Արտաքին հարաբերությունների մշտական հանձնաժողով

Սարգիս Խանդանյանն իր ադրբեջանցի գործընկերոջն առաջարկել է խորհրդարանական հանձնաժողովների հանդիպում անցկացնել

15:58 - 20 մարտի, 2025

Չկան միջանցքին, փախստականների վերադարձին և Սահմանադրությանը վերաբերող դրույթներ համաձայնեցված տեքստում. Արարատ Միրզոյան

ՀՀ ԱԺ արտաքին հարաբերությունների մշտական հանձնաժողովի հերթական նիստի ժամանակ ՀՀ ԱԳ նախարար Արարատ Միրզոյանը ներկայացնում է 2024թ. բյուջեի կատարողականը: Մինչ այդ նա անդրադարձավ Ադրբեջանի հետ համաձայնեցված խաղաղության համաձայնագրին: Նա մասնավորապես նշեց, որ համաձայնեցված համաձայնագրի տեքստում չկա` որևէ դրույթ, այսպես կոչված, միջանցքի մասին, այն մասին, որ մինչև Խորհրդային միության փլուզումը 2 երկրների տարածքներում բնակեցված և հետո այդ տարածքաները լքած մարդիկ պետք է վերադառնան իրենց տները կամ այն տարածքները, որտեղ իրենց նախնիները ապրել են, ՀՀ սահմանադրության մասին որևէ կարգավորում: Միջանցքի համատեքստում Միրզոյանը նշեց, որ ընդհանրապես ապաշրջափակման մեխանիզմների մասին որևէ բան համաձայնագրի տեքստում չկա. «Կա երկկողմ պատրաստակամություն համագործակցել տարբեր ոլորտներում, այդ թվում՝ տրանսպորտային, տրանզիտ, տնտեսական հարցերում»: Անդրադառնալով ադրբեջանական կողմի մեկնաբանությանը՝ ՀՀ սահմանադրության վերաբերյալ՝ նա ընդգծեց, որ համաձայնագրի տեքստում որևէ միակողմանի կարգավորում չկա, չկա նաև սահմանադրությունների մասին՝ հիշեցնելով, որ հայկական կողմն էլ իր մտահոգություններն է հայտնել Ադրբեջանի սահմանադրության մասին: «Եթե նույնիսկ, իսկ մենք համոզված ենք, որ ոչ... Եվ մենք ունենք առնվազն մեր Սահմանադրության մասով մեր ՍԴ-ի դիրքորոշումը մեկ այլ առիթով (սահմանազատման մասով՝ խմբ.) ... Բայց եթե նույնսիկ տեսականորեն իսկապես սահմանադրություններում կարող են լինել էդպիսի պահանջներ, ապա նաև մենք համաձայնագրի տեքստի ստորագրմամբ և վավերացմամբ, մեկընդմիշտ էդ հարցերը կարող ենք համարել փակված»,- ասաց Միրզոյանը: Ապա Միրզոյանը նշեց, որ խաղաղության պայմանագրերը միանգամից բոլոր հնարավոր հարցերի պատասխանները չեն տալիս, կախարդական փայտիկով երկու երկրներին բարեկամներ, համագործակիցներ չեն դարձնում: «Իհարկե, լինում են բազմաթիվ զգայուն և գերզգայուն հարցեր, որոնք հետագայում պետք է քննարկվեն, կարգավորվեն: Եվ մեր համաձայնեցված, ստորագրման պատրաստ տեքստը ևս էս առումով բացառություն չէ, բայց կարևոր է նշել, որ էս համաձայնագրում նախատեսվում են մեխանիզմներ, որ մենք և Ադրբեջանը համաձայնագրի ուժի մեջ մտնելուց հետո կարող ենք օգտագործել խնդիրները լուծելու համար և հարաբերությունները վերջնական կարգավորելու համար»,- հավելեց նա: Խոսելով Մինսկի խմբի մասին՝ նա նշեց. «Մինչ այս պահը տեսնում ենք հռետորաբանության, ապակառուցողական տարրեր, որ հանդիպում ենք ադրբեջանակն կողմից, մեզ համար մտահոգիչ են հենց այս կոնտեքստում: Էն պահին, երբ կունենանք ստորագրված խաղաղության համաձայնագիր, մենք ևս կունենանք մեր վերապահումները Մինսկի խմբի հետագա գործունեության հետ կապված»: Արարատ Միրզոյանը նաև ընդգծեց, որ համաձայնեցված խաղաղության պայմանագրի որևէ դրույթ, պայմանավորվածություն կարող է կյանքի կոչվել ստորագրվելուց, վավերացվելուց և ուժի մեջ մտնելուց հետո:

11:41 - 14 մարտի, 2025

Այս որոշմանը մենք շատ երկար էինք սպասել. Եղոյանը՝ ԵՄ-ի հետ վիզաների ազատականացման մեկնարկի մասին |news.am|

news.am: Անցած տարի մենք շատ կարևոր ձեռքբերումներ ունեցանք. ես կուզենամ նշել նախ և առաջ ամենակարևորը՝ Հայաստան-Եվրամիություն վիզաների ազատականացման երկխոսության մեկնարկը։ Այս մասին այսօր՝ փետրվարի 25-ին, Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի բացմանը իր խոսքում նշեց ԱԺ արտաքին հարաբերությունների հանձնաժողովի նախագահ Արման Եղոյանը: «Սա մի որոշում էր, որին մենք շատ-շատ երկար էինք սպասել և շատ երկար տարիներ տքնաջան աշխատել էինք ոչ միայն Եվրամիության ինստիտուտների, այլև Եվրամիության անդամ երկրների հետ առանձին-առանձին: Այս որոշումը հեշտ չի տրվել, հատկապես հաշվի առնելով, թե հիմա ԵՄ-ում ինչ քննարկումներ կան միգրացիայի վերաբերյալ, դրանց ռիսկերի վերաբերյալ: Ես ուզում եմ շնորհակալություն հայտնել անխտիր բոլոր անդամ 27 պետություններին՝ այս երկխոսությունը հնարավոր դարձնելու համար։ Սրան հետևելու են արդեն մեր կողմից քայլերը, արդեն ավելի շատ տեխնիկական մակարդակում, քաղաքական կամքը այսպես թե այնպես կա և ես լիահույս եմ որ մի քանի տարվա ընթացքում վիզաների ազատականացումը արդեն կդառնա իրողություն: Համենայնդեպս Հայաստանի Հանրապետությունը իր կողմից անելու է ամեն հնարավորը դա անելու համար»,- հայտարարեց Եղոյանը:

11:07 - 25 փետրվարի, 2025

Խորհրդարանում հյուրընկալվել են Հյուսիսային Եվրոպա-Բալթյան երկրներ համագործակցության ձեւաչափի խորհրդարանների նախագահների ու փոխնախագահների գլխավորած պատվիրակությունները

