ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

ՀՀ ՄԻՊ-ը դիմել է Կլաարին՝ պահանջելով ադրբեջանցիներին ենթադրաբար խոշտանգելու նյութերը

 |armenpress.am|

ՀՀ ՄԻՊ-ը դիմել է Կլաարին՝ պահանջելով ադրբեջանցիներին ենթադրաբար խոշտանգելու նյութերը |armenpress.am|

armenpress.am: ՄԻՊ-ը դիմել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին և խնդրել, որպեսզի իրեն տրամադրի այն տեսանյութերը, որոնք, Կլաարի համոզմամբ, կարող են խոսել ադրբեջանական գերիների կամ դիերի խոշտանգումների վերաբերյալ։ Անդրադառնալով Կլաարի թվիթերյան գրառմանը, այս մասին լրագրողների հետ հանդիպման ժամանակ հայտնեց ՀՀ մարդու իրավունքների պաշտպան Քրիստինե Գրիգորյանը: Նշենք, որ ադրբեջանցիների կողմից հայ գերիների գնդակահարության տեսանյութից հետո Կլաարը գրառում էր արել` դատապարտելով այն։ Դրան հաջորդել էր Կլաարի մեկ այլ գրառումն այն մասին, թե մի քանի տեսանյութ է ստացել Ադրբեջանի դեմ իրականացված, իբր, պատերազմական հանցագործությունների մասին։ «Իմ հանձնառությունն եմ հայտնել` հետևել այդ հաղորդագրություններին ու դրանց մասին հայտնել ՀՀ իրավապահներին։ Կլաարը պատասխանել է, որ կուղարկի այդ տեսանյութն ինձ, սակայն մինչ այս պահը դեռ չի ուղարկել»,-ասաց Գրիգորյանը։ Գրիգորյանը մեկնաբանեց նաև ադրբեջանական վերահսկողության տակ անցած տարածքներում գերեզմանների հայտնաբերման լուրին, որտեղ, իբրև թե ադրբեջանցիների զանգվածային հուղարկավորություն է կատարվել։ «Կարևոր եմ համարում բոլոր հնարավոր հանցագործությունների օբյեկտիվ քննությունը, սակայն սոցցանցերում շրջանառվող տեսանյութը խնդրահարույց է: Իմ համոզմամբ՝ այդ հարցով պետք է զբաղվի փորձագետների անկախ միջազգային խումբը»,- ասաց ՀՀ ՄԻՊ-ը՝ մեկ անգամ ևս ընդգծելով, որ տեսագրությունն իր համար արժանահավատ չէ։
Այսօր 14:03
Ովքեր կարող են նախաձեռնել սանկցիաներ ԵՄ-ում. Բորելի խուսափողական պատասխանը մանիպուլյատիվ է

Ովքեր կարող են նախաձեռնել սանկցիաներ ԵՄ-ում. Բորելի խուսափողական պատասխանը մանիպուլյատիվ է

