Սերժ Սարգսյան

Հայաստանի Հանրապետության երրորդ նախագահ, ՀՀԿ նախագահ։ Ծնվել է 1954 թվականի հունիսի 30-ին: Ավարտել է տեղի միջնակարգ դպրոցը: 1971 թվականին ընդունվել է Երևանի պետական համալսարան: 1972-1974 թվականներինծառայել է ԽՍՀՄ զինված ուժերում: 1979 թվականին ավարտել է ԵՊՀ բանասիրական ֆակուլտետը: Աշխատանքային գործունեությունը սկսել է 1975 թվականին Երևանի էլեկտրատեխնիկական գործարանում` որպես խառատ, աշխատել է մինչև 1979 թվականը:

1979-1988 թվականներին եղել է ԼԿԵՄ Ստեփանակերտի քաղկոմի բաժնի վարիչ, ապա` երկրորդ քարտուղար, առաջին քարտուղար, կոմկուսի Ստեփանակերտի քաղկոմի պրոպագանդայի և ագիտացիայի բաժնի վարիչ, ԼՂ մարզկոմիկուս կազմակերպությունների բաժնի հրահանգիչ, ԼՂ մարզկոմի առաջին քարտուղար Հենրիկ Պողոսյանի օգնական: 1989 թվականից ղեկավարել է ԼՂ ինքնապաշտպանության ուժերի կոմիտեն, իսկ 1992 թվականից` դրա հիման վրա ձևավորված և ԼՂՀ պաշտպանության բանակի հիմքըդ արձած ԼՂՀ պաշտպանության ուժերի կոմիտեն: 1990 թվականին ընտրվել է Հայաստանի Գերագույն խորհրդի պատգամավոր: 1993-1995 թվականներին եղել է ՀՀ պաշտպանության նախարար: 1995-1996 թվականներին` ՀՀ պետական անվտանգության վարչության պետ, ապա` ազգային անվտանգության նախարար: 1996-1999 թվականներին` ՀՀ ներքի նգործերի և ազգայի նանվտանգության նախարար: 1999 թվականին` ՀՀ ազգայի նանվտանգության նախարար: 1999-2000 թվականներին` ՀՀ նախագահի աշխատակազմի ղեկավար: 1999-2007 թվականներին` ՀՀ նախագահին առընթեր ազգային անվտանգության խորհրդի քարտուղար: 2000-2007 թվականներին` ՀՀ պաշտպանության նախարար:

2007 թվականի ապրիլի 4-ին նշանակվել է Հայաստանի Հանրապետության վարչապետ: 2007 թվականի հունիսի 7-ին կրկին նշանակվել է ՀՀ վարչապետ` գլխավորելով ՀՀ Ազգային ժողովի ընտրություններից հետո ձևավորված կառավարությունը: 2008 թվականի փետրվարի 19-ին կայացած նախագահական ընտրություններում ընտրվել է Հայաստանի Հանրապետության Նախագահ: 2008 ապրիլի 9-ին ստանձնել է ՀՀ Նախագահի պաշտոնը: 2013 թվականի փետրվարի 18-ին կայացած նախագահական ընտրություններում վերընտրվել է Հայաստանի Հանրապետության Նախագահ: 2013 թվականի ապրիլի 9-ին ստանձնել է ՀՀ Նախագահի պաշտոնը: 2018 թվականից ապրիլի 17-ին ԱԺ-ի կողմից ընտրվել է վարչապետի պաշտոնում և Հանրապետության նախագահի հրամանագրով նշանակվել վարչապետ: 2018 թվականի ապրիլի 23-ին ներկայացրել է իր հրաժարականը հանրապետության ամբողջ տարածքում ծավալվող քաղաքացիական անհնազանդությունների ճնշման ներքո։

Փաստաբանը միջնորդում է կասեցնել Սերժ Սարգսյանի առերևույթ ապօրինի գույքի գործի քննությունը |hetq.am|

