Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Վրաստանում ԵՄ երկրների դեսպանները հայտարարությամբ են հանդես եկել |shantnews.am|

Վրաստանում ԵՄ երկրների դեսպանները հայտարարությամբ են հանդես եկել |shantnews.am|

shantnews.am: Վրաստանում ԵՄ երկրների դեսպանները հատուկ հայտարարությամբ են հանդես եկել, հաղորդում է Gruzia Online-ը: Նշվում է, որ Վրաստանում տեղի ունեցող իրադարձությունների հետ կապված՝ դեսպանները կողմերին կոչ են անում փոխհամաձայնության և երկխոսության գալ:«Հարկավոր է անցկացնել թափանցիկ, արագ և արդյունավետ քննություն հունիսի 20-ին տեղի ունեցած իրադարձությունների վերաբերյալ, ինչը ստիպել է ոստիկաններին պատասխան գործողությունների դիմել: Կոչ ենք անում կողմերին երկխոսել»,- ասված է հայտարարության մեջ:Հիշեցնենք, որ բողոքի ակցիաների մասնակիցներն արդեն մեկ շաբաթ է` պահանջում են ներքին գործերի նախարար Գիորգի Գախարիայի հրաժարականը: Վրացական ընդդիմությունը շարունակում է նրան մեղադրել ոստիկանների կողմից բիրտ ուժ կիրառելու համար, որի հետևանքով հունիսի 21-ի գիշերը տուժել էր 240 մարդ:

13:52 - 29 հունիսի, 2019

Ուժի կիրառումը լեգիտիմ էր․ Բախտաձե |aliq.ge|

Ուժի կիրառումը լեգիտիմ էր․ Բախտաձե |aliq.ge|

aliq.ge։ Վրաստանի վարչապետ Մամուկա Բախտաձեի հայտարարությամբ հունիսի 21-ի լույս գիշերը տեղի ունեցած ակցիայի ընթացքում ուժի կիրառումը լեգիտիմ էր: Այս մասին վարչապետը հայտնել է կառավարության նիստից առաջ տված մամուլի ասուլիսի ժամանակ:«Մենք ինտենսիվ խորհրդատվություններ ենք անցկացնում մեր միջազգային գործընկերների հետ, չկա որևէ հարց, թե արդյոք ուժի կիրառումը լեգիտիմ էր, թե ոչ։ Ուժի կիրառումը լեգիտիմ էր, քանի որ այլ ճանապարհ չկար: Սա հաստատում են բոլոր միջազգային կազմակերպությունները, բոլոր միջազգային գործընկերները»,- հայտարարել է Բախտաձեն:

11:46 - 28 հունիսի, 2019

Վրաստանի ընդդիմադիր պատգամավորները բոյկոտեցին խորհրդարանի նիստը |aliq.ge|

Վրաստանի ընդդիմադիր պատգամավորները բոյկոտեցին խորհրդարանի նիստը |aliq.ge|

aliq.ge: «Միացյալ ազգային շարժում» և «Եվրոպական Վրաստան» խմբակցություններն այսօր բոյկոտել են խորհրդարանի լիագումար նիստը:Հունիսի 28-ի լիագումար նիստին քաղաքական բոյկոտ հայտարարելու մասին խմբակցությունների որոշման պատճառը Վրաստանում զարգացող իրադարձություններն են:«Ինչ լավ է, կհանգստանամ։ Հոգով և սրտով ողջունում եմ որոշումը», — այսպես է արձագանքել «Հայրենասերների դաշինք» խմբակցության անդամ Ադա Մարշանիան գործընկերների որոշմանը:

