Ուկրաինայի պաշտպանական ուժերը հակագրոհի են անցել Խարկովի և Իզյումի ուղղություններով։ Այս մասին, ՈւՆԻԱՆ-ի փոխանցմամբ, Տելեգրամում հայտնել է Ուկրաինայի Զինված ուժերի գլխավոր հրամանատար Վալերի Զալուժնին։
Նա հաղորդել է, որ ԱՄՆ Շտաբերի պետերի միացյալ կոմիտեի նախագահ Մարկ Միլլիի հետ քննարկել է մարտի դաշտում տիրող օպերատիվ իրավիճակը։
«Ամերիկացի գործընկերոջս տեղեկացրել եմ օպերատիվ իրավիճակի մասին։ Մասնավորապես՝ Լուգանսկի ուղղությամբ հակառակորդի հիմնական ջանքերի կենտրոնացման մասին, որտեղ Պոպասնայայի, Կրեմեննայայի և Տորսկոյեի հատվածներում դաժան մարտերը շարունակվում են, ինչպես նաև Ուկրաինայի պաշտպանական ուժերի՝ Խարկովի և Իզյումի ուղղություններով հակագրոհի անցնելու մասին»։
Նորա Վանյան
comment.count (0)