hetq.am: Հակակոռուպցիոն դատարանում սեպտեմբերի 18-ին շարունակվեց ՀՀ երրորդ նախագահ Սերժ Սարգսյանի և նրա երկու դստեր՝ Սաթենիկ Սարգսյանի և Անուշ Մինասյանի դեմ Գլխավոր դատախազության ապօրինի ծագում ունեցող գույքի բռնագանձման գործերով վարչության հայցադիմումի քննությունը՝ ապօրինի ծագում ունեցող գույքի բռնագանձման պահանջով։ Գործը հասել է դատաքննության փուլին, հետազոտվում են գործում առկա ապացույցները, որոնք ընդհանուր 17 հատոր են։ Այս դատական նիստին ավարտվեց 9-րդ հատորի ուսումնասիրությունը և անցում կատարվեց 10-րդին։ Սակայն մինչ կուսումնասիրվեին ապացույցները, պատասխանողների ներկայացուցիչներ Վահագն Գրիգորյանը և Ամրամ Մակինյանը հայտնեցին, որ միջնորդություն ունեն ներկայացնելու։ Նրանք դատարանին, որպես գրավոր ապացույց, ներկայացրին Սերժ Սարգսյանի վերաբերալ քրեական գործով արդարացման դատավճիռը՝ մոտ 200 էջից բաղկացած։ Պաշտպանները խնդրեցին հարգելի համարել դրա ներկայացման ժամկետի խախտումը, քանի որ գրավոր ապացույցները ներկայացնելու համար դատարանի սահմանած ժամկետում այդ դատավճիռը կայացված չի եղել դեռևս։ Ըստ փաստաբան Վահագն Գրիգորյանի՝ Դատախազությունը Սերժ Սարգսյանի գույքի ուսումնասիրության համար հիմք է ընդունել միայն այդ քրեական գործը, և եթե տվյալ գործով Ս․ Սարգսյանն արդարացվել է, ուրեմն այս վարույթը անհիմն է։ «Արդարացման դատավճռով հաստատվում է այն հանգամանքը, որ Սերժ Սարգսյանի նկատմամբ ուսումնասիրություն սկսելու համար առիթ հանդիսացած ենթադրությունները քրեական գործի շրջանակներում չեն հաստատվել, և ևս մեկ անգամ հաստատվում է այն պնդումը, որ Ս․ Սարգսյանի նկատմամբ ուսումնասիրությունը հարուցվել է օրենքի խախտմամբ և կամայականորեն»,- ասաց Գրիգորյանը։ Ապօրինի ծագում ունեցող գույքի բռնագանձման գործերով վարչության պետի տեղակալ, դատախազ Տիգրան Ենոքյանը առարկեց միջնորդության դեմ՝ նշելով, որ այդ դատավճիռը դեռևս օրինական ուժի մեջ չի մտել, ավելին՝ Դատախազությունը բողոքարկել է այն։ Վահագն Գրիգորյանը հարցրեց դատախազին՝ եթե դատավճիռն օրինական ուժի մեջ մտած լինի, ապա դա բավարա՞ր է, որ այս գործն անհիմն համարվի։ Դատախազ Տիգրան Ենոքյանն ասաց՝ ոչ։ «Եթե նույնիսկ արդարացման դատավճիռն ուժի մեջ կմտնի, մեկը մյուսին չի խանգարելու, քանի որ «Ապօրինի ծագում ունեցող գույքի բռնագանձման մասին» օրենքը նախատեսում է, որ արդարացման դատավճռի կայացումը խոչընդոտ չէ այս վարույթի ավարտմանը»,- ասաց Տիգրան Ենոքյանը։ Վահագն Գրիգորյանը հայտնեց՝ այս գործով կա փաստական հանգամանքների չկրկնվող, յուրօրինակ համակցություն։ Նա երեք փաստեր հայտնեց, որոնք եզակի են դարձնում այս գործը։ «Առաջին՝ դատախազի զեկուցագրի մեջ որևէ գույքի մասին որևէ նշում կատարված չի եղել։ Այսինքն՝ այնպես չի, որ ի սկզբանե իրավասու մարմինը լեգիտիմ կասկած ունենալու իրավունք է ունեցել՝ ուսումնասիրություն սկսելու համար։ Երկրորդ՝ մեղադրանքը հերքվել է դեռևս այն պահին, երբ այս գործի քննությունն ընթանում է։ Եվ երրորդ՝ եթե նայում ենք գործով պատասխանողին պատկանող գույքի կազմը, պարզ երևում է, որ եթե չլինեին այն անձինք, որոնց պատկանող գույքերի և ծախսերի իրական շահառու է համարվել Սերժ Սարգսյանը, նրա նկատմամբ որևէ ուսումնասիրություն չէր կարող հարուցվել և չէր կարող գնալ դատարան այդ ուսումնասիրությունը»,- նշեց փաստաբան Վահագն Գրիգորյանը։ Դատարանը հարգելի համարեց ապացույցի ներկայացման ժամկետի խախտումը։ Իսկ ինչ վերաբերում է դատավճիռը որպես գրավոր ապացույց թույլատրելուն, դատարանն ընդգծեց՝ կողմը, չնայած նշում է, որ դա պետք է գրավոր ապացույց թույլատրել, սակայն վկայակոչում է իր փաստարկն այն մասին, որ ուսումնասիրություն սկսելու մասին որոշումը օրենքի խախտմամբ է կայացվել՝ ներկայացնելով այս ապացույցը՝ փաստարկն ամրապնդելու համար։ Հաշվի առնելով վերոնշյալը՝ դատարանը թույլատրեց այդ դատավճիռը՝ որպես ապացույց այնքանով, որքանով այն ուղղված է ուսումնասիրություն սկսելու որոշման օրինականության վիճարկմանը։ Շարունակությունը՝ սկզբնաղբյուր կայքում

15:13 - 18 սեպտեմբերի, 2024