Հոկտեմբերի 5-ին Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Ժոզեֆ Բորելը Եվրոպական խորհրդարանի անդամների հետ հարցուպատասխանի ընթացքում խուսափողական պատասխան տվեց Ադրբեջանի դեմ սանկցիաներ (պատժամիջոցներ) կիրառելու մասին հարցին։  Նա, մասնավորապես, նշեց, որ ԵՄ անդամ երկրներից որևէ մեկը դեռևս նման առաջարկ չի ներկայացրել։  «Սանկցիաները ԵՄ անդամ երկրների գործն են»,- հայտարարեց Բորելը։    Ինչպես են ընդունվում ԵՄ սանկցիաները Ժոզեֆ Բորելի կարճ պատասխանից կարելի է ենթադրել, թե ԵՄ-ը սանկցիաներ չի ընդունում առանց անդամ երկրներից եկող առաջարկների։ ԵՄ սանկցիաները կարող են լինել կա՛մ ՄԱԿ Անվտանգության խորհրդի ընդունած որոշումների շրջանակում, կա՛մ որպես այդ որոշումների լրացում, կա՛մ ընդունվել ԵՄ սեփական նախաձեռնությամբ։ ԵՄ պատժամիջոցներն ընդունվում են միաձայն՝ Խորհրդի որոշմամբ, և պարտադիր են անդամ բոլոր  պետությունների համար: Եթե ​​որոշումը նախատեսում է երրորդ երկրի հետ տնտեսական և ֆինանսական հարաբերությունների ամբողջական կամ մասնակի կրճատում կամ ընդհատում, ապա ԵՄ կանոնակարգն ընդունվում է որակյալ մեծամասնությամբ՝ Հանձնաժողովի և Միության արտաքին գործերի գերագույն ներկայացուցչի համատեղ առաջարկով։ Գործնականում, սակայն, այս որոշումները ընունվում են կոնսենսուսով։  Նույն կերպ այս տարվա սեպտեմբերի 28-ին Ժոզեֆ Բորելը և Ուրսուլա Ֆոն դեր Լեյենը հայտարարեցին սանկցիաների հերթական փաթեթի առաջարկի մասին։ Ժոզեֆ Բորելի ելույթից ժամեր առաջ ԵՄ անդամ երկրները հաստատեցին այս փաթեթը։  Մինչև փաթեթի ընդունումը, սակայն, Մալթան, Կիպրոսը և Հունաստանը դեմ էին արտահայտվում ռուսական գազի վրա դրվող նոր սահմանափակումներին՝ հայտարարելով իրենց համար սպասվող տնտեսական խնդիրների մասին։  Ըստ ԵՄ կանոնադրության՝ ԵՄ սանկցիաները կամ սահմանափակող միջոցները նախատեսված են՝ համաձայն ԵՄ Ընդհանուր արտաքին և անվտանգության քաղաքականության (CFSP)։ Ըստ դրա՝ նման միջոցների կիրառության առաջարկ անում է Միության արտաքին գործերի և անվտանգության քաղաքականության Խորհրդի  Գերագույն ներկայացուցիչը (High Representative)։ Հենց այս պաշտոնն է զբաղեցնում Ժոզեֆ Բորելը։  Առաջարկը քննում են տարբեր մարմիններ, և հաստատում և/կամ վերանայում է ԵՄ Խորհուրդը միաձայն, իսկ Եվրոպական խորհրդարանը տեղեկացվում է ընդունված որոշման մասին։ ԵՄ Արտգործնախարարությունը՝ EEAS-ը, օգնում է Բորելին սանկցիաների առաջարկների կազմման, պահպանման կամ վերանայման գործում։  Խորհրդի ընդունած սանկցիաները կարող են արգելել անձի մուտքը ԵՄ տարածք, կասեցնել ընկերությունների աշխատանքը կամ սառեցնել ֆիզիկական կամ իրավաբանական անձանց հաշիվները։ Դրանք պարտադիր են դառնում ընդունման պահից։ Բորելի հայտարության այն մասը, որ ԵՄ անդամ երկրները կարող են առաջարկել պատժամիջոցներ, սխալ չէ։ Մի շարք դեպքերում անդամ պետությունները իրենց երկրներում ընդունված պատժամիջոցները  առաջարկում են ընդունել ԵՄ մակարդակով։ Այսպես, այս տարվա ամռանը Լիտվան առաջարկել էր ԵՄ մուտքի արգելք սահմանել Ռուսաստանի պատրիարք Կիրիլի նկատմամբ, սակայն Հունգարիան դեմ էր արտահայտվել։  Եթե փորձենք այս ամենը կարճ ներկայացնել, ապա պատժամիջոցների դեպքում սովորաբար տեղի է ունենում Բորելի ասածի հակառակ գործընթացը․ ԵՄ խորհուրդն առաջարկում է սանկցիաներ, իսկ անդամ երկրները հաստատում են դրանք կամ մերժում։   Գլխավոր լուսանկարում՝ Բորելը Անի Ավետիսյան
Այսօր 11:50
ԵՄ քաղաքացիական առաքելությունը Հայաստանի և Ադրբեջանի սահմանին կսկի գործել հոկտեմբերից ու կտևի երկու ամիս․ Եվրոպական խորհրդի հայտարարությունը

