Երևանի քաղաքապետարան

Երևանի քաղաքապետարանը համայնքային ծառայություններ իրականացնող պետական մարմին, որի նպատակն ու խնդիրն ավագանու և քաղաքապետի լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։ Երևանի քաղաքապետը և ավագանին քաղաքապետարանի միջոցով համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։

Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։ 

Դեկտեմբերի 8-ից երթևեկության կազմակերպման փոփոխություն կկատարվի Դավթաշենի կամրջում և Սասնա Ծռեր փողոցում

Դեկտեմբերի 8-ից երթևեկության կազմակերպման փոփոխություն կկատարվի Դավթաշենի կամրջում և Սասնա Ծռեր փողոցում

Երևանի քաղաքապետարանից տեղեկացնում են՝ դեկտեմբերի 8-ից երթևեկության կազմակերպման փոփոխություն կկատարվի Դավթաշենի կամրջում և Սասնա Ծռեր փողոցում: Տիգրան Պետրոսյան փողոցից դեպի Դավթաշենի կամուրջ ուղղությամբ աջ եզրային գոտուց կթույլատրվի միայն աջ ուղղությամբ՝ դեպի Եղվարդի խճուղի և ևս երկու երթևեկելի գոտուց՝ միայն ուղիղ: Դավթաշենի կամրջի՝ Տիգրան Պետրոսյան փողոցից դեպի Խաչատրյան փողոց ուղղությամբ երթևեկությունը կկազմակերպի 4 գոտիով, որոնցից աջ եզրային երկու գոտիներից կթույլատրվի միայն աջ՝ դեպի Հովսեփ Էմինի փողոց և ևս երկու երթևեկելի գոտուց ուղիղ՝ դեպի Խաչատրյան փողոց: Միաժամանակ նշված ճանապարհահատվածում կտեղադրվեն համապատասխան ճանապարհային նշաններ և կիրականացվեն գծանշման աշխատանքներ:
11:11 - 07 դեկտեմբերի, 2023
Եվրոպական միությունը շարունակելու է աջակցել Հայաստանում իրականացվող բարեփոխումների օրակարգին. ԵԽ պատգամավոր

Եվրոպական միությունը շարունակելու է աջակցել Հայաստանում իրականացվող բարեփոխումների օրակարգին. ԵԽ պատգամավոր

Երևանի քաղաքապետի առաջին տեղակալ Արմեն Փամբուխչյանը հանդիպել է Եվրոպական խորհրդարանի պատգամավոր Ժոֆրուա Դիդիեի հետ: Անդրադառնալով ֆրանսիական տարբեր քաղաքների հետ հաստատված ապակենտրոնացված համագործակցությանը՝ Արմեն Փամբուխչյանը նշել է, որ Երևանը մեծապես կարևորում է գործընկեր քաղաքների ունեցած փորձն ու այն կիրառելու հնարավորությունը: Երևանի քաղաքապետի առաջին տեղակալը նկատել է, որ  նման փոխայցելությունները լավ հնարավորություն են՝ խորացնելու երկկողմ հարաբերություններն ու ավելի հստակ պատկերացում կազմելու փոխգործակցության հեռանկարների վերաբերյալ:  Շնորհակալություն հայտնելով ֆրանսիական քաղաքների հետ գործակցության ընդլայնման պատրաստակամության համար՝ Եվրոպական խորհրդարանի պատգամավոր Ժոֆրուա Դիդիեն իր հերթին նշել է, որ Եվրոպական միությունը շարունակելու է աջակցել Հայաստանում ու Երևանում իրականացվող բարեփոխումների օրակարգին:  
19:01 - 04 դեկտեմբերի, 2023
Ավինյանը հանձնարարեց 4-րդ կարգի վթարային շենքերից բնակիչներին տեղափոխելուց հետո դրանք քանդել
 |1lurer.am|

Ավինյանը հանձնարարեց 4-րդ կարգի վթարային շենքերից բնակիչներին տեղափոխելուց հետո դրանք քանդել |1lurer.am|