ՀՀ ԱԺ արտաքին հարաբերությունների եւ եվրոպական ինտեգրման հարցերի մշտական հանձնաժողովների անդամները հունվարի 24-ին հանդիպել են Հյուսիսային Եվրոպա-Բալթյան երկրներ համագործակցության ձեւաչափի (Nordic-Baltic Eight) խորհրդարանների նախագահների ու փոխնախագահների գլխավորած պատվիրակությունների հետ: Այս մասին հայտնում են ՀՀ ԱԺ մամուլի ծառայությունից։ «Հայաստան ենք եկել պատմական ժամանակահատվածում, քանի որ ձեր ժողովուրդն ընտրել է Եվրամիություն տանող ճանապարհը: Կարեւոր է, որ Հայաստանում բարելավվեն ստանդարտները, ամրապնդվի քաղհասարակության դերը, իրականացվեն անհրաժեշտ բարեփոխումներ: Մենք պատրաստ ենք խորհրդով, փորձով, դիվանագիտական աշխատանքով եւ գործնական քայլերով օգնել ձեզ այդ ճանապարհն ավելի դյուրին անցնելու համար»,- ասել է Լատվիայի Սայեմայի խոսնակ Դաիգա Միերինյան: ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը, երախտագիտություն հայտնելով պատվիրակության` Հայաստան այցելելու համար, նշել է` այս այցը ցույց է տալիս, որ նորդիկ-բալթյան երկրներն աջակցում են Հայաստանում իրականացվող ժողովրդավարական բարեփոխումների օրակարգին: «Կարծում եմ, որ դա նաեւ հստակ աջակցություն է Հայաստանի քաղաքական դիմակայունությանը»,- ընդգծել է պատգամավորը: ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը բարձր է գնահատել տարածաշրջանային անվտանգությանն առնչվող հարցերի շուրջ պատվիրակության կազմում ընդգրկված երկրների դիրքորոշումը: Արման Եղոյանն արժեւորել է «Խաղաղության եվրոպական գործիքի» շրջանակում մեր երկրին ցուցաբերվող աջակցությունը, որը կարեւոր է ոչ միայն ֆինանսական, այլ նաեւ քաղաքական առումով: Խոսելով ԵՄ դիտորդական առաքելության կարեւորությունից` հանձնաժողովի նախագահը հույս է հայտնել, որ ԵՄ խորհրդում որոշում կկայացվի երկարաձգելու առաքելության մանդատը: Հանդիպմանը հանձնաժողովների անդամները կարեւորել են ինչպես Եվրոպական միության, այնպես էլ անդամ երկրների հետ հարաբերությունների խորացումն ու մի շարք ոլորտներում համագործակցության ընդլայնումը, խոսել ՀՀ-ԵՄ մուտքի արտոնագրերի ազատականացման շուրջ երկխոսության մեկնարկի վերաբերյալ, անդրադարձել Ադրբեջանի հետ խաղաղության պայմանագրի բանակցային գործընթացին: Ընդդիմադիր «Հայաստան» եւ «Պատիվ ունեմ» խմբակցությունների ներկայացուցիչները խոսել են Բաքվում պահվող հայ ռազմագերիների եւ այլ պահվող անձանց մասին, կարեւորել այդ հարցում միջազգային գործընկերների գործուն քայլերը:

17:44 - 24 հունվարի, 2025

ԱԺ հանձնաժողովը դրական եզրակացություն տվեց սահմանազատման հանձնաժողովների կանոնակարգը վավերացնելու մասին օրենքի նախագծին |1lurer.am|

1lurer.am: ԱԺ արտաքին հարաբերությունների հանձնաժողովը դրական եզրակացություն տվեց Հայաստանի ու Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգը վավերացնելու մասին օրենքի նախագծին։ Կողմ քվեարկեց հինգ, դեմ՝ երեք պատգամավոր։ Հանձնաժողովի նիստում քննարկվում էր «Հայաստանի և Ադրբեջանի միջև պետական սահմանի սահմանազատման հանձնաժողովների համատեղ գործունեության մասին» կանոնակարգը վավերացնելու մասին օրենքի նախագիծը: Դրական եզրակացությունից հետո կանոնակարգը կներկայացվի խորհրդարանի հաստատմանը։ Հիշեցնենք, որ Սահմանադրական դատարանի սեպտեմբերի 26-ի որոշմամբ սահմանազատման հանձնաժողովների կանոնակարգում ամրագրված պարտավորությունները համապատասխանում են Սահմանադրությանը: Կանոնակարգի օրենքի նախագիծը Կառավարությունը հաստատել էր սեպտեմբերի 5-ին: Կանոնակարգը ստորագրվել է օգոստոսի 30-ին:

14:34 - 21 հոկտեմբերի, 2024

Հետագայում Հայաստանի և Ադրբեջանի միջև կնքվելու է պետական սահմանի մասին պայմանագիր. փոխվարչապետը ներկայացրեց սահմանազատման կանոնակարգը |armenpress.am|

