Ինֆոթեգեր Մեր մասին
hy en ru
Նվիրաբերել

«Հանրապետություն» կուսակցություն

«Հանրապետություն» կուսակցությունը ստեղծվել է 2001 թ․, նախագահն Արամ Սարգսյանն է։ 

2003-ի խորհրդարանական ընտրություններին կուսակցությունը ստացել է 1 մանդատ, 2007-ի խորհրդարանական ընտրություններին չի հաղթահարել անցողիկ շեմը։ 2017-ի խորհրդարանական և Երևանի ավագանու ընտրություններին կուսակցությունը մասնակցել է «Ելք» դաշինքով։ 

2018-ի խորհրդարանական արտահերթ ընտրություններին «Ազատ դեմոկրատներ» կուսակցության հետ մասնակցել է «Մենք» դաշինքով։ Դաշինքը չի հաղթահարել անցողիկ շեմը։

«Հանրապետություն» կուսակցությունը մասնակցելում էր 2021 թ․ հունիսի 20-ի խորհրդարանական արտահերթ ընտրություններին, նախընտրական ցուցակը գլխավորում էր Արամ Սարգսյանը։

Կուսակցությունն ընտրություններին ստացել է 38 758 ձայն (3.03%) և չի անցել 8-րդ գումարման խորհրդարան։

«Հանրապետություն» կուսակցությունը պատրաստ է դեպի Եվրոպա գնալու գործընթացում աջակցել ՀՀ իշխանություններին |armenpress.am|

«Հանրապետություն» կուսակցությունը պատրաստ է դեպի Եվրոպա գնալու գործընթացում աջակցել ՀՀ իշխանություններին |armenpress.am|

armenpress.am: «Հանրապետություն» կուսակցությունը պատրաստակամություն է հայտնում ողջ գործիքակազմով աջակցել Հայաստանի գործող իշխանություններին՝ դեպի Եվրոպա գնալու գործընթացում: Այս մասին ընդգծեց «Հանրապետություն» կուսակցության նախագահ Արամ Սարգսյանը «Հայաստանի՝ Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» թեմայով խորհրդարանական լսումների ժամանակ:   Սարգսյանն արդեն երկրորդ անգամ նման ձևաչափով ԱԺ-ում քննարկում անցկացնելը համարեց փաստ, որ իշխանությունների համար այս օրակարգը քննարկման թեմա է, ինչը դրական է:   «Մենք բազմաթիվ անգամներ հանձնառություն ենք վերցրել, որ դեպի Եվրոպա գնալու գործընթացում աջակցելու ենք գործող իշխանություններին, աջակցելու ենք մեր ողջ պոտենցիալով, քննադատելու ենք բոլոր այն խոչընդոտները, որոնք խանգարում են մեզ ԵՄ անդամ դառնալու հարցում, քննադատելու ենք բոլոր այն ուժերին, որոնք դեմ եմ մեր՝ ԵՄ անդամ դառնալուն, քննադատելու ենք իշխանություններին, եթե նրանք դանդաղեն: Բայց, եթե իրենք այդ ուղղությամբ նույնիսկ դանդաղ քայլեր անեն, մենք աջակցելու ենք»,-ասաց Սարգսյանը: Ըստ Սարգսյանի՝ 2020 թվականից հետո ՀՀ ներքաղաքական կյանքում տեղի ունեցող բոլոր գործընթացները կապ չեն ունեցել ո՛չ ԼՂ-ի, ո՛չ Տավուշի սահմանազատման, ո՛չ «Լաոյի արթնանալու» հետ: Այդ խնդիրները մեկ հիմնական հարց են ունեցել: Այդ հարցը աշխարհաքաղաքական է, քաղաքակրթական է: «Ի՞նչ ուղղությամբ է զարգանալու Հայաստանը 2018-ի հեղափոխությունից հետո. գնալու է դեպի քաղաքակրթական աշխարհ՝ դեպի Եվրոպա՞, թե՞ մնալու է այն տեղում, որտեղ ստորագրված պայմանագրեր ու հանձնառություններ ունի»,-հարցրեց կուսակցության նախագահը:  Նա կարծում է, որ այդ առումով Հայաստանի ներքաղաքական դաշտը բաժանվել է 3 մասի: «Առաջին մասի կողմնակիցները պնդում են, որ Հայաստանն իր գործունեությունը պետք է ծավալի՝ Ռուսաստանի հետ հարաբերություններն էլ ավելի սերտացնելով, մնացած երկրների մասով՝ ձեռքի հետ: Երկրորդ ուղղության կողմնակիցները գտնում են, որ Հայաստանը պետք է նոր գործընկերներ գտնի, Եվրոպայի հետ համագործակցությունը սերտացնի, բայց Ռուսաստանի հետ էլ պահի առկա համաձայնություններն՝ անկախ նրանից Ռուսաստանը կատարո՞ւմ է դրանք, թե՞ ոչ: Եվ կա երրորդ ուղղությունը, որի ներկայացուցիչն եմ նաև ես, որն առաջարկում է իսկապես քաղաքակրթական ընտրություն անել, իսկապես որոշել Հայաստանի վերջնական ուղղվածությունը և այդ ուղղությամբ իրական քայլեր անել: Եթե գնում ենք Հայաստանի ներքաղաքական դաշտի այն թևի ուղեգծով, որն առաջարկում է մնալ Ռուսաստանի հետ, այդ դեպքում միանշանակ է, որ մենք առաջին քայլով պետք է Հայաստանից դուրս հրավիրենք ԵՄ դիտորդներին, երկրորդ քայլով պետք է հրաժարվենք Ֆրանսիայից և Հնդկաստանից սպառազինություն գնելուց, երրորդ քայլով պետք է Միացյալ Նահանգների և Ֆրանսիայի ռազմական փորձագետներին դուրս հրավիրենք, որ մեր բանակը նոր ուղեգծի վրա չդնեն, այսինքն՝ սպառազինության և բանակի առումով մնանք հետամնաց, և այդ դեպքում Ադրբեջանը մեզ հետ կխոսի այնպես, ինչպես ցանկանում է... »,-կարծիք հայտնեց կուսակցության նախագահը: 
12:39 - 21 հունիսի, 2024
Ընդդիմադիր չորս քաղաքական ուժերը ձևավորեցին Ժողովրդավարական ուժերի միասնական հարթակ

