pastinfo.am։ Երևանի ընդհանուր իրավասության դատարանի Կենտրոն և Նորք Մարաշ նստավայրում դատավոր Տաթևիկ Գրիգորյանի նախագահությամբ քիչ առաջ մեկնարկեց կաշառքի մեջ մեղադրվող դատավոր Գագիկ Հեբոյանի և փաստաբան Վահագն Դանիելյանի գործով դատական նիստը։
Գագիկ Հեբոյանը բերվեց դատարան։ Դատական նիստին ներկա է նաեւ գործով մյուս մեղադրյալ Վահագն Դանիելյանը։ Ներկա են պաշտպաններ Արմեն Նադիրյանը, Արմեն Անտոնյանը, Ներսես Հարությունյանը, Գագիկ Մայիլյանը, Արմեն Մաիլյանը, Գուրգեն Գրիգորյանը եւ Հենրիկ Մաղաքյանը։ Մեղադրանքը պաշտպանող դատախազն է Արմեն Չախոյանը։
Նշենք, որ լրատվամիջոցների լուսաբանման վերաբերյալ պաշտպանական կողմը առարկություն է ներկայացրել դեռ առաջին դատական նիստին՝ պատճառաբանելով, որ դատավորը կաշկանդված է լրատվամիջոցների տեսա և լուսանկարահանմամբ։
«Փաստինֆո»-ի հաղորդմամբ՝՝ նախորդ դատական նիստին ավարտվեց վկաների հարցաքննության փուլը։
comment.count (0)