1lurer.am: 2023 թվականի դրությամբ Երևանում 4-րդ աստիճանի վթարային 14 շենք կա, 3-րդ կարգի վթարային շենքերը 107-ն են: Այդ մասին Երևանի քաղաքապետարանի գործակարգավարական խորհրդակցության ժամանակ զեկուցեց շինարարության և բարեկարգման վարչության պետի պաշտոնակատար Խորեն Գրիգորյանը: Նա նաև հիշեցրեց, որ 3-րդ կարգի վթարային շենքերի ամրակայությունն ապահովելու համար միջոցառումներ են անհրաժեշտ, և եթե լինի Երևանի քաղաքապետի հանձնարարականը, ապա դրանք ամրակայելու համար կտրվի հանձնարարական: Տիգրան Ավինյանն արձագանքեց. «Հարց է՝ ուզո՞ւմ ենք ամրակայել այդ շենքերը, թե՞ ուզում ենք նոր թաղամասեր ստեղծել, որոնք այլ տրամաբանությամբ պետք է կառուցվեն»: Երևանի քաղաքապետը նաև հիշեցրեց, որ վերջերս տարբեր վթարային շենքերի բնակիչներին 40-ից ավելի բնակարաններ են հանձնվել, հիմնականում՝ Արցախի նրբանցքի շենքերում ապրողների մասին է խոսքը: «Մի մասին բնակարանի գնման վկայականներ ենք հանձնել, մի մասին բնակարաններ ենք հանձնել: Հենց բոլորը տեղափոխվեն, ժամկետները կան հստակ, խնդրում եմ անպայմանորեն կազմակերպել այդ շենքերի քանդումը վերջնական, 4-րդ կարգի վթարային շենքերի քանդումը, որ նորից այդ ցիկլի մեջ չմտնենք, որ ևս 3 հոգի եկել ու ապրում է այս շենքում, եկեք այդ մարդկանց խնդիրն էլ լուծենք: Հետևապես սա ֆիքսենք, այս մարդկանց բոլորին տեղափոխենք, տեղափոխելու հաջորդ օրը միանգամից քանդենք բոլոր շենքերը, թող գնան պատմության գիրկը»,- հանձնարարեց Ավինյանը:
11:32 - 04 դեկտեմբերի, 2023
Երևանի պոլիկլինիկաները պետք է լինեն առավել հասանելի, վստահելի ու մրցունակ. քաղաքապետը ծանոթացել է հիմնանորոգման աշխատանքների ընթացքին

Երևանի պոլիկլինիկաները պետք է լինեն առավել հասանելի, վստահելի ու մրցունակ. քաղաքապետը ծանոթացել է հիմնանորոգման աշխատանքների ընթացքին

Երևանի քաղաքապետարանի ենթակայությամբ այսօր 17 պոլիկլինիկա է գործում:  Բժշկական այս հաստատությունները շահագործման օրից ի վեր երբևէ չէին հիմնանորոգվել: Նախորդ տարվանից համայնքը մեծածավալ աշխատանքներ սկսեց: Այս մասին հայտարարություն է տարածել Եէեւանի քաղաքապետարանը։ Թիվ 4, 12, 8 պոլիկլինիկաներում ու «Նոր Արաբկիր» առողջության կենտրոնում իրականացված ու ընթացիկ աշխատանքներին ծանոթացել է Երևանի  քաղաքապետ Տիգրան Ավինյանը: Ծրագրի համար պետական ու համայնքային բյուջեներից շուրջ 1 մլրդ դրամ է նախատեսվել: Առաջնային օղակի, առաջնային խնդիրներին լուծում տալու նպատակով հենց տեղերում գնահատվեցին կարիքներն ու սահմանվեցին առաջնահերթությունները: Արդյունքներն արդեն տեսանելի են: Քաղաքացիների բուժսպասարկմանը զուգահեռ պոլիկլինիկաներում ակտիվ շինարարություն է: Բժշկական կենտրոնները նաև տեխնիկապես են վերազինվում: Ընթացիկ տարում համայնքային բյուջեից 55 մլն դրամ էլ բժշկական սարքավորումների ձեռքբերման համար է հատկացվել: Համալիր ու հիմնարար ծրագրերի հիմքում դրված է մեկ նպատակ՝ քաղաքացիների համար պոլիկլինիկաները դարձնել առավել հասանելի, վստահելի ու մրցունակ կենտրոններ։ Հարմարավետ պայմանների ապահովմանը զուգահեռ զգալիորեն ավելացել է այցելուների թիվը: Եթե նախկինում համայնքային պոլիկլինիկաները տարեկան շուրջ 1 մլն 400.000 այցելու էին ունենում, ապա այս տարի արդեն թիվը գրեթե կրկնապատկվել է՝ 2 մլն 452 000 հազար: 
10:05 - 30 նոյեմբերի, 2023
Փոքր կենտրոնում կարմիր գծերում կայանման մեկ տարվա գինը կլինի 160 հազար դրամ

