10:39 - 15 հոկտեմբերի, 2022
Սիսիանում ևս 2 խմբակցություն մանդատը վայր դրեց, բացառում են համայնքի ղեկավար ընտրած ՔՊ-ի հետ որևէ համագործակցություն
Սիսիան համայնքի նորընտիր ավագանու «Աշխատանք և արդարություն» և «Մեկ Հայաստան» խմբակցությունները վայր են դնում իրենց մանդատները։ Այս մասին ֆեյսբուքյան իր էջում գրել է «Աշխատանք և արդարություն» խմբակցության անդամ Հայկ Առաքելյանը։
«Սիսիան համայնքի հարգելի՛ ընտրողներ,
սեպտեմբերի 25-ին տեղի ունեցած ՏԻՄ ընտրությունների արդյունքում միասնական ընդիմությունը՝ «Աշխատանք և արդարություն» դաշինքը և «Մեկ Հայաստան» կուսակցությունը ստացավ 7 մանդատ։
Համայնքային իշխանություն ձևավորելու համար անհրաժեշտ էր 11 մանդատ։
Հոկտեմբերի 12-ին կայացած ավագանու անդրանիկ նիստին մասնակցելով ակնկալում էինք ստանալ ՔՊ-ի հետ համագործակցությունը մերժած ուժերի աջակցությունը։
Չստացանք․․․
Բացառելով ճնշումների ու խոստումների միջոցով համայնքի ղեկավար ընտրած ուժի հետ որևէ համագործակցություն՝ վայր ենք դնում մեր մանդատները։
Հիշեցնենք, որ ավելի վաղ «Ապրելու երկիր» կուսակցությունն էր Սիսիանում վայր դրել ավագանու իր մանդատները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)