14:00 - 06 մարտի, 2023
Իլհամ Ալիևը Լուի Բոնոյի հետ քննարկել է հայ-ադրբեջանական հարաբերությունների կարգավորմանը վերաբերող հարցեր
Ադրբեջանի նախագահ Իլհամ Ալիևը Բաքվում ընդունել է ԱՄՆ Պետդեպի կովկասյան բանակցությունների գծով ավագ խորհրդական Լուի Բոնոյին։ Այս մասին հայտնում են Ադրբեջանի նախագահի աշխատակազմից։
Զրույցի ընթացքում մտքեր են փոխանակվել Ադրբեջանի և Հայաստանի միջև հարաբերությունների կարգավորման և խաղաղության պայմանագրի շուրջ բանակցային գործընթացի մասին։
Ալիևը իր գոհունակություն է հայտնել Մյունխենի անվտանգության համաժողովի շրջանակներում Ադրբեջանի և Հայաստանի ղեկավարների հանդիպման արդյունքներից և իր երախտագիտությունը հայտնել ԱՄՆ պետքարտուղար Բլինքենին՝ այս ուղղությամբ շարունակական ջանքերի համար։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)