Փոքր կենտրոնում կարմիր գծերում կայանման մեկ տարվա գինը կլինի 160 հազար դրամ

Երևանի քաղաքապետի մամուլի խոսնակ Հայկ Կոստանյանը ֆեյսբուքյան գրառմամբ տեղեկացնում է, որ  Երևան համայնքում տեղական վճարների 2024 թվականի դրույքաչափերի առաջարկվող փոփոխություններով պայմանավորված՝ ավտոկայանատեղիների վճարների դրույքաչափերը սահմանվելու են գոտիավորման սկզբունքով: «Առաջարկվում է Երևան քաղաքում սահմանել Ա և Բ գոտիներ: Ա գոտին ներառում է Սուրբ Գրիգոր Լուսավորիչ, Ագաթանգեղոս, Խանջյան, Ալեք Մանուկյան, Չարենց, Կորյուն, Աբովյանի պուրակ, Իսահակյան, Մոսկովյան, Սարյան և Լեո փողոցների շրջանակը, ընդհանուր՝ շուրջ 40 փողոց և պողոտա: Նշված հատվածներում, ըստ առաջարկվող տարբերակի, նախատեսվում է կիրառել հետևյալ դրույքաչափերը. Ա գոտի՝ Յուրաքանչյուր 1 ժամվա համար՝ 300 դրամ Յուրաքանչյուր 1 օրվա համար՝ 2000 դրամ Մեկ շաբաթվա համար՝ 5000 դրամ Մեկ ամսվա համար՝ 18000 դրամ Մեկ տարվա համար՝ 160 000 դրամ Բ գոտի՝ Յուրաքանչյուր 1 ժամվա համար՝ 200 դրամ Յուրաքանչյուր 1 օրվա համար 1000 դրամ Մեկ շաբաթվա համար՝ 2000 դրամ Մեկ ամսվա համար՝ 4000 դրամ Մեկ տարվա համար՝ 24000 դրամ Նախաձեռնության հիմքում առաջնահերթ՝ մայրաքաղաքի Փոքր կենտրոնն էականանորեն բեռնաթափելն է, այլ ոչ համայնքային բյուջեի եկամուտներն այս կերպ ավելացնելը: Ընդ որում՝ սա տրանսպորտային բարեփոխումների համատեքստում համայնքի կողմից իրականացվող շարունակական քայլերից մեկն է, որն ունենալու է նաև այլ բաղադրիչներ: Մասնավորապես՝ հաջորդիվ Փոքր կենտրոնում ավելանալու են հասարակական տրանսպորտի համար առանձնացված երթևեկելի գոտիները: Այլ կերպ ասած՝ առաջարկվող փոփոխությունների ամբողջ տրամաբանությունը հասարակական տրանսպորտի համար առաջնահերթություն սահմանելն է»,- ասված է գրառման մեջ:
11:39 - 29 նոյեմբերի, 2023
Երևանում տրոլեյբուսի վարորդը վրաերթի է ենթարկվել և մահացել
 |panorama.am|

Երևանում տրոլեյբուսի վարորդը վրաերթի է ենթարկվել և մահացել |panorama.am|

panorama.am:  Անցած շաբաթ տեղի է ունեցել ճանապարհատրանսպրոտային պատահար, մահացել է տրլեյբուսի վարորդը։  Երևանի քաղաքապետարանի գործակարգավարական խորհրդակցության ժամանակ զեկուցվեց, որ հարուցվել է քրեական գործ, ներկա պահին ընթանում է  քննություն, տուժածի  ընտանիքն ցուցաբերվել է աջակցություն։ Քաղաքապետ Տիգրան Ավինյանը հետաքրքրվեց, թե որտե՞ղ է դեպքը տեղի ունեցել։ «Երևանի էլեկտրատրանսպորտ» ՓԲԸ տնօրեն Սարգիս Բեջանյանն ասաց, որ դեպքը տեղի է ունցել Թևոսյան փողոցում։ «Անսարք տրոլեյբուսը քարշակելու նպատակով առջևում կայանված «Զիլ-131» մանիշի քարշակը ինքնագլորվել և վրաերթի է ենթարկել նշված երկու տրանսպոտային միջոցների միջև կանգնած տրոլեյբուսի վարորդին և քարշակման նպատակով կցորդման աշխատանքներ իրականացվող ավագ վարորդ-փականագործին։ Տրոլեյբուսի վարորդը  մահացել է, իսկ ավագ վարորդ-փականագործը տեղափոխվել հիվանդանոց, երեք օր անց դուրս է գրվել հիվանդանոցից»,- մանրամասնեց նա։ Տիգրան Ավինյանն արձագանքեց. «Դժբախտ դեպք է, ցավակցություններս ընտանիքին»։
11:02 - 27 նոյեմբերի, 2023
Փոխադարձ հարվածներ են հասցվել, հնչել են հայհոյանքներ. քաղաքապետարանի ծեծկռտուքի դեպքով քրեական վարույթ է նախաձեռնվել