11:17 - 28 հունիսի, 2019

Վրաստանի ՆԳ նախարարն ասել Է, թե երբ պաշտոնաթող կլինի |armenpress.am|

Վրաստանի ՆԳ նախարարն ասել Է, թե երբ պաշտոնաթող կլինի |armenpress.am|

armenpress.am։ Վրաստանի ներքին գործերի նախարար Գեորգի Գախարիան, որի պաշտոնաթողությունը գրեթե մեկ շաբաթ Թբիլիսում պահանջում են հազարավոր բողոքավորներ, ասել Է, որ իր պաշտոնից կհեռանա, հենց որ իր անձը վնաս հասցնի կառավարող թիմին: Թբիլիսիում հանրահավաքների մասնակիցները Գախարիային մեղադրում են հունիսի լույս 21-ի գիշերն ակցիան դաժանորեն ցրելու մեջ, այն ժամանակ ՆԳՆ-ն ակցիայի մասնակիցների դեմ կիրառել Է արցունքաբեր գազ եւ ռետինե գնդակներ: Ոստիկանությունը ցրելու գործողությունն սկսել Է խորհրդարանի շենքի գրոհին դիմադրելուց երկու ժամ անց: Անկարգությունների հետեւանքով տուժել 240 մարդ, այդ թվում՝ 80 ոստիկան: «Ինձ համար պաշտոնաթողությունը խնդիր չԷ, ես կարող եմ հեռանալ վաղը, վաղը չԷ մյուս օրը կամ մյուս օրը չԷ մյուս օրը: Ես այստեղ նստած չեմ պաշտոնաթողության կամ ոչ պաշտոնաթողության պատճառով: Ես այստեղ կլինեմ այնքան ժամանակ, քանի դեռ չեմ լուծել բոլոր կոնկրետ խնդիրները… Հենց որ ես՝ որպես այս (ՆԳՆ-ի ղեկավարի – խմբ.) դիրքում գործող մարդ, վնասաբեր գործոն դառնամ թիմի համար, մենք կլուծենք այդ հարցը»,- ասել Է Գախարիան՝ պատասխանելով այն հարցին, թե ինչու Է ինքը մնում այդ պաշտոնում, չնայած մարդկանց պահանջին, հաղորդել Է Sputnik-ը:

07:37 - 28 հունիսի, 2019

Հայաստանը տարանցիկ չվերթներ կիրականացնի Վրաստանի համար |aliq.ge|

Հայաստանը տարանցիկ չվերթներ կիրականացնի Վրաստանի համար |aliq.ge|

aliq.ge։ Հայկական Armenia ավիաընկերությունը Վրաստանի զբոսաշրջությունը խթանելու նպատակով տարանցիկ թռիչքներ կիրականացնի: Այս մասին գրում են ռուսական լրատվամիջոցները:Թռիչքները կիրականացվեն Գյումրի-Մոսկվա-Գյումրի, Գյումրի-Բաթումի-Գյումրի ուղղություններով։ Բացի այդ, կավելանա Թբիլիսի-Երևան, Երևան-Թբիլիսի չվերթների հաճախականությունը:Չվերթները Հայաստանից կսկսվեն հուլիսի 8-ից:Հիշեցնենք՝ Վրաստանի և Ռուսաստանի միջև հարաբերությունների լարվածությունից հետո ՌԴ նախագահ Վլադիմիր Պուտինի հրամանագրով ռուսական ավիաընկերություններին հուլիսի 8-ից արգելվում է Վրաստանի ուղղությամբ չվերթներ իրականացնել:

07:27 - 28 հունիսի, 2019

Վրաստանի խորհրդարանի առջև այսօր ևս հանրահավաք կանցկացվի |aliq.ge|

Վրաստանի խորհրդարանի առջև այսօր ևս հանրահավաք կանցկացվի |aliq.ge|

aliq.ge։ Նախօրեին Վրաստանի խորհրդարանի առջև հավաքված ցուցարարները շարժվել էին իշխող «Վրացական երազանք» կուսակցության հիմնադիր նախագահ Բիձինա Իվանիշվիլիի բիզնես կենտրոն, որի տարածքում անցկացրեցին բողոքի ակցիա:Ցուցարարները 8-րդ ցույցի ավարտին դեղին քարտեր ցույց տվեցին Իվանիշվիլիին, մի քանի երգ կատարելով՝ հայտարարեցին, որ սա «վերջին զգուշացումն է պարոն Բիձինային»:Ակցիայի մասնակիցների խոսքով հանրահավաքը կշարունակվի այսօր՝ ժամը 19:00-ին, խորհրդարանի շենքի մոտ:

06:45 - 28 հունիսի, 2019

Վրաստանի և իր հարևանների միջև չի կարող լինել տնտեսական հարաբերությունների վրա ազդող լարվածություն. Վրաստանի փոխվարչապետ |armenpress.am|

Վրաստանի և իր հարևանների միջև չի կարող լինել տնտեսական հարաբերությունների վրա ազդող լարվածություն. Վրաստանի փոխվարչապետ |armenpress.am|

armenpress.am: Վրաստանի փոխվարչապետ տարածքային զարգացման և ենթակառուցվածքների նախարար Մայա Ցկիտիշվիլին վստահեցնում է, որ հարևան երկրների հետ իրենք ստեղծում և կարգավորում են իրենց հարաբերությունները՝ չունենալու համար որևէ տեսակի լարվածություն, որը կարող է ազդեցություն ունենալ տնտեսական հարաբերությունների վրա: Այս մասին Մայա Ցկիտիշվիլին ասաց Երևանում Հայաստանի և Վրաստանի միջև առևտրատնտեսական համագործակցության միջկառավարական հանձնաժողովի 10-րդ նիստից հետո՝ պատասխանելով լրագրողի հարցին, թե արդյոք Լարսի անցակետում կարող են խնդիրներ առաջանալ՝ կապված Վրաստան-Ռուսաստան լարվածության հետ: «Վրաստանի և Ռուսաստանի միջև լարվածություն չկա՝ չնայած, առկա իրավիճակին, որ մենք արդեն ունենք: Ցավոք, դիվանագիտական հարաբերություններ չկան 2008-ից՝ այն կոնֆլիկտից հետո, որ մենք ունեցանք Ռուսաստանի հետ: Բայց դրանից հետո մենք ստեղծել ենք շատ լավ առևտրային և հումանիտար հարաբերություններ: Մենք վերականգնել ենք առևտրային հարաբերությունները Ռուսաստանի հետ, և Վրաստանի տարածքը, Լարսի անցակետը՝ բաց են բոլոր տեսակի փոխադրումների համար՝ հայկական բիզնեսի համար կամ ցանկացած մեկի, ով օգտագործում է Վրաստանը խաղաղ նպատակներով, առևտրի և տնտեսական հարաբերությունների համար: Այդ է պատճառը, որ մենք չունենք որևէ տեսակի տնտեսական լարվածություն»,-ասաց փոխվարչապետը: Նա նշեց նաև, որ ներդրումներ են կատարում հանրային ենթակառուցվածքների զարգացման համար, մասնավորապես՝ ճանապարհների, լոգիստիկ կենտրոնների: «Եվ մենք նաև կառուցում և կարգավորում ենք մեր հարաբերությունները մեր հարևանների հետ՝ չունենալու որևէ տեսակի լարվածություն, որը կարող է ինչ-որ կերպ ազդել տնտեսական հարաբերությունների վրա»,-նշեց նա:

18:01 - 27 հունիսի, 2019

Թբիլիսիի քաղաքային դատարանը ազատ է արձակել ընդդիմադիր պատգամավոր Նիկա Մելիային |shantnews.am|

Թբիլիսիի քաղաքային դատարանը ազատ է արձակել ընդդիմադիր պատգամավոր Նիկա Մելիային |shantnews.am|

shantnews.am: Նիկա Մելիան ազատ է արձակվել գրավի դիմաց: Դատավորների կոլեգիայի անդամ, գործը քննող դատավոր Թեմուր Գոգոխիան նրան ազատ է արձակել 30 հազար լարի գրավով: Մելիան պարտավոր է անձնագիրն ու անձը հաստատող բոլոր փաստաթղթերը հանձնել դատախազությանը և չխոչընդոտել հետաքննության ընթացքին: Համախոհների ծափողջույններով դատարանից դուրս եկած Մելիան հայտարարեց.«Դատարանի ցանկացած որոշում քաղաքական որոշում է՝ ազատություն գրավի դիմաց, թե կալանավորում: Ես ամաչում եմ այն պատգամավորների համար, որոնց պարտադրեցին զրկել իր անձեռնմխելիությունից: Նահանջել, լռել, իհարկե, չեմ ցանկանում: Անկախ սահմանափակումներից, որոնց դեռ պետք է ծանոթանամ, մտադիր եմ շարունակել պայքարը: Պայքարը շարունակվում է»:

13:36 - 27 հունիսի, 2019

Ռուս զբոսաշրջիկների արտահոսքը բացասաբար կազդի ազգային արժույթի վրա. Վրաստանի ազգային բանկ |armenpress.am|

Ռուս զբոսաշրջիկների արտահոսքը բացասաբար կազդի ազգային արժույթի վրա. Վրաստանի ազգային բանկ |armenpress.am|

armenpress.am։ Վրացական ազգային արժույթի՝ լարիի փոխարժեքի վրա բացասական ազդեցություն են ունենում բազմաթիվ արտաքին գործոններ, այդ թվում նաեւ Ռուսաստանից զբոսաշրջիկների հոսքի կրճատման սպասումը: Այդ մասին ասված Է Վրաստանի ազգային բանկի՝ հունիսի 27-ին հրապարակված հայտարարության մեջ:«Արժույթի փոխարժեքի վրա ազդում են տարբեր ներքին ու արտաքին գործոններ, այդ թվում եւ սպասումները: Համապատասխանաբար, Ռուսաստանից զբոսաշրջիկների հոսքի սպասվող կրճատման վերաբերյալ տեղեկատվությունը վերջին օրերին արտացոլվել Է նաեւ արժութային շուկայում: «Այս փուլում դժվար Է կանխատեսումներ անել, սակայն, նախնական հաշվարկների համաձայն, Ռուսաստանից զբոսաշրջիկների հոսքի կրճատումը մնացած ժամանակաշրջանում Վրաստանի տնտեսության վրա կազդի մոտավորապես 200 մլն դոլարից մինչեւ 300 մլն դոլարի չափով: Այս արտաքին շոկը կազդի վճարային հաշվեկշռի վրա եւ, համապատասխանաբար, փոխարժեքի վրա»,-ասված Է կարգավորիչի հայտարարության մեջ:Վրացական ազգային արժույթը, որը երկար ժամանակ տատանվում Էր 1 դոլարի դիմաց 2,68-2,70-ի շրջանում, հունիսի 25-ին հակառեկորդ Է սահմանել . լարիի փոխարժեքը 1 դոլարի դիմաց կազմել Է 2,82:Լարին անկումը շարունակել Է նաեւ հաջորդ օրերին: Հունիսի 27-ին փոխարժեքը 2,84 լարի Է դոլարի դիմաց: Փոխարժեքն Էլ ավելի բարձր Է առեւտրային բանկերում եւ արժույթի փոխանակման կետերում, հաղորդլ Է ՏԱՍՍ-ը:

10:09 - 27 հունիսի, 2019

Վրաստանի գլխավոր դատախազությունը դիմել է դատարան Նիկա Մելիայի ձերբակալման հարցով |shantnews.am|

Վրաստանի գլխավոր դատախազությունը դիմել է դատարան Նիկա Մելիայի ձերբակալման հարցով |shantnews.am|

shantnews.am։ Վրաստանի գլխավոր դատախազությունը դիմել է Թբիլիսիի քաղաքային դատարան` ընդդիմադիր «Միացյալ ազգային շարժում» կուսակցության առաջնորդներից Նիկա Մելիայի ձերբակալման հարցով: Այդ մասին հաղորդում է «Новости-Грузия» լրատվական գործակալությունը` վկայակոչելով դատախազության մամլո ծառայությունը: Հունիսի 26-ին Վրաստանի խորհրդարանի Միավորված հանձնաժողովների համատեղ նիստում մի քանի ժամ տևած աղմկոտ բանավեճերից հետո 15 կողմ 4 դեմ ձայների հարաբերակցությամբ Նիկա Մելիային զրկել էին անձեռնմխելիությունից։