12:29 - 21 հոկտեմբերի, 2024

Առաջնորդվում եմ ոչ թե հայկական գյուղ կամ ադրբեջանական գյուղ կատեգորիաներով, այլ ՀՀ գյուղ և Ադրբեջանի գյուղ․ Արարատ Միրզոյանը՝ ի պատասխան Տավուշի գյուղերի վերաբերյալ հարցին

ՀՀ որևէ պաշտոնյա իրավունք չունի վարելու որևէ բանակցություն ոչ միայն Տավուշի մարզի, այլև ՀՀ տարածքի որևէ մարզի որևէ գյուղ որևէ մեկին հանձնելու վերաբերյալ։ Այս մասին Ազգային ժողովի արտաքին հարաբերությունների մշտական հանձնաժողովի հերթական նիստի ժամանակ ասաց ՀՀ արտաքին գործերի նախարար Արարատ Միրզոյանը՝ պատասխանելով «Հայաստան» խմբակցության պատգամավոր Քրիստինա Վարդանյանի հարցին։ Նշենք, որ Միրզոյանը ներկայացնում է ՀՀ կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին զեկույցը։ «Որևէ մեկը չի կարող Տավուշի մարզից գյուղեր հանձնել որևէ մեկին։ Սա աքսիոմատիկ ճշմարտություն է, որի երաշխավորման համար նախատեսված են իրավական մեխանիզմներ; Այսինքն՝ եթե որևէ մեկը վերազանցի սա, պետք է բխեն այլ գործողություններ։ Հետևաբար մենք Տավուշի մարզից գյուղեր հանձնելու վերաբերյալ չենք բանակցում»,- ասաց Միրզոյանը։ Քրիստիա Վարդանյանը արձագանքեց՝ հիշեցնելով Նիկոլ Փաշինյանի խոսքերը ասուլիսի ժամանակ՝ նշելով, որ բառախաղ են անում հայկական և ոչ հայկական գյուղերի մասով։ Միրզոյանն էլ պատասխանեց․ «Ես առաջնորդվում եմ, համենայն դեպս էս հարցում, էս համատեքստում, ոչ թե հայկական գյուղ կամ չգիտեմ ադրբեջանական գյուղ կատեգորիաներով, այլ Հայաստանի Հանրապետության գյուղ և Ադրբեջանի գյուղ»։ Արարատ Միրզոյանի խոսքով՝ իրենց համոզմամբ երկու երկրների միջև փոխադարձ տարածքային ամբողջականության ճանաչումը և սահմանազատման գործընթացը պետք է տեղի ունենան Ալմա-Աթայի հռչակագրի հիման վրա․ «Սա նշանակում է, որ այն սահմանները, որոնք գոյություն են ունեցել 2 երկրների միջև ԽՍՀՄ փլուզման պահին, պետք է վերարտադրվեն գետնի վրա, այսպես ասած։ Ինչ այդ սահմանից կլինի ձախ, պետք է պատկանի ՀՀ-ին, ինչ կլինի աջ, պետք է պատկանի Ադրբեջանին։ Էստեղ որևէ գաղտնիք չկա»։ Տեղից հարց հնչեց, թե արդյո՞ք Ադրբեջանը համաձայն է դրան, ինչին ի պատասխան ԱԳ նախարարը նշեց, որ սա հայկական կողմի համոզմունքն է, որին աջակցում են մի շարք այլ գործընկերներ․ «Չունենք վստահություն, որ ադրբեջանական կողմը լիովին ընդունում է սա»։ Ի հավելումն վերոնշյալին՝ Միրզոյանը հիշեցրեց, որ Ադրբեջանական կողմը ստորագրել է Ալմաթիի հռչակագիրը, և նշեց, որ ադրբեջանցի գործընկերներին էլ են հիշեցնում, որ Ադրբեջանի նախագահը սա ընդունել է գրավոր կերպով Պրահայում, ընդունել է Սոչիում գրավոր հայտարարության մեջ, նույնն ընդունել է Բրյուսելում։ «Ուզում եմ ասել, որ փոխըմբռնումը այս ուղղությամբ այս պահի դրությամբ, այս հարցով ավելին է, քան օրինակ չգիտեմ մի ամիս առաջ։ Ես նույնիսկ տպավորություն ունեմ, որ մենք շատ մոտ ենք այս հարցով փոխադարձ համաձայնության գալուն»,- ասաց Միրզոյանը՝ հստակեցնելով, որ խոսքը երկու երկրների միջև սահմանազատման, տարածքային ամբողջականության ճանաչման հիմք՝ ԽՍՀՄ փլուզման ժամանակ եղած սահմանագիծը ընդունելու մասին հարցի վերաբերյալ է։ Հարցին, թե որտեղ է այդ գիծը, Արարատ Միրզոյանը պատասխանեց, որ այդ գիծը կարելի է գտնել ԽՍՀՄ իրավասու մարմինների կազմած, իրավական անհրաժեշտ գործընթացները կազմված և դրանք անցած իրավական ակտերում և դրանցից բխող քարտեզներում․ «Թե որոնք են դրանք, փոխադարձ համաձայնության այս պահին չկա»։ Նա հիշեցրեց, որ հայկական կողմն առաջարկել է 1974-78թթ․ ԽՍՀՄ ԶՈՒ գլխավոր շտաբի քարտեզներում, բայց քննարկումները դեռևս շարունակվում են։