 |factor.am|

Փոխադարձ հարվածներ են հասցվել, հնչել են հայհոյանքներ. քաղաքապետարանի ծեծկռտուքի դեպքով քրեական վարույթ է նախաձեռնվել |factor.am|

factor.am: ՆԳՆ ոստիկանությունը նախօրերին ավագանու նիստի ընթացքում տեղի ունեցած միջադեպի առթիվ փաստաթղթեր էր կազմել և ուղարկել Քննչական կոմիտե: Կոմիտեի խոսնակ Գոռ Աբրահամյանը Factor.am-ին հանտնեց, որ դեպքի առթիվ նախաձեռնվել է քրեական վարույթ երկու հոդվածով: «Ոստիկանությունից հաղորդում է ստացվել այն մասին, որ 2023 թվականի նոյեմբերի 21-ին Երևանի ավագանու հերթական նիստի ժամանակ ավագանու մի քանի անդամների միջև առաջացած տարաձայնության ընթացքում փոխադարձ հարվածներ են հասցվել, որի ընթացքում, հասարակության նկատմամբ դրսևորելով անհարգալից վերաբերմունք, հնչել են հայհոյանքներ՝ այդ կերպ խախտելով քաղաքապետարանի բնականոն աշխատանքը: Դեպքի առթիվ ՀՀ քննչական կոմիտեի ԵՔՔՎ Կենտրոն և Նորք Մարաշ վարչական շրջանների քննչական երրորդ բաժնում նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 2-րդ մասի 1-ին կետի (մի խումբ անձանց կողմից խուլիգանություն կատարելը) և 195-րդ հոդվածի 2-րդ մասի 5-րդ կետի (մի խումբ անձանց կողմից հարվածներ հասցնելը կամ բռնի այլ գործողություններ կատարելը) հատկանիշներով»,- հայտնում է խոսնակը` հավելելով, որ նախաքննություն է ընթանում: Հիշեցնենք, որ Երևանի ավագանու նոյեմբերի 21-ի նիստում իրավիճակը սրվել էր «Հանրապետություն» խմբակցության ղեկավար Անի Խաչատրյանի ելույթի ժամանակ։ «Մայր Հայաստան» խմբակցությունից Սոնա Աղեկյանը ջուր էր շփել Խաչատրյանի վրա, վերջինս քաշել էր Աղեկյանի մազերից, սկսվել էր հրմշտոց, որը շարունակվել էր քաղաքապետարանի միջանցքում՝ վերածվելով ծեծկռտուքի։Ավելի մանրամասն` factor.am-ում։ 
10:46 - 23 նոյեմբերի, 2023
Ավելի քան 620 մլն դրամ կուղղվի Երևանի մետրոպոլիտենի ենթակառուցվածքների նորոգմանը. ավագանին նոր որոշումներ է կայացրել

Ավելի քան 620 մլն դրամ կուղղվի Երևանի մետրոպոլիտենի ենթակառուցվածքների նորոգմանը. ավագանին նոր որոշումներ է կայացրել