09:02 - 27 հունիսի, 2019

Վրաստանում հանրահավաքը կվերսկսվի 19:00-ին |aliq.ge|

Վրաստանում հանրահավաքը կվերսկսվի 19:00-ին |aliq.ge|

aliq.ge։ Վրաստանի խորհրդարանի մոտ այսօր ժամը 19:00-ին հանրահավաքը կվերսկսվի: Այս մասին հայտարարել են ցույցի կազմակերպիչները:Վերջիններիս խոսքով, ցույցերը կշարունակվեն այնքան ժամանակ, քանի դեռ ներքին գործերի նախարար Գիորգի Գախարիան հրաժարական չի տվել:

07:48 - 27 հունիսի, 2019

«Գավրիլովի ցուցակ». ընդդիմությունը սպառնում է պատժամիջոցներով |aliq.ge|

«Գավրիլովի ցուցակ». ընդդիմությունը սպառնում է պատժամիջոցներով |aliq.ge|

aliq.ge։ Վրաստանի ընդդիմությունն իշխող «Վրացական երազանքին» սպառնում է պատժամիջոցներով: Սալոմե Սամադաշվիլին սկսել է աշխատել այսպես կոչված՝ «Գավրիլովի ցուցակի» վրա: Այս ցուցակում հայտնվելու են այն պատգամավորները, ովքեր քվեարկել են Մելիային ձերբակալելու օգտին:Ըստ Սադամաշվիլիի՝ ցուցակում պետք է հայտնվեն բոլոր նրանք, ովքեր հունիսի 20-ին հանցագործություն են կատարել, նա խոսել է Իվանիշվիլիի, Գախարիայի և Չուբինիձեի պատասխանատվության մասին․«Մենք սկսում ենք աշխատել ինչպես Եվրախորհրդարանի, այնպես էլ ԱՄՆ-ի կոնգրեսի հետ, ինչպես դա կատարվում է ոչ ժողովրդավար երկրների դեպքում, որպեսզի համապատասխան ակտ ընդունվի՝ համապատասխան ժողովրդավար երկրների համապատասխան ներկայացուցչական օրգանների կողմից: Սա նշանակում է, որ ցուցակում հայտնվածների նկատմամբ հնարավոր է ինչպես ֆինանսական սահմանափակումներ կիրառել, այնպես էլ առաջխաղացման, ու բնականաբար՝ այդ ցուցակում են հայտնվելու Իվանիշվիլին, Գախարիան, Չուբինիձեն, նաև Կոբախիձեն»:«Միացյալ ազգային շարժման» շարքերում վստահ են, որ Մելիային դատելու հրամանը տվել է անձամբ Իվանիշվիլին:«Գավրիլովի ցուցակի» մասին այսօր խոսել է նաև Եվրոպական Վրաստանից Օթար Կախիձեն, նա ասել է, որ նախաձեռնողներից ոչ ոքի չի ներվելու մարդկանց այլանդակելը, կուրացնելը, մահվան հասցնելը:

06:57 - 27 հունիսի, 2019

Թբիլիսիում ցույցի ժամանակ վնասվածք ստացած Դավիթ Գրիգորյանին վիրահատել են |aliq.ge|

Թբիլիսիում ցույցի ժամանակ վնասվածք ստացած Դավիթ Գրիգորյանին վիրահատել են |aliq.ge|

aliq.ge: Վրաստանի մայրաքաղաք Թբիլիսիում հունիսի 20-ի լույս 21-ի գիշերը տեղի ունեցած բախումների հետևանքով տուժածների թվում է ազգությամբ հայ, Վրաստանի քաղաքացի Դավիթ Գրիգորյանը, ով վնասվածքներ է ստացել գլխի շրջանում։ Այս մասին հաղորդում է Վրաստանում ՀՀ դեսպանության մամուլի ծառայությունը։Հաղորդվում է, որ Դավիթ Գրիգորյանին վիրահատել են, այժմ նրա վիճակը բժիշկները գնահատում են կայուն և առողջացման միտում են տեսնում։«Վրաստանում ՀՀ դեսպանության դիվանագետներն այցելել են հիվանդանոց և տեղում հետաքրքրվել տուժածի վիճակով։ Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հայտարարություններով»,-ասվում է հաղորդագրության մեջ։

