news.am: Չճանաչվածության եւ Ադրբեջանի հայատյաց քաղաքականության հետեւանքով Արցախի Հանարպետությունը մեկուսացված է միջազգային հանրությունից, ինչը ուղղակիորեն բացասական ազդեցություն է ունենում նաեւ մարդու իրավունքների պաշտպանության մակարդակի վրա։ Այս մասին այսօր՝ ապրիլի 30-ին, ԱԺ Մարդու իրավունքների եւ հանրային հարցերի մշտական հանձնաժողովի նիստում նշեց Արցախի մարդու իրավունքների պաշտպան Արտակ Բեգլարյանը։

Մասնավորապես, ՄԻՊ–ի խոսքով, քաղհասարակությունը Արցախում բավականին թույլ կարողություններ ունի։

«Օրինակ, եթե միջազգային շփումներ լինեին եւ օտարերկրյա ռեսուրսներ մտնեին Արցախի Հանրապետություն, մեր քաղհասարակությունն ավելի ուժեղ կլիներ տարբեր խնդիրներ վերհանելու, առաջարկներ ներկայացնելու եւ նաեւ հանրային վերահսկողություն իրականացնելու առումով։

Քաղհասարակության հարթակում անկեղծ ասած ես չեմ տեսնում ՀՀ–ում գործող քաղհասարակությունների նախաձետնողականությունը եւ ոգեւորությունը, որ Արցախում քաղհասարակությունն ավելի կարողունակ դառնա։

Այստեղի քաղհասարակության փորձը շատ կարեւոր է, որ Արցախում ամրապնդվի մարդու իրավունքների պաշտպանության մակարդակը»։