Երևանի բյուջեի կատարման վերահսկողությունն արդյունավետ իրականացնելու նպատակով, ավագանու նոյեմբերի 22-ի նիստի որոշմամբ, կներգրավվի աուդիտորական ծառայություն: Ընտրությունը կլինի մրցութային կարգով, ինչը «Երևան քաղաքում տեղական ինքնակառավարման մասին» օրենքի պահանջ է:   Ինչպես տեղեկացրին Երևանի քաղաքապետարանից, պետության կողմից պատվիրակված լիազորությունների շրջանակում համայնքի բյուջեն կավելացվի  620 մլն 620 հազ.  դրամով, որը կուղղվի Երևանի մետրոպոլիտենի ենթակառուցվածքների նորոգմանը, մասնավորապես, 32 գնացքի անվազույգերի և 4200 մետր ռելսերի ձեռքբերմանը:   Եվս 93 մլն 141 հազ. դրամ կտրամադրվի հանրակրթական ծրագրերի իրականացմանը: «Կառավարության որոշմամբ՝ համայնքի բյուջեի եկամտային մասում ընթացիկ նպատակային հատկացումները (սուբվենցիաները) ավելացել են 1 մլն 200 հազ. դրամով: Միջոցները կուղղվեն  ամառային զորակոչի շրջանակում «Կանաչապատում և շրջակա միջավայրի պահպանություն» ՀՈԱԿ-ում այլընտրանքային աշխատանքային ծառայության անցած 8  աշխատակիցների փոխհատուցմանը:  Ավագանու նույն որոշմամբ՝  «Երևանի էլեկտրատրանսպորտ» ՓԲԸ-ի կանոնադրական կապիտալի համալրման համար կտրամադրվի 71 մլն 422 hազ. դրամ: Նախագծով նախատեսվում է նաև 33 մլն 21 հազար դրամի չափով եկամուտների ավելացում համայնքային 3 թանգարանների մուտքի համար տեղական վճարներում, ինչը պայմանավորված է կանխատեսվող ցուցանիշներից ավելի գանձմամբ։  Ավագանու՝ ավելի վաղ ընդունած որոշմամբ՝ բացօթյա հանրային վայրերում մշակութային գործունեություն իրականացնելիս բնակելի, հասարակական նշանակության շենք-շինություններից պետք է պահպանվի հեռավորություն. ժամը 10:00-ից մինչ 21:00-ն՝ առնվազն 10 մ, ժամը 21:00-23.00-ն՝ 100մ: Ավագանու նոր որոշմամբ՝ այսուհետ կարգավորումները չեն տարածվի նկարիչների և արհեստագործությամբ զբաղվող անհատների վրա՝ հաշվի առնելով, որ նման գործունեությունն աղմուկ չի առաջացնում»,- ասվում է հաղորդագրության մեջ: Երևանի քաղաքապետարանի տեղեկացմամբ՝ ավագանին անշարժ գույքի և փոխադրամիջոցի գույքահարկի արտոնություն է սահմանվել 20 քաղաքացիների համար, որոնք համապատասխանում  են ավագանու դեռևս 2022թ. դեկտեմբերին սահմանված խմբերի չափանիշներին՝ 1.    Արցախյան (Լեռնային Ղարաբաղի) և Հայաստանի Հանրապետության պաշտպանության մարտական գործողությունների կամ հակառակորդի հետ շփման գծում մարտական հերթապահության, հատուկ առաջադրանքներ կատարելու կամ հակառակորդի նախահարձակ գործողությունների հետևանքով զոհված, վիրավորված և ստացած վնասվածքներից հաջորդող տարիների ընթացքում մահացածների ընտանիքների անդամներ, 2.    Արցախյան և Հայաստանի Հանրապետության պատերազմների 1-ին և 2-րդ խմբի զինհաշմանդամներ, 3.    ՀՀ պաշտպանության մարտական գործողությունների կամ հակառակորդի հետ շփման գծում մարտական հերթապահության կամ հատուկ առաջադրանքներ կատարելու կամ հակառակորդի նախահարձակ գործողությունների հետևանքով գերեվարված, անհայտ բացակայող կամ մահացած ճանաչված (կամ նրանց ընտանիքի անդամներին) անձինք: Ըստ աղբյուրի՝ ավագանու առանձին որոշումներով՝ քաղաքում կտեղադրվեն հայ բանաստեղծ-մանկագիր, ՀՀ մշակույթի վաստակավոր գործիչ Յուրի Սահակյանի, ԳԱԱ Ֆիզիկայի կիրառական պրոբլեﬓերի ինստիտուտի հիﬓադիր-տնօրեն, ՀՀ գիտության վաստակավոր գործիչ, ակադեﬕկոս Ալպիկ Մկրտչյանի, ՀԽՍՀ և ԽՍՀՄ վաստակավոր շինարար Արարատ Սահակյանի և  Երևանի ոսկերչական գործարանի նախկին տնօրեն Էմիլ Գրիգորյանի հիշատակը հավերժացնող հուշատախտակները: Նշվում է, որ նիստին հաջորդել է հարց ու պատասխանը: Ավագանու անդամներն իրենց հետաքրքրող հարցերն են ուղղել Երևանի քաղաքապետին, վարչական շրջանների և քաղաքապետարանի ստորաբաժանումների ղեկավարներին:   Երևանի ավագանու հաջորդ՝ հերթական նիստը կգումարվի դեկտեմբերի 26-ին: 
19:26 - 22 նոյեմբերի, 2023