10:27 - 26 հունիսի, 2019

Վրաստանի ցույցերի համատեքստում պատգամավորին մեղադրանք է առաջադրվել |armtimes.com|

Վրաստանի ցույցերի համատեքստում պատգամավորին մեղադրանք է առաջադրվել |armtimes.com|

armtimes.com: Վրաստանի խորհրդարանի անդամ, ընդդիմադիր «Միացյալ ազգային շարժում» կուսակցության առաջնորդներից Նիկա Մելիային գլխավոր դատախազությունը մեղադրանք է առաջադրել: Ինչպես դատախազն է հայտարարել, Նիկանոր (Նիկա) Մելիային մեղադրանք է առաջադրվել ցույցի ժամանակ խմբակային բռնությունների ղեկավարման և մասնակցության համար, մասնավորապես Վրաստանի քրեական օրենսգրքի 225-րդ հոդվածի առաջին և երկրորդ մասերով: Գլխավոր դատախազությունը, կանոնադրության համաձայն, օրենսդիր մարմնին տեղեկացրել է խորհրդարանի անդամին քրեական պատասխանատվության ենթարկելու մասին և դիմել է կալանելու համաձայնություն ստանալու համար:

17:49 - 25 հունիսի, 2019

Հայ-վրացական միջկառավարական հանձնաժողովի նիստը կկայանա Երեւանում |armtimes.com|

Հայ-վրացական միջկառավարական հանձնաժողովի նիստը կկայանա Երեւանում |armtimes.com|

armtimes.com: Հունիսի 27-ին Երեւանում տեղի կունենա հայ-վրացական միջկառավարական հանձնաժողովի նիստ տնտեսական համագործակցության գծով։ Վրացական պատվիրակությունը կգլխավորի Վրաստանի փոխվարչապետ Մայա Ցկիտիշվիլին։ Ավելի վաղ տեղեկություններ կային, որ տնտեսական համագործակցության հայ-վրացական միջկառավարական հանձնաժողովի նիստը չի կայանա՝ հարևան երկրում տեղի ունեցած քաղաքական իրադարձություններով պայմանավորված: Հայկական կողմից նիստին կմասնակցի փոխվարչապետ Տիգրան Ավինյանը։

14:25 - 25 հունիսի, 2019

Վրաստանի խորհրդարանի առաջ ուսանողները հացադուլ են սկսել |aliq.ge|

Վրաստանի խորհրդարանի առաջ ուսանողները հացադուլ են սկսել |aliq.ge|

aliq.ge։ Վրաստանի խորհրդարանի դիմաց արդեն երկրորդ օրը 6 ուսանող հացադուլ է հայտարարել: Նրանք չեն պատրաստվում դադարեցնել հացադուլը, քանի որ շրջաններից ևս միանալու են հացադուլ հայտարարած ուսանողներ:Այսօր իշխող «Վրացական երազանք» կուսակցության նախագահ Բիձինա Իվանիշվիլիի տան առջև վրաններ են տեղադրելու Բաթումիից ժամանած ուսանողները՝ հայտարարելով հացադուլ:Հացադուլ հայտարարած 6 ուսանողի պահանջը վերաբերում է ՆԳ նախարար Գիորգի Գախարիայի անհապաղ հրաժարականին, ինչպես նաև հունիսի լույս 21-ի գիշերը ձերբակալվածների ազատ արձակմանը: Ուսանողների խոսքով հացադուլը կշարունակեն այնքան ժամանակ, քանի դեռ իրենց պահանջները չեն բավարարվել:

12:40 - 25 հունիսի, 2019