12:53 - 15 մարտի, 2024

«Ադրբեջանի հետ բանակցություններում սկզբունքային հարցերում շատ շոշափելի արդյունքներ չկան»․ Արարատ Միրզոյան |aravot.am|

aravot.am: Արտաքին գործերի նախարար Արարատ Միրզոյանն ԱԺ արտաքին հարաբերությունների մշտական հանձնաժողովի նիստում ներկայացնում է 2023 թվականի կառավարության գործունեության ծրագրի կատարման ընթացքի եւ արդյունքների մասին զեկույցի հարաբերություններին վերաբերող հատվածը։ «Հայաստան-Ադրբեջան հարաբերությունների կարգավորման գործընթացը եղել է առանցքային ուղղություններից մեկը։ ՀՀ կառուցողական ջանքերը՝ տարածաշրջանում երկարատեւ կայուն խաղաղության հաստատման ուղղությամբ շարունակել են մնալ նույն ինտենսիվությամբ, նպատակը շարունակել է մնալ նույնը։ Ավելորդ չեմ համարում եւս մեկ անգամ հիշատակել սկզբունքները, որոնցով մենք առաջնորդվել ենք եւ այսօր էլ առաջնորդվում ենք՝ այդ խաղաղության շուրջ բանակցելիս։ Դրանք ակնհայտ են, հիմնական հարցերին են առնչվում այդ սկզբունքները։ Նախ, Հայաստանն ու Ադրբեջանը պետք է ճանաչեն փոխադարձաբար միմյանց տարածքային ամբողջականությունը՝ հիմնված 1991 թվականի Ալմա-Աթայի հռչակագրի վրա։ Քննարկվող տարածաշրջանի ենթակառուցվածքների ապաշրջափակման կոնտեքստում մեզ համար չափազանց էական է, որպեսզի այդ ենթակառուցվածքներն ապաշրջափակվեն մի քանի հիմնարար սկզբունքների հիման վրա, դրանք են՝ երկրների ինքնիշխանությունը, ազգային իրավազորությունը, եւ մենք պնդում ենք, որ ապաշրջափակման ուղղությամբ բոլոր գործողություններն արվեն փոխադարձության եւ հավասարության սկզբունքների հիման վրա։ Մենք ոչ միայն պատրաստ ենք, այլեւ շահագրգռված ենք տարածաշրջանի տրանսպորտային ենթակառուցվածքների ապաշրջափակմամբ։ Մենք ուզում ենք մաս լինել միջազգային տարանցման, իհարկե, ըմբռնմամբ, որ մեր ինքնիշխանությունը մեր ենթակառուցվածքների նկատմամբ որեւէ կերպ չի կարող սահմանափակվել՝ արդարորեն ակնկալելով, որ այդ հեշտացումները, որոնք մենք պատրաստ ենք անելու, պետք է փոխադարձվեն մյուս հարեւան երկրների կողմից նույնպես։ Շահագրգռված լինելով ապաշրջափակմամբ՝ մենք հանդես ենք եկել նախաձեռնությամբ, որին տվել ենք «խաղաղության խաչմերուկ» անվանումը։ Մենք համոզված ենք, որ այս պատկերացումներով ենթակառուցվածքների ապաշրջափակումը ոչ միայն տնտեսապես շահավետ կլինի տարածաշրջանի մասնակցող երկրներին, այլեւ, եթե իրականացվի, կդառնա խաղաղությանը նպաստող էական գործոն։ Մենք այս տեսլականով կիսվել ենք եւ շարունակում ենք կիսվել զանազան միջազգային դերակատարների հետ։ Մի մասը ողջունել են, ցավոք սրտի, Ադրբեջանից եղավ ձեւակերպում, թե սա ուտոպիա է»,- ասաց Արարատ Միրզոյանը։ ԱԳ նախարարը հավելեց․ «Անշուշտ, պայմանագրի նախագծի որոշ հոդվածների շուրջ կարողացել ենք առաջընթաց ապահովել, բայց սկզբունքային հարցերում առայժմ շատ շոշափելի արդյունքներ չկան։ Մենք դեռ շարունակում ենք բանակցել։ Խոսքը վերաբերում է հենց այն սկզբունքներին ու կետերին, որոնք հիշատակեցի»։