Ընդդիմադիր չորս քաղաքական ուժերը ձևավորեցին Ժողովրդավարական ուժերի միասնական հարթակ

Տեղի է ունեցել ընդդիմադիր արտախորհրդարանական չորս ուժերի՝ «Հանրապետություն» կուսակցության, «Հանուն Հանրապետության» կուսակցության, Եվրոպական կուսակցության եւ Քրիստոնյա-ժողովրդավարական կուսակցության առաջնորդների եւ ղեկավար կազմերի ներկայացուցիչների հանդիպում: Այս 4 ուժերի տարածած հաղորդագրության մեջ ասվում է. «Հանդիպման մասնակիցները, հայտնելով իրենց վճռականությունը ջանքեր գործադրելու. - Հայաստանի անկախության եւ ինքնիշխանության կայացման եւ եվրոպական ինտեգրման գործում, որը տեսնում են Հայաստանի արեւմտյան քաղաքականության ուժգնացման եւ Եվրամիությանը եւ ՆԱՏՕ-ին Հայաստանի լիիրավ անդամակցության մեջ, - Հայաստանի ինքնիաշխանությունը վտանգող Ռուսաստանից եկող սպառնալիքների դեմ պայքարում, որոնք արտահայտվում են երկրի ներքաղաքական կայունությունը խաթարող ներկայիս հրապարակային գործընթացներում, - Հայաստանի ներքաղաքական կյանքի առողջացման, բարեփոխումների, մարդու իրավունքների արդյունավետ պաշտպանության եւ կոռուպցիայի դեմ պայքարի, հատկապես դատական եւ իրավապահ համակարգերում վեթինգի իրականացման գործում, որոնք մնում են չլուծված իշխանությունների անհետեւողականության եւ կադրային խնդրահարույց քաղաքականության պատճառով, - Ալմա-Աթիի հռչակագրի սկզբունքների հիման վրա Ադրբեջանի հետ խաղաղության պայմանագրի կնքման եւ սահմանագծման եւ սահմանազատման գործընթացի հաջող ավարտի գործում, - Արցախի խնդրի արդար հանգուցալուծման եւ միջազգային իրավական եւ քաղաքական մեխանիզմների գործադրմամբ Արցախի հայության վերադարձի, անվտանգության եւ իրավունքների ապահովման գործում, ինչպես նաեւ վերահաստատելով իրենց հավատարմությունը քաղաքացիական ուժերի հետ համատեղ մինչ այժմ արտահայտած իրենց դիրքորոշումներին, որոնք ամրագրվել են, մասնավորապես, 2023թ. փետրվարի 21-ի հայտարարության (Երեւան), 2023թ. սեպտեմբերի 30-ի հայտարարության (Երեւան), 2023թ. նոյեմբերի 13-ի հայտարարության (Բրյուսել), 2024թ. մարտի 28-ի հայտարարության մեջ (Երեւան), ինչպես նաեւ խորացնելով միմյանց միջեւ համախոհության եւ համագործակցության ավանդույթը՝ որոշեցին ձեւավորել Հայաստանի ժողովրդավարական ուժերի հարթակ։ Հիմնադրելով հարթակը` միջոցառմանը մասնակցող քաղաքական ուժերի առաջնորդներն իրենց հաստատակամ հավատարմությունը հայտնեցին Հայաստանի ժողովրդին՝ նպատակ ունենալով ստեղծել համախոհ քաղաքական եւ քաղաքացիական ուժերի արդյունավետ շփման համար անհրաժեշտ միջավայր։   Հանդիպմանը մասնակցած ուժերը միմյանց միջեւ համագործակցության հետագա սերտացման եւ խորացման հնարավորության որեւէ սահմանափակում չեն դնում։ Հայաստանի ժողովրդավարական ուժերի հարթակը բաց է բոլոր համախոհ քաղաքական եւ քաղաքացիական ուժերի, անհատների միանալու համար։ «Հանրապետություն» կուսակցություն «Հանուն Հանրապետության» կուսակցության, Եվրոպական կուսակցության, Քրիստոնյա-Ժողովրդավարական կուսակցության
19:00 - 14 մայիսի, 2024
Երևանի քաղաքապետը կունենա 4 տեղակալ. անունները հայտնի են |1lurer.am|