ԵՄ քաղաքացիական առաքելությունը Հայաստանի և Ադրբեջանի սահմանին կսկի գործել հոկտեմբերից ու կտևի երկու ամիս․ Եվրոպական խորհրդի հայտարարությունը

Եվրամիության քաղաքացիական առաքելությունը Հայաստանի և Ադրբեջանի սահմանին կսկի գործել հոկտեմբերից ու կտևի երկու ամիս։ Այս մասին նշված է Եվրոպական խորհրդի հայտարարության մեջ, որը տարածվել է ուրբաթ օրը Պրահայում Հայաստանի և Ադրբեջանի ղեկավարների հետ ԵՄ խորհրդի նախագահ Շառլ Միշելի և Ֆրանսիայի նախագահ Էմանուել Մակրոնի հանդիպումից հետո։ «Առաքելության նպատակն է վստահություն ձևավորել և զեկույցների միջոցով նպաստել սահմանային հանձնաժողովների աշխատանքին»,- ասվում է հաղորդագրության մեջ։ Հայտարարության մեջ նաև հաղորդվում է, որ Հայաստանի ու Ադրբեջանի միջև սահմանազատման հանձնաժողովների հաջորդ նիստը տեցի կունենա Բրյուսելում հոկտեմբերի վերջին։ «Հայաստանն ու Ադրբեջանը վերահաստատեցին իրենց հավատարմությունը Միավորված ազգերի կազմակերպության կանոնադրությանը և Ալմա-Աթայի 1991 թվականի հռչակագրին, ըստ որի՝ երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը։ Նրանք հաստատել են, որ դա հիմք կհանդիսանա սահմանների սահմանազատման հանձնաժողովների աշխատանքի համար»,- ասվում է հայտարարության մեջ։ Հիշեցնենք, որ երեկ՝ հոկտեմբերի 6-ին, Պրահայում տեղի է ունեցել Նիկոլ Փաշինյանի, Իլհամ Ալիևի, Էմանուել Մակրոնի և Շառլ Միշելի քառակողմ հանդիպումը։ Հանդիպման արդյունքներով ընդունվել է հայտարարություն։ Ըստ հայտարարության՝ Հայաստանն ու Ադրբեջանը  ճանաչում են միմյանց տարածքային ամբողջականությունն ու ինքնիշխանությունը, Հայաստանն իր համաձայնությունն է հայտնել՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը։
Այսօր 10:53
Նիկոլ Փաշինյանի, Իլհամ Ալիևի, Էմանուել Մակրոնի և Շառլ Միշելի՝ հոկտեմբերի 6-ին կայացած հանդիպման հայտարարությունը

Նիկոլ Փաշինյանի, Իլհամ Ալիևի, Էմանուել Մակրոնի և Շառլ Միշելի՝ հոկտեմբերի 6-ին կայացած հանդիպման հայտարարությունը

ՀՀ վարչապետի աշխատակազմից ներկայացրել են Փաշինյանի, նախագահ Ալիևի, նախագահ Մակրոնի և նախագահ Միշելի՝ 2022 թվականի հոկտեմբերի 6-ին կայացած հանդիպման հայտարարությունը. «Հայաստանի Հանրապետության վարչապետ Նիկոլ Փաշինյանը և Ադրբեջանի Հանրապետության նախագահ Իլհամ Ալիևը հանդիպեցին 2022 թվականի հոկտեմբերի 6-ին Պրահայում՝ Ֆրանսիայի Հանրապետության նախագահի և Եվրոպական խորհրդի նախագահի նախաձեռնությամբ կայացած «Եվրոպական քաղաքական համայնքի» առաջին հանդիպման շրջանակներում: Հայաստանն ու Ադրբեջանը հաստատեցին իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը: Նրանք հաստատեցին, որ դա հիմք կհանդիսանա սահմանազատման հարցերով հանձնաժողովների աշխատանքների համար, և որ այդ հանձնաժողովների հաջորդ նիստը կկայանա Բրյուսելում, մինչև հոկտեմբերի վերջ: Հայաստանն իր համաձայնությունը հայտնեց՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա: Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը»։
Այսօր 07:07
Պրահայում կայացել է Միշել-Ալիև հանդիպում |azatutyun.am|