11:51 - 15 մարտի, 2024

Հայկական կողմը պնդում է` համաձայնեցված հոդվածներից հետընթաց անել չի կարելի. Սարգիս Խանդանյան |1lurer.am|

13:21 - 28 փետրվարի, 2024

Անընդունելի են Հայաստանի ներքին հարցերին խառնվելու Ադրբեջանի փորձերը. Սարգիս Խանդանյան |1lurer.am|

13:05 - 28 փետրվարի, 2024

Երկկողմ բանակցությունների առաջարկ չի եղել Հայաստանին. Սարգիս Խանդանյան |panorama.am|

13:13 - 10 հունվարի, 2024

Տեղյա՞կ եք՝ իրավիճակը սադրելու մեջ տիկին խոսնակն ում է մեղադրում․ Ջուլհակյանի հարցը՝ փոխարտգործնախարարին

ԱԺ ՔՊ խմբակցության պատգամավոր Արուսյակ Ջուլհակյանը ԱԺ արտահերթ նիստի ժամանակ ընթերցեց ՌԴ ԱԳՆ ներկայացուցիչ Մարիա Զախարովայի այն հայտարարությունը, որում ասված է․ «Մենք գիտենք, թե ինչ է պետք անել իրավիճակը կարգավորելու համար՝ կատարել պայմանավորվածությունները և չսադրել իրավիճակը»։ Ջուլհակյանը ԱԳ փոխնախարար Մնացական Սաֆարյանին հարց ուղղեց․ «Դուք արդյոք տեղյա՞կ եք՝ իրավիճակը սադրելու մեջ տիկին խոսնակն ում է մեղադրում եւ ինչ պայմանավորվածությունների կատարման մասին է խոսքը»։ ԱԳ փոխնախարարն ասաց․ «Չեմ հասցրել լիարժեք ծանոթանալ նրա հայտարարություններին այս պահի դրությամբ, բայց ՀՀ-ն իր ստանձնած բոլոր պարտավորությունները կատարել է եւ կատարում է»։ Ջուլհակյանն արձագանքեց, որ ինքը տեղյակ է, որ ՀՀ-ն իր ստանձնած պարտավորությունները կատարել է եւ կատարում է, այդ թվում՝ նոյեմբերի 9—ի հայտարարությամբ ստանձնած․ «Բայց ի՞նչ եք կարծում, ՌԴ մեր գործընկերներն ինչո՞ւ են ասում, որ կան չկատարված պարտավորություններ»։ ԱԳ փոխնախարարհն ասաց, որ ինքը տեղյակ չէ՝ ինչի մասին է այդ արտահայտությունը․ «Այսինքն՝ եթե ասում են, որ կան չկատարված պարտավորություններ, պետք է նաեւ ասեն՝ ինչի մասին է խոսքը, դրա մասին չի հնչել արտահայտություն»։