Երևանի քաղաքապետը կունենա 4 տեղակալ. անունները հայտնի են |1lurer.am|

1lurer.am: Երևանի քաղաքապետի տեղակալների անունները հայտնի են: Երևանի քաղաքապետարանում տեղի ունեցած արտահերթ նիստի ժամանակ 32 կողմ, 5 ձեռնպահ ձայներով քաղաքապետի առաջին տեղակալ ընտրվեց Արմեն Փամբուխչյանը: Լևոն Հովհաննիսյանը քվեարկության 31 կող, 0 դեմ, 5 ձեռնպահ արդյունքներով ընտրվեց Երևանի քաղաքապետի տեղակալ։ Սուրեն Գրիգորյանը քվեարկության 32 կողմ, 5 ձեռնպահ արդյունքներով ընտրվեց Երևանի փոխքաղաքապետ։ Երևանի ավագանին քաղաքապետի տեղակալ ընտրեց նաև «Հանրապետություն» կուսակցությունից Սարգիս Մադաթյանին՝ 32 կողմ, 5 ձեռնպահ ձայներով։
11:05 - 26 հոկտեմբերի, 2023
Երևանի ավագանու 2 անդամ ինքնաբացարկի դիմում է ներկայացրել

Երևանի ավագանու 2 անդամ ինքնաբացարկի դիմում է ներկայացրել

Կենտրոնական ընտրական հանձնաժողովը Երևան համայնքի ղեկավարից ստացել է ավագանու անդամների լիազորությունները վաղաժամ դադարեցնելու 2 արձանագրություն։ Հանձնաժողովը հոկտեմբերի 24-ի հերթական նիստում քննարկել է դրանք։ Այս մասին տեղեկացրին ԿԸՀ-ից: Երևանի ավագանու «Քաղաքացիական պայմանագիր» խմբակցության անդամ Սուրեն Գրիգորյանը և «Հանրապետություն» խմբակցության անդամ Սարգիս Մադաթյանն ինքնաբացարկի դիմումներ են ներկայացրել համայնքի ղեկավարին։ Լիազորությունները վաղաժամկետ դադարած ավագանու անդամների մանդատները տրվել են «Քաղաքացիական պայմանագիր» կուսակցության ընտրական ցուցակի հերթական հաջորդ թեկնածու Լևոն Գագիկի Լևոնյանին և «Հանրապետություն» կուսակցության ցուցակի հերթական հաջորդ թեկնածու Մհեր Աշոտի Բեջանյանին։
15:46 - 24 հոկտեմբերի, 2023
Մեզ մոտ քաղաքական առեւտուր տեղի չի ունեցել, ի տարբերություն ոմանց. բոլորը տեսել են այդ բացահայտ առեւտուրը. Ավինյան |news.am|