Պրահայում կայացել է Միշել-Ալիև հանդիպում |azatutyun.am|

azatutyun.am: Այսօր Պրահայում, որտեղ անցկացվում է Եվրոպական քաղաքական համայնքի գագաթնաժողովը, կայացել է Եվրամիության խորհրդի նախագահ Շառլ Միշելի և Ադրբեջանի նախագահ Իլհամ Ալիևի հանդիպումը: Ադրբեջանական կողմի փոխանցմամբ՝ հանդիպման մասնակիցները քննարկել են «հաջորդ ամիս Բրյուսելում անցկացվելիք եռակողմ հանդիպման օրակարգը»: Հանդիպմանը նշվել է Եվրոպական խորհրդի նախագահի մասնակցությամբ Բրյուսելում անցկացվող եռակողմ հանդիպումների նշանակությունը, որոնք ուղղված են հայ - ադրբեջանական հարաբերությունների նորմալացմանը։ Ալիևը շնորհակալություն է հայտնել Միշելին միջնորդական առաքելության համար և նշել, որ Ադրբեջանը պաշտպանում է բրյուսելյան ձևաչափը։ Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Եվրոպական խորհրդի նախագահի միջնորդությամբ և մասնակցությամբ Բրյուսելում արդեն մի քանի հանդիպում են ունեցել՝ քննարկելով հայ - ադրբեջանական հարաբերությունների կարգավորումը։
15:11 - 06 հոկտեմբերի, 2022
ԵՄ-ն պետք է փորձի Հայաստանին օգնել որքան հնարավոր է․ Հունաստանի ԱԳ նախարար

 |factor.am|

ԵՄ-ն պետք է փորձի Հայաստանին օգնել որքան հնարավոր է․ Հունաստանի ԱԳ նախարար |factor.am|

factor.am: Հունաստանի ԱԳ նախարար Նիկոս Դենդիասը Վարշավայի Անվտանգության ֆորումում հայտարարել է, որ  ռուսական ագրեսիայի դեմ եվրոպական միասնությունը լավատեսական ազդակ է, սակայն նա ընդգծել է, որ Հայաստանին ևս պետք է աջակցություն ցուցաբերել, գրում է Greek City Times-ը։ «Քանի դեռ Եվրոպան մնում է միասնական, ես լավատես եմ ապագայի հարցում»,-նշել է նա պանելային քննարկման ժամանակ։  Հունաստանի ԱԳ նախարարը ասել է, որ հիմնական մարտահրավերը, որոնց բախվում է ԵՄ-ն Ուկրաինայում Ռուսաստանի պատերազմի հետևանքով էներգետիկ, անվտանգային ու գնաճի խնդիրներն են, ինչպես նաև ԵՄ պաշտպանական թևի ամրապնդման անհրաժեշտությունը։ Դենդիասը նաև ընդգծել է, որ մեկ այլ մեծ մարտահրավերը Հարավային Կովկասում իրավիճակն ՝ նշելով, որ ԵՄ-ն պետք է փորձի օգնել Հայաստանին այնքան, որքան դա հնարավոր է։
13:43 - 06 հոկտեմբերի, 2022
Պրահայում նախատեսված է քառակողմ հանդիպում՝ իմ, Ադրբեջանի , Ֆրանսիայի ու ԵՄ նախագահների միջև, ինչպես նաև Թուրքիայի նախագահի հետ․ Նիկոլ Փաշինյան

Պրահայում նախատեսված է քառակողմ հանդիպում՝ իմ, Ադրբեջանի , Ֆրանսիայի ու ԵՄ նախագահների միջև, ինչպես նաև Թուրքիայի նախագահի հետ․ Նիկոլ Փաշինյան

