tert.am: Սուդանում հարյուր հազարավոր մարդիկ հավաքվել են երկրի զինված ուժերի գլխավոր շտաբի մոտ՝ բողոքի ցույց անցկացնելու: Ինչպես հաղորդում է BBC-ն, ցուցարարները ռազմական հեղաշրջումը դատապարտող կարգախոսներ են վանկարկել:
Ցուցարարների բողոքն ուղղված է հատկապես զինվորականների՝ անցումային ռազմական խորհուրդ ստեղծելու որոշման դեմ:
Նախօրեին Սուդանի պաշտպանության նախարար Ավադ իբն Օուֆը հայտարարել էր անցումային խորհուրդ ստեղծելու մասին, որը երկիրը կկառավարի առաջիկա 2 տարիներին, որից հետո, նրա խոսքով, ընտրություններ կանցկացվեն:
Հիշեցնենք, որ Սուդանը 30 տարուց ավելի ղեկավարած Օմար ալ Բաշիրն ապրիլի 11-ին ռազմական հեղաշրջման արդյունքում ձերբակալվել և պաշտոնանկ է արվել բանակի կողմից:
comment.count (0)