Մեզ մոտ քաղաքական առեւտուր տեղի չի ունեցել, ի տարբերություն ոմանց. բոլորը տեսել են այդ բացահայտ առեւտուրը. Ավինյան |news.am|

news.am: Երեւանցիներն իրենց քվեն տվեցին 5 քաղաքական ուժերի եւ նրանք ներկայացված են Երեւանի ավագանիում. Ամեն քաղաքական ուժ իր որոշումն է կայացնում արդեն հետընտրական շրջանում: Այս մասին այսօր՝ հոկտեմբերի 10-ին, մամուլի ասուլիսում հայտարարեց քիչ առաջ Երեւանի քաղաքապետ ընտրված Տիգրան Ավինյանը՝ անդրադառնալով դիտարկմանը, որ քաղաքացին «Հանրապետություն» կուսակցությանը ձայն է տվել որպես ընդդիմություն, սակայն այսօր այդ ուժը ՔՊ-ի հետ հուշագիր է ստորագրել եւ միացել իշխանությանը: «Հետընտրական շրջանում գաղափարական նույն հենքի եւ ծրագրերը միասին իրականացնելու հիմքով «Հանրապետության» հետ մենք կազմեցինք հետընտրական դաշինք: Սա պաշտոններ կիսելու հարց չէ: Մենք նման բան չենք արել՝ ի տարբերություն ոմանց: բոլորը տեղյակ են հետընտրական շրջանում, բոլորը տեսել են ամեն ինչ, բոլորը բացահայտ այդ առեւտուրն իրականացրել են: Մենք ասել ենք, որ մերժում ենք այդ ձեւը, մենք մերժում ենք այլ գաղափարական հենք ունեցող խմբակցությունների հետ որեւէ կերպ դաշինք կազմել: Որովհետեւ եթե ձեր ծրագրերը նույն բանի մասին չեն, եթե դու, օրինակ, չես մտածում Երեւանի, երեւանցիների մասին, եթե դու նույնիսկ էս երկրի մասին չես մտածում, եթե դու պոտենցիալ այլ երկրի շահերին ես ծառայում, մենք չենք կարող նման ուժերի ֆրակցիաների հետ դաշինք կազմել: Մեզ մոտ քաղաքական առեւտուր տեղի չի ունեցել, այս դաշինքը համագործակցության մասին է՝ գաղափարների եւ ծրագրերի իրականացման համար»,-ասաց Ավինյանը:   Իր հերթին Երեւանի ավագանու «Հանրապետություն» խմբակցության ղեկավար Արտակ Զեյնալյանն ասաց. «Ընտրությունները մցրույթ են, տենդեր են հանրային պաշտոններում նշանակվելու համար: Մենք մասնակցել ենք այդ տենդերին եւ շահել ենք 12 տոկոսի չափ: Մենք նախընտրական արշավի ժամանակ հայտարարել ենք, թե որ ուժերի հետ դաշինք չենք կազմելու եւ մեր ընտրողը դա լսելով է մեզ ձայն տվել: Երեւանցին կարող էր միանգամից ընտրել ուղիղ մանդատով Երեւանի քաղաքապետ։, բայց որոշել է, որ իր փոխարեն քաղաքապետ պետք է ընտրեն պատվիրակները՝ ավագանու անդամնեը: Մենք այդ պատվիրակված լիազորությունն իրականացրել ենք այն սկզբունքների շրջանակներում, որոնց մասին հայտարարել ենք քարոզչության ժամանակ»:
14:01 - 10 հոկտեմբերի, 2023
Զեյնալյանն ասել է` ինչու ընդդիմադիր ներկայացած «Հանրապետությունը» հուշագիր կնքեց ՔՊ–ի հետ |armeniasputnik.am|

Զեյնալյանն ասել է` ինչու ընդդիմադիր ներկայացած «Հանրապետությունը» հուշագիր կնքեց ՔՊ–ի հետ |armeniasputnik.am|

