20:19 - 16 սեպտեմբերի, 2024
ԱՄՆ-ն կներդնի բոլոր ջանքերը Հայաստանի և Ադրբեջանի միջև տևական խաղաղության հասնելու համար․ Բլինքեն |tert.am|
tert.am: Տարածաշրջանում արդեն խաղաղություն կա, բայց խաղաղության պայմանագրի համար կարևոր է, որ ՀՀ-ն վերջ դնի իր Սահմանադրությամբ Ադրբեջանի նկատմամբ տարածքային պահանջներին։
Այս մասին ասել է Ադրբեջանի նախագահ Իլհամ Ալիևն ԱՄՆ պետքարտուղար Անտոնի Բլինքենի հետ հեռախոսազրույցի ժամանակ։
«Պայմանագրի ստորագրման համար կարևոր է, որ Հայաստանն իր Սահմանադրությամբ և այլ օրենսդրական ակտերով վերջ դնի Ադրբեջանի դեմ տարածքային հավակնություններին, ինչպես նաև դադարեցվի անցյալի մասունք հանդիսացող ԵԱՀԿ Մինսկի խմբի և դրա հետ կապված բոլոր ինստիտուտների գործունեությունը» ,-ասել է Ալիևը:
Իլհամ Ալիևը նշել է երկկողմ գործընթացի շրջանակներում ձեռք բերված դրական արդյունքները և ասել, որ այդ գործընթացն իրականացվելու է Կանոնակարգի հիման վրա։
Բլինքենը հայտարարել է, որ Ամերիկայի Միացյալ Նահանգները շարունակելու է ջանքեր գործադրել այդ նպատակին հասնելու համար:
Նա դրական քայլ է համարել Հայաստանի և Ադրբեջանի միջև սահմանների դելիմիտացիայի հարցում ձեռքբերումները, այդ թվում ՝ 2024 թվականի օգոստոսի 30-ին սահմանի դելիմիտացիայի հանձնաժողովների համատեղ գործունեության մասին դրույթի ստորագրումը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)