Ես մեկնում եմ Պրահա, և Պրահայում նախատեսված է քառակողմ հանդիպում՝ իմ, Ադրբեջանի նախագահի, Ֆրանսիայի նախագահի ու ԵՄ նախագահի միջև, ինչպես նաև հանդիպում է նախատեսված Թուրքիայի նախագահի հետ։  Այս մասին ԱԺ հարցուպատասխանին հայտեց Նիկոլ Փաշինյանը։ Նիկոլ Փաշինյանը տեղեկացրեց, որ Պրահայում մասնակցելու է Եվրոպական քաղաքական համայնքի գագաթաժողովի․ «Դրա շրջանակում քառակողմ հանդիպում է նախատեսված իմ, Ադրբեջանի նախագահի, Ֆրանսիայի նախագահի և Եվրամիության խորհրդի նախագահի միջև։ Նաև նախատեսված է հանդիպում Թուրքիայի նախագահի հետ, դրա հնարավորության մասին մենք հայտարարել էինք։ Եվ նաև, իհարկե, հիմնական հանդիպումները կլինեն, եթե որևէ բան չփոխվի, հիմնական հանդիպումները կլինեն սրանք, այս ուղղություններով, որը, ըստ էության, ընդհանուր խաղաղության օրակարգի քննարկման մեջ է տեղավորվում։Պրահայից մեկնելու եմ Սանկտ Պետերբուրգ, որտեղ մասնակցություն եմ ԱՊՀ ոչ պաշտոնական գագաթաժողովին։ Նաև մեր գործընկերները, մեր դիվանագիտական համակարգը, մեր խորհրդանական գործընկերները շատ ակտիվ աշխատում են»։  
16:57 - 05 հոկտեմբերի, 2022
ԵՄ-ն համաձայնեցրել է պատժամիջոցների նոր փաթեթը. ՌԴ-ի համար կսահմանափակվի նավթի արտահանումը և տեխնոլոգիաների հասանելիությունը

 |factor.am|

ԵՄ-ն համաձայնեցրել է պատժամիջոցների նոր փաթեթը. ՌԴ-ի համար կսահմանափակվի նավթի արտահանումը և տեխնոլոգիաների հասանելիությունը |factor.am|

factor.am: ԵՄ երկրների մշտական ներկայացուցիչների կոմիտեն հոկտեմբերի 5-ին համաձայնության է եկել Ռուսաստանի դեմ նոր պատժամիջոցների շուրջ։ Այս մասին հայտնել է ԵՄ-ում Չեխիայի նախագահությունը, գրում է Korrespondent-ը։ Մասնավորապես, պատժամիջոցների նոր փաթեթը ներառում է դեպի Ռուսաստանի Դաշնություն բարձր տեխնոլոգիական արտադրանքի մատակարարման արգելքը, ռուսական կառույցներին ՏՏ, ինժեներական, իրավագիտական ծառայությունների տրամադրում։ Պատժամիջոցները նաև նախատեսում են «ծովային ճանապարհով երրորդ երկրներ սահմանված գինը գերազանցող գնով ռուսական նավթի փոխադրելու, ինչպես նաև դրան վերաբերող հարակից ծառայությունների արգելք»։ ԵՄ սահմանափակումները կանդրադառնան նաև Ռուսաստանից պողպատի արտադրանքի, փայտանյութի, թղթի, սարքավորումների և կենցաղային տեխնիկայի, քիմիական նյութերի, պլաստիկի, ծխախոտի ներմուծմանը։ Բացի այդ, կընդլայնվի անձնական սահմանափակումների պատժամիջոցների ցանկը, ինչպես նաև կսահմանվեն գործող պատժամիջոցները շրջանցելու չափանիշներ։ ԵՄ-ում Լիտվայի մշտական ներկայացուցիչ Առնոլդաս Պրանկևիչյուսը նշել է, որ պատժամիջոցների ցանկում ներառվելու են 35 նոր անձինք և ընկերություններ, որոնք ներգրավված են պատերազմի, կեղծ հանրաքվեների և քարոզչության մեջ։ «Մշտական ներկայացուցիչների կոմիտեում նոր է հաստատվել Ռուսաստանի դեմ պատժամիջոցների 8-րդ փաթեթը, որը ներառում է նավթի գների սահմանափակում, պողպատի, փայտի, մեքենաների, ավիացիայի, պլաստիկի, քիմիական նյութերի ներկրման և արտահանման նոր արգելքներ։ 7 միլիարդ եվրո, տարբեր ծառայությունների արգելք, 35 նոր դեմքեր և ընկերություններ, որոնք ներգրավված են պատերազմում, կեղծ հանրաքվեներին և քարոզչությունը։ Ես ողջունում եմ անդամ երկրների այսօրվա համաձայնությունը պատժամիջոցների ութերորդ փաթեթի վերաբերյալ: Մենք գործեցինք արագ և վճռական: Մենք երբեք չենք ընդունի Պուտինի կեղծ հանրաքվեն կամ Ուկրաինայի որևէ տարածքի բռնակցում: Մենք վճռական ենք շարունակել Կրեմլին ստիպել վճարել այդ ամենի համար»,- գրել է Պրանկևիչուսը Twitter-ում:  
16:16 - 05 հոկտեմբերի, 2022
Բորելը հայտարարել է, որ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են