armeniasputnik.am:  Հաշվի առնելով Հայաստանի առջև ծառացած տարածաշրջանային, աշխարհաքաղաքական և ներքին լուրջ մարտահրավերները` Երևանի ավագանու «Հանրապետություն» խմբակցությունը «Քաղաքացիական պայմանագիր» խմբակցության հետ հուշագիր է ստորագրել, որպեսզի Երևանը չմնա առանց իշխանության։ Այս մասին ասուլիսում հայտարարեց խմբակցության ղեկավար Արտակ Զեյնալյանը։ Հայտնել էինք, որ Երևանի ավագանու «Քաղաքացիական պայմանագիր» և «Հանրապետություն» խմբակցություններն այսօր համագործակցության հուշագիր կնքեցին` հաշվի առնելով սեպտեմբերի 17–ին տեղի ունեցած Երևանի ավագանու ընտրությունների արդյունքները։ Անդրադառնալով այն հարցին, թե երևանցիները «Հանրապետություն» խմբակցությունը քվե էին տվել որպես ընդդիմության, բայց այսօր տեսնում են նրանց իշխանության մաս։ «Չի կարելի շփոթել ընդդիմությունը թշնամության հետ, ընդդիմախոսությունը` վնասարարության հետ։ Մենք երբեք չենք իրականացրել թշնամություն և վնասարարություն։ Նախընտրական քարոզարշավի ընթացքում մեր կուսակցության որևէ անդամ չի հայտարարել իշխանության վերարտադրության արգելքի վերաբերյալ։ Մենք հավակնում էինք ստանալ մեծամասնություն, դա արդար է, օրինական է, ազնիվ է...մենք նաև հայտարարել ենք, թե ում հետ չենք կազմի կոալիցիա։ Ինչ վերաբերում է համագործակցությանը, ապա համագործակցելու ենք Երևանի ավագանու բոլոր անդամների հետ»,– ասաց նա։ Զեյնալյանն ընդգծեց, որ այս դեպքում գուցե իդեալական տարբերակը չէ, սակայն իշխանություն ունենալն ավելի լավ սահմանադրական վիճակ է, քան իշխանություն չունենալը։ Ինչ վերաբերում է հարցին, թե պաշտոննե՞րն էին ՔՊ-ին աջակցելու գինը, Զեյնալյանն ասաց՝ պաշտոնը կարկանդակ չէ. ծառայություն է, ծանր աշխատանք, պատասխանատվության ստանձնում։ «Եվս մեկ անգամ կրկնեմ` դա շնորհ, պարգև չէ որևէ մեկին տրված։ Դա պատասխանատվության ստանձնում է։ «Հանրապետություն» կուսակցությունը որոշեց ստանձնել այդ պատասխանատվությունը»,-ասաց Զեյնալյանը։
13:58 - 10 հոկտեմբերի, 2023
Չեմ կիսում տեսակետը, որ Արցախի անկումը Փաշինյանի ստորագրության հետեւանքն էր. դա վաղուց սկսված գործընթաց էր․ Զեյնալյան |news.am|

Չեմ կիսում տեսակետը, որ Արցախի անկումը Փաշինյանի ստորագրության հետեւանքն էր. դա վաղուց սկսված գործընթաց էր․ Զեյնալյան |news.am|

news.am: Ես չեմ կիսում տեսակետը, որ Նիկոլ Փաշինյանը ստորագրեց պրահյան փաստաթուղթը եւ դրան հետեւեց Արցախի անկումը: Այս մասին այսօր՝ հոկտեմբերի 10-ին, մամուլի ասուլիսում հայտարարեց Երեւանի ավագանու «Հանրապետություն» խմբակցության ղեկավար Արտակ Զեյնալյանը: «Պատերազմը տանուլ են տալիս ոչ թե բանակների բախման արդյունքում, այլ դրան նախապատրաստվելիս: Սա կանոն է: Այս, ինչ տեղի ունեցավ, վաղուց սկսված գործողությունների ու անգործության հետեւանք է: 2004 թվականից սկսած և նույնիսկ ավելի վաղ, երբ Հայաստանը ստորագրեց պայմանագիր՝ ռուսական սահմանապահների՝ Հայաստանում գործելու վերաբերյալ։ Ծանոթացեք այդ պայմանագրին, երբ ՀՀ-ն ռազմաբազայի վերաբերյալ պայմանագիր ստորագրեց ու երկարաձգեց, դա մեր բոլորի կողմից թույլ տրված  սխալի հետևանք էր՝ անկախ անհատներից։ Ես ինձ հետ հաշտ չեմ լինելու և պայքարելու եմ նրա համար, որպեսզի Արցախը լինի հայկական, որպեսզի արցախահայության իրավունքները ապահովված ու երաշխավորված լինի։ Մենք ներդնելու ենք մեր գիտելիքները, փորձը, հնարամտությունը, որպեսզի դա ի կատար ածենք»,- ասաց Արտակ Զեյնալյանը։  
13:23 - 10 հոկտեմբերի, 2023
ՔՊ ու «Հանրապետություն» կուսակցությունները Երևանի կառավարումն իրականացնելու են միասին․ ստորագրվեց հուշագիր