17:52 - 19 սեպտեմբերի, 2023

Սարգիս Խանդանյանն ու ՀՀ-ում Ֆրանսիայի դեսպանը քննարկել են ոլորտային մի շարք հարցեր

ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը սեպտեմբերի 12-ին ընդունել է Հայաստանում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին: Ողջունելով դեսպանին Ազգային ժողովում՝ Սարգիս Խանդանյանը բարձր է գնահատել Հայաստան-Ֆրանսիա փոխգործակցությունը և բարեկամ Ֆրանսիայի շարունակական աջակցությունը մեր երկրին ու ժողովրդին: Օլիվիե Դըկոտինյին շնորհակալություն է հայտնել ջերմ ընդունելության համար՝ համոզմունք հայտնելով, որ համատեղ արդյունավետ գործունեություն են ծավալելու: Կարևորվել է միջխորհրդարանական հարաբերությունների զարգացումը, միջազգային հարթակներում փոխգործակցության խորացումը: Հանդիպմանը քննարկվել են օրակարգային, ոլորտային մի շարք հարցեր:

15:04 - 12 սեպտեմբերի, 2023

Հայ-ամերիկյան համատեղ զորավարժությունների անցկացումը Հայաստանի սուվերեն որոշումն է․ Սարգիս Խանդանյան |armenpress.am|

armenpress.am: «ԱՐԾԻՎ ԳՈՐԾԸՆԿԵՐ-2023» հայ-ամերիկյան համատեղ զորավարժությունների անցկացումը Հայաստանի սուվերեն որոշումն է։ Լրագրողների հետ ճեպազրույցում այս մասին ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանն՝ անդրադառնալով Հայաստանում հայ-ամերիկյան զորավարժությունների անցկացման վերաբերյալ Ռուսաստանի Դաշնության մտահոգությանը։ «Դա Հայաստանի սուվերեն որոշումն է, ես հասկանում եմ, որ տարբեր կողմեր կարող են անհանգստություններ ունենալ, դժգոհություններ հայտնել, բայց սա Հայաստանի սուվերեն որոշումն է: Նաև դուք գիտեք, որ սա խաղաղապահ առաքելությունում հայ-ամերիկյան փոխգործակցությունը բարելավելուն ուղղված զորավարժություններ են, որոնք պետք է տեղի ունենան հաջորդ շաբաթ: Սա արդյունք է հայ-ամերիկյան խորացող հարաբերություններին»,- ասաց Խանդանյանը։ Հարցին, թե արդյոք զորավարժություններ անցկացնելու որոշումից առաջ եղել է քննարկում ռուսական կողմից հետ, ԱԺ արտաքին հարաբերությունների մշտական հանձնաժողովի նախագահը պատասխանեց, որ չունի նման տեղեկություն։ Նա նաև ընդգծեց, որ Հայաստանը ՀԱՊԿ անդամ լինելով, որեւէ կերպ չի կորցնում իր սուվերենությունը, հատկապես հաշվի առնելով ՀԱՊԿ-ի գործելաոճը Հայաստանում և Հայաստանի նկատմամբ։ Պաշտպանության նախարարությունը հայտնել էր, որ սեպտեմբերի 11-ից 20-ը Հայաստանում կանցկացվի «ԱՐԾԻՎ ԳՈՐԾԸՆԿԵՐ-2023» հայ-ամերիկյան համատեղ զորավարժությունը։ Նշվում է, որ այն կանցկացվի Պաշտպանության նախարարության խաղաղապահ բրիգադի «Զառ» ուսումնական կենտրոնում և Պաշտպանության նախարարության N ուսումնական կենտրոնում՝ միջազգային խաղաղապահ առաքելություններում մասնակցության նախապատրաստման շրջանակներում։ Զորավարժության նպատակն է բարձրացնել միջազգային խաղաղապահ առաքելությունների մասնակցող ստորաբաժանման փոխգործակցելիության մակարդակը խաղաղապահ գործողությունների շրջանակում, իրականացնել կառավարման և մարտավարական հաղորդակցման լավագույն փորձի փոխանակում, ինչպես նաև բարձրացնել հայկական ստորաբաժանման պատրաստվածությունը ՆԱՏՕ/ ԳՀԽ «Օպերատիվ Կարողությունների Հայեցակարգ»-ի պլանային գնահատման համար։ Հայ-ամերիկյան համատեղ զորավարժություններին կմասնակցի 85 ամերիկացի ու 175 հայաստանցի զինվորական։

