16:32 - 20 մայիսի, 2021
Տնտեսական և տրանսպորտային կապերի ապաշրջափակումը, ենթակառուցվածքային նոր երթուղիների ստեղծումը համապատասխանում են Հրվ. Կովկասի բոլոր պետությունների շահերին. Միշուստին |tert.am|
tert.am: Լեռնային Ղարաբաղի վերաբերյալ եռակողմ պայմանավորվածությունները տարածաշրջանի զարգացման համար նոր հնարավորություններ են բացել ՝ ի շահ Հարավային Կովկասի բոլոր հանրապետությունների: Այս կարծիքն այսօր՝ մայիսի 20-ին, հայտնել է Ռուսաստանի վարչապետ Միխայիլ Միշուստինը՝ իր ադրբեջանցի գործընկեր Ալի Ասադովի հետ Մոսկվայում կայացած հանդիպմանը, գրում է EADaily լրատվականը:
«2020 թվականի նոյեմբերի 9-ին Ադրբեջանի, Հայաստանի և Ռուսաստանի ղեկավարների հայտարարությունները, որոնք ընդունվել են Լեռնային Ղարաբաղում ռազմական գործողությունների ավարտից հետո, հնարավորություններ են բացել տարածաշրջանի առավել համապարփակ զարգացման համար: Համոզված եմ, որ տնտեսական և տրանսպորտային կապերի ապաշրջափակումը, ենթակառուցվածքային նոր երթուղիների ստեղծումը, ընդհանուր առմամբ, համապատասխանում են Հարավային Կովկասի բոլոր պետությունների շահերին», - ասել է ՌԴ կառավարության ղեկավարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)