Բորելը հայտարարել է, որ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են

ԵՄ-ն արել է հնարավոր ամեն բան՝ կողմերին երկխոսության կոչ անելու, հրադադար հաստատելու համար։ Այս մասին հայտարարել է ԵՄ արտաքին քաղաքականության ղեկավար Ժոզեպ Բորելը` ելույթ ունենալով Եվրախորհրդարանի անդամների առջև Ստրասբուրգում լիագումար նիստում՝ անդրադառնալով Հայաստանի և Ադրբեջանի միջև լարվածության սրմանը, գրում է armradio.am-ը։ «Հստակ է, որ Թուրքիան շարունակում է աջակցել Ադրբեջանին»,- ասել է Բորելը՝ հավելելով, որ իրենք խնդրել են Անկարային օգտագործել իր ազդեցությունը երկու երկրների միջև լարվածությունը թուլացնելու համար։ Բորելն ընդգծել է Հայաստան-Թուրքիա սահմանի բացման կարևորությունը, որը, ըստ նրա, նույնպես կարող է օգնել լարվածության մեղմմանը։ «Ես կցանկանայի, որ մենք կարողանայինք հասնել խաղաղության Կովկասյան տարածաշրջանում և այլ շատ տեղերում, որտեղ դրա կարիքը կա։ Դժբախտաբար, մենք միայն ունենք այն միջոցները, որոնք ունենք, և դա քաղաքական ազդեցությունն է։ Մենք տարածաշրջանում հատուկ բանագնաց ունենք, որը մշտական կապի մեջ է երկու երկրների և Մինսկի խմբի եվրոպական անդամների հետ։ Մենք նաև հումանիտար աջակցություն ենք առաջարկում, և սա այն է, ինչ մենք կարող ենք անել»,- ասել է ԵՄ բարձր ներկայացուցիչը։ Նրա խոսքով՝ Ադրբեջանը հրետակոծել և օկուպացրել է Հայաստանի տարածքը, այնպիսի հատվածներ, որոնք Հայաստանի խորքում են։ Բորելը նշել է, որ նրանք օգտագործել են հրետանի, ինչպես նաև ԱԹՍ-ներ։ «Այն, ինչ տեղի է ունենում, չափազանց ցավալի է։ Զոհվել է մոտ 300 զինծառայող, որոնցից 207-ը՝ հայ։ Օկուպացված տարածքներ կան, ինչը բացարձակ անընդունելի է և անհարգալից վերաբերմունք է միջազգայնորեն ճանաչված սահմանների հանդեպ։ Զորքերն այնքան մոտ են, որ նոր հակամարտության վտանգ կա»,- նշել է