06:01 - 21 մայիսի, 2019
ԱԽ քարտուղարը ԱՄՆ-ում հանդիպել է Հայ դատի հանձնախմբի, Ամերիկայի Հայկական համագումարի ղեկավարների հետ |azatutyun.am|
azatutyun.am: Անվտանգության խորհրդի քարտուղար Արմեն Գրիգորյանը Միացյալ Նահանգներ աշխատանքային այցի շրջանակում այցելել է Ամերիկայի Հայ դատի հանձնախմբի գլխամաս և հանդիպել կազմակերպության ղեկավար կազմի հետ։
Անվտանգության խորհրդի քարտուղարի մամլո խոսնակի փոխանցմամբ՝ Գրիգորյանը ներկայացրել է իր այցի մանրամասները, տեղի ունեցած և նախատեսվող հանդիպումները, միջոցառումները և գրանցված արդյունքները։ Վաշինգտոնի Հայ դատի գրասենյակի գործադիր տնօրեն Արամ Համբարյանը ներկայացրել է հանձնախմբի ներկայիս աշխատանքները և նպատակները։
Քննարկվել են Հայաստանում տեղի ունեցող քաղաքական գործընթացները և հայ-ամերիկյան հարաբերությունների զարգացմանը առնչվող հարցեր։
Ավելի ուշ ԱԽ քարտուղարը հանդիպել է Ամերիկայի Հայկական համագումարի գործադիր տնօրեն Բրայան Արդունիի հետ։
Կողմերը քննարկել են Հայ-ամերիկյան հարաբերությունների, ԱՄՆ հայկական համայնքի և սփյուռքի կառույցների հետ համագործակցության օրակարգային հարցեր։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)