18:04 - 07 սեպտեմբերի, 2023

Հռոմի ստատուտը խորհրդարան է ուղարկվել առանց վերապահումների․ Սարգիս Խանդանյան

Հռոմի ստատուտը խորհրդարան է ուղարկվել առանց վերապահումների։ Կարծում եմ՝ այն պետք է վավերացվի։ Լրագրողների հետ զրույցում ասել է ԱԺ արտաքին հարաբերությունների հանձնաժողովի նախագահ Սարգիս Խանդանյանը։ Նշենք, որ փաստաթղթում կա դրույթ, որն առնչվում է Ռուսաստանի նախագահի ձերբակալությանը: Հիշեցնենք, որ Հայաստանի կառավարություն սեպտեմբերի 1-ին Հռոմի ստատուտն ուղարկել է Ազգային ժողով՝ վավերացման: Կառավարության լրատվականից, սակայն, չէին մանրամասնել, թե արդյոք ուղարկված փաստաթղթում վերապահում կա կամ որևէ դրույթ կա, որն առնչվում է Ռուսաստանի նախագահի ձերբակալությանը: ՌԴ ԱԳՆ պաշտոնական ներկայացուցիչ Մարիա Զախարովան արձագանքել էր, որ Ռուսաստանն արդեն պարզաբանում խնդրել է հայկական կողմից Հռոմի ստատուտի վավերացման վերաբերյալ․ մենք կորոշենք մեր հետագա քայլերը՝ ելնելով Երևանի պատասխանի բովանդակությունից։

16:03 - 07 սեպտեմբերի, 2023

ԱԺ հանձնաժողովում քննարկվել է Հայաստան-Հունգարիա բարեկամական խմբի ստեղծման հարցը |news.am|

news.am: Հայաստանի եւ Հունգարիայի միջեւ դիվանագիտական հարաբերությունների խզումը պայմանավորված էր հայ սպայի մարդասպան Ռամիլ Սաֆարովին ադրբեջանական կողմին հանձնելով: Այս մասին այսօր՝ հունիսի 19-ին, ԱԺ արտաքին հարաբերությունների մշտական հանձնաժողովի նիստում հայ-հունգարական բարեկամական խմբի ձեւավորման հարցի քննարկման ժամանակ ասաց «Քաղաքացիական պայմանագիր» խմբակցության պատգամավոր Գուրգեն Արսենյանը։ Նրա խոսքով՝ այն ժամանակվա նախագահ Սերժ Սարգսյանի որոշումը Բուդապեշտի հետ դիվանագիտական հարաբերությունները խզելու մասին անհիմն էր եւ անհեռատես: «Ինչո՞ւմ է մեղավոր հունգարացի ժողովուրդը։ Եթե նրանք ցանկանում էին ցույց տալ իրենց բացասական վերաբերմունքն այդ ակտի նկատմամբ, ապա պետք է այն ցուցաբերեին Հունգարիայի քաղաքական ղեկավարության նկատմամբ»,- նշեց Արսենյանը։ Հունգարիան արդեն ձեւավորել է նման խումբ եւ նմանատիպ քայլ է ակնկալում նաեւ Հայաստանի կողմից։ Բավականին կարճատեւ քննարկումներից հետո օրենսդրական նախաձեռնությունը ստացավ ԱԺ մշտական հանձնաժողովի դրական եզրակացությունը:

12:33 - 19 հունիսի, 2023