Հայաստանի Հանրապետության նախագահ Արմեն Սարգսյանն ու վարչապետ Նիկոլ Փաշինյանը ներկա են գտնվել Կարեն Դեմիրճյանի տիկնոջ` Ռիմա Դեմիրճյանի հոգեհանգստի արարողությանը: Այս մասին հաղորդագրություն են տարածել ՀՀ նախագահի աշխատակազմը, և ՀՀ վարչապետի աշխատակազմը, որոնցում ասված է․
«Հանրապետության նախագահ Արմեն Սարգսյանը դեկտեմբերի 24-ին Երևանի Սուրբ Հովհաննես եկեղեցում ներկա է գտնվել Հայաստանի Ազգային հերոս, պետական-քաղաքական գործիչ Կարեն Դեմիրճյանի տիկնոջ` Ռիմա Դեմիրճյանի հոգեհանգստի արարողությանը: Այս մասին տեղեկացնում են Հայաստանի Հանրապետության նախագահի աշխատակազմից»,-ասված է ՀՀ նախագահի աշխատակազմի տարածած հաղորդագրության մեջ։
«Վարչապետ Նիկոլ Փաշինյանը Կոնդի Սուրբ Հովհաննես եկեղեցում մասնակցել է Հայաստանի Ազգային հերոս, պետական-քաղաքական գործիչ Կարեն Դեմիրճյանի տիկնոջ՝ Ռիմա Դեմիրճյանի հոգեհանգստի արարողությանը»,-ասված է ՀՀ վարչապետի աշխատակազմի տարածած հաղորդագրության մեջ։
comment.count (0)