ՔՊ ու «Հանրապետություն» կուսակցությունները Երևանի կառավարումն իրականացնելու են միասին․ ստորագրվեց հուշագիր

ՔՊ ու «Հանրապետություն» կուսակցությունները հուշագիր են ստորագրել․ Երևան քաղաքի կառավարումն իրականացնելու են միասին՝ պատասխանատվությունը կիսելով։ Այս մասին Արտակ Զեյնալյանի հետ համատեղ ասուլիսի ժամանակ հայտնեց Երևանի քաղաքապետ Տիգրան Ավինյանը։ ««Հանրապետություն» և ՔՊ խմբակցությունները, ՀՀ ինքնիշխանությունը, ժողովրդավարությունը և անվտնագությունը համարելով գերագույն արժեքներ և նպատակ ունենալով Երևան քաղաքը դարձնել եվրոպական մոդելի, մարդկանց հարմար և հասանելի քաղաք, կյանքի կոչել կուսակցությունների նախընտրական ծրագրերը որոշեցին սկսել համագործակցություն՝ ի նպաստ ՀՀ մայրաքաղաք Երևանի զարգացման և երևանցիների բարօրության»,- ասվում է հուշագրում։ Հիշեցնենք, որ այսօր տեղի ունեցավ Երևանի նորընտիր ավագանու առաջին նիստը։ Երևանի ավագանու նիստին ներկա էր 37 անդամ։ «Հանրային ձայն» խմբակցությունը, ինչպես ավելի վաղ հայտնել էր կուսակցության ղեկավար Վարդան Ղուկասյանը, ներկա էր նիստին։ Նիստը բոյկոտել էին «Մայր Հայաստան» և «Ազգային առաջընթաց» խմբակցությունները։ Երկու ուժերի քաղաքապետի թեկնածուներն էլ նշել էին, որ միայն նիստը բոյկոտելով է հնարավոր կանխել ՔՊ-ի թեկնածուի ընտրությունը։ 32 կողմ և 5 դեմ ձայներով Երևանի քաղաքապետ ընտրվեց առաջադրված և գրանցված միակ թեկկնածուն՝ Տիգրան Ավինյանը։
12:17 - 10 հոկտեմբերի, 2023
Վարչապետը հանդիպել է արտախորհրդարանական քաղաքական ուժերի ղեկավարների հետ

Վարչապետը հանդիպել է արտախորհրդարանական քաղաքական ուժերի ղեկավարների հետ

Վարչապետ Նիկոլ Փաշինյանը հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակից կուսակցությունների ղեկավարներին: Այս մասին տեղեկացնում են Կառավարության մամուլի ծառայությունից: Հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի քրիստոնեա-ժողովրդավարական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Հայաստանի եվրոպական կուսակցության նախագահ Տիգրան Խզմալյանը, «Ուժը հայրենյաց» կուսակցության նախագահ Տիգրան Արզաքանցյանը:
19:08 - 27 սեպտեմբերի, 2023
«Հանրապետություն» կուսակցությունը ներքին հանդուրժողականության և համամբման կոչ է անում հանրությանը

«Հանրապետություն» կուսակցությունը ներքին հանդուրժողականության և համամբման կոչ է անում հանրությանը

«Հանրապետություն»կուսակցության քաղաքական խորհուրդը հանդես է եկել հայտարարությամբ ․   ««Հանրապետություն» կուսակցությունը ներքին հանդուրժողականության և համամբման կոչ է անում մեր հանրությանը։ Մեր հակադրություններից միանշանակ օգտվելու են Հայաստանի Հանրապետության թշնամիները՝ փորձելով պատերազմը տեղափոխել մեր տարածք, նպատակ ունենալով ուժային ճանապարհով բացել Նախիջևանին կապող միջանցքը և զրկել Հայաստանը ինքնիշխանությունից, վերածելով ՌԴ նահանգի։   ՀՀ բոլոր քաղաքացիներին, քաղաքական կուսակցություններին և հասարակական կազմակերպություններին կոչ ենք անում զերծ մնալ հավաքներ կազմակերպելուց և հանրային միջոցառումներին մասնակցելուց։ Ստեղծված վիճակի լուծումն արտաքին դաշտում նպատակամղված և ճկուն աշխատելու մեջ է։ Վստահ ենք, որ ՀՀ քաղաքացին կցուցաբերի իմաստնություն և թույլ չի տա Թուրքիա-Ադրբեջան-Ռուսաստան արդեն ակնհայտ թշնամական եռյակին ներքին հակադրություններ հրահրելով, երկիրը հանել վերահսկողությունից»։
18:35 - 19 սեպտեմբերի, 2023
«Հանրապետություն» կուսակցությունը` կոալիցիա կազմելու մասին |factor.am|

