագրողների հետ զրույցում՝ պատասխանելով այն հարցին, թե ստացել է արդյոք մարզպետ նշանակվելու առաջարկ:
«Այս պահին քննարկման փուլում է: Ես հիմա ոչինչ չեմ կարող բացառել, բայց թույլ տվեք հիմա չպատասխանել այդ հարցին: Տարբեր առաջարկներ են եղել, մոտ ապագայում կիմանաք»,- ասաց Խաչատրյանը:
«Քաղաքացիական պայմանագիր» կուսակցության անդամ Արամ Խաչատրյանը նշեց, որ չի պատրաստվում լքել իր քաղաքական թիմը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)