«Հանրապետություն» կուսակցությունը` կոալիցիա կազմելու մասին |factor.am|

factor.am: Հանրապետություն կուսակցությունը քաղաքական խորհրդի նիստ չի անցկացրել` ընտրությունների նախնական արդյունքներից հետո որևէ ուժի հետ կոալիցա կազմելու հավանականությունը քննարկելու համար։ Այս մասին Factor.am-ի հետ զրույցում ասաց կուսակցության քաղխորհրդի անդամ Անի Խաչատրյանը։ «Ոչ մի որոշում չունենք, իրավիճակից ելնելով՝ կհասկանանք հաջորդ քայլերը։ Մենք այս պահին որևէ առաջարկ և քննարկում չենք ունեցել։ Քննարկում պետք է լինի, հասկականք` ինչ որոշում կայացնենք, որ բխի Երևանի շահերից, քանի որ սրանք քաղաքական ընտրություններ են»,- ասաց Անի Խաչատրյանը։ Հիշեցնենք, որ 2023թ․ սեպտեմբերի 17-ին Երևանում կայացած ավագանու ընտրությունների նախնական արդյունքներով անցողիկ շեմը հաղթահարել է 5 ուժ՝  1. ՔՊ - 75․463 (32.57%)2. Ազգային առաջընթաց- 43․765 (18․89%)3. Մայր Հայաստան - 35․739 (15.43%)4. Հանրապետություն - 26․236 (11.32%)5. Հանրային ձայն - 22․431 (9.68%) Ըստ արդյունքների՝ մանդատները կարող են բաշխվել հետևյալ կերպ՝ «Քաղաքացիական պայմանագիր» - 24 «Ազգային առաջընթաց» - 14«Մայր Հայաստան» - 12«Հանրապետություն» - 8«Հանրային ձայն» - 7։  Քանի որ որևէ ուժ չի հավաքել 50+1 ձայն, քաղաքապետ ընտրելու համար անհրաժեշտ է կոալիցիա կազմել։ ՔՊ-ի հետ կոալիցիա կազմելու հնարավորությունը չի բացառել միայն «Հանրապետություն» կուսակցությունը, սակայն երկու ուժերի գումարային մանդատները ևս չեն բավարարում քաղաքապետ ընտրելու համար։ Իսկ մյուս երեք ուժերի մանդատները բավարարում են։   
14:01 - 18 սեպտեմբերի, 2023
«Հանրապետություն» կուսակցությունը հրապարակել է Երևանի ավագանու ընտրությունների ցուցակի առաջին տասնյակի անունները

«Հանրապետություն» կուսակցությունը հրապարակել է Երևանի ավագանու ընտրությունների ցուցակի առաջին տասնյակի անունները

«Հանրապետություն» կուսակցությունը ներկայացրել է Երևանի ավագանու ընտրություններում կուսակցության առաջին տասնյակը. 1. Արտակ Զեյնալյան 2. Սարգիս Մադաթյան 3. Անի Խաչատրյան 4. Տիգրան Տեր-Մարգարյան 5. Ռոմիկ Մխիթարյան 6. Գոհար Բալդրյան 7. Հայկ Սահակյան 8. Մհեր Բեջանյան   9. Նելլի Ղարդյան   10. Արմեն Մկրտչյան
16:41 - 13 օգոստոսի, 2023
Արամ Սարգսյանը մասնակցելու է քարոզարշավին. ովքե՞ր են ընդգրկված «Հանրապետություն» կուսակցության ընտրական ցուցակում |armlur.am|

Արամ Սարգսյանը մասնակցելու է քարոզարշավին. ովքե՞ր են ընդգրկված «Հանրապետություն» կուսակցության ընտրական ցուցակում |armlur.am|

armlur.am: «Հանրապետություն» կուսակցությունը մասնակցելու է ավագանու ընտրություններին. քաղաքապետի նրանց թեկնածուն Արդարադատության նախկին նախարար Արտակ Զեյնալյանն է: ArmLur.am-ի հետ զրույցում «Հանրապետություն» կուսակցության ներկայացուցիչ Անի Խաչատրյանը հայտնեց, որ նախընտրական շտաբը ղեկավարելու է կուսակցության նախագահ Արամ Սարգսյանը: -Տիկի՛ն Խաչատրյան, ովքե՞ր են կուսակցության քարոզարշավն իրականացնելու, արդյո՞ք պարոն Սարգսյանն անձամբ մասնակցելու է քարոզարշավին: -Այո՛, Արամ Սարգսյանը մասնակցելու է քարոզարշավին, քանի որ հենց ինքն է ղեկավարելու կուսակցության շտաբը: -Արդեն պատրա՞ստ է կուսակցության ընտրական ցուցակը, ովքե՞ր են ընդգրկված: -Կուսակցության ցուցակը 1-2 օրից կներկայացվի ԿԸՀ: Ցուցակում շատ են անունները. եռյակը հետևյալ տեսքն ունի՝ Արտակ Զեյնալյան, Սարգիս Մադաթյան և ես: Ցուցակում լինելու է նաև լեգենդար հրամանատար Ռոմիկ Մխիթարյանը, այս պահին՝ այսքանը: -Երեկ Երևանի նախկին քաղաքապետ Հայկ Մարությանը հայտարարեց, որ մասնակցելու է ավագանու ընտրություններին։ Տարբեր հարցումներ ցույց են տալիս, որ նա բավականին բարձր վարկանիշ ունի, ու նրա մասնակցությունը կարող է շատ բան փոխել ընտրությունների վերջնարդյունքում, ի՞նչ կասեք այս մասին: -Հայկ Մարությանը՝ որպես դերասան ունի բարձր վարկանիշ, մնացածը ցույց կտան ընտրությունների արդյունքները: Ոչ մի կերպ չեմ վերաբերվում նրա թեկնածությանը, ես իմ տեսակետը քաղաքապետ Հայկ Մարությանի վերաբերյալ ասել եմ դեռ իր պաշտոնավարման ժամանակ՝ ավագանու դահլիճում, իսկ որպես դերասան Մարությանը փայլուն դերասան է, միգուցե՝ էր: Ինչ վերաբերվում է բարձր վարկանիշին՝ ընտրության արդյունքները ցույց կտան:
12:53 - 09 օգոստոսի, 2023
Վարչապետը հանդիպել է արտախորհրդարանական քաղաքական ուժերի ղեկավարներին

Վարչապետը հանդիպել է արտախորհրդարանական քաղաքական ուժերի ղեկավարներին

Վարչապետ Նիկոլ Փաշինյանը կառավարությունում հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակից կուսակցությունների ղեկավարներին: Հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի Քրիստոնեա-ժողովրդավարական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Հայաստանի եվրոպական կուսակցության նախագահ Տիգրան Խզմալյանը, «Ուժը հայրենյաց» կուսակցության նախագահ Տիգրան Արզաքանցյանը:
18:25 - 30 հունվարի, 2023
Վարչապետը հանդիպել է արտախորհրդարանական քաղաքական ուժերի ղեկավարներին

Վարչապետը հանդիպել է արտախորհրդարանական քաղաքական ուժերի ղեկավարներին

Վարչապետ Նիկոլ Փաշինյանը կառավարությունում հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակից կուսակցությունների ղեկավարներին: Այս մասին հայտնում են վարչապետի աշխտակազմից։  Հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի Քրիստոնեա-ժողովրդավարական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Հայաստանի եվրոպական կուսակցության նախագահ Տիգրան Խզմալյանը, «Ուժը հայրենյաց» կուսակցության նախագահ Տիգրան Արզաքանցյանը:
16:25 - 22 դեկտեմբերի, 2022
Վարչապետը հանդիպել է արտախորհրդարանական քաղաքական ուժերի ղեկավարների հետ

Վարչապետը հանդիպել է արտախորհրդարանական քաղաքական ուժերի ղեկավարների հետ

Վարչապետ Նիկոլ Փաշինյանը Կառավարությունում հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակից կուսակցությունների ղեկավարներին:   Հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի Քրիստոնեա-ժողովրդավարական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Սոցիալ-դեմոկրատ Հնչակյան կուսակցության Կենտրոնական վարչության ատենապետ Համբիկ Սարաֆյանը, Սոցիալ-Դեմոկրատ Հնչակյան կուսակցության Հայաստանի վարչության ատենապետ Սեդրակ Աճեմյանը, Հայաստանի եվրոպական կուսակցության նախագահ Տիգրան Խզմալյանը, «Ուժը հայրենյաց» կուսակցության նախագահ Տիգրան Արզաքանցյանը:
15:26 - 20 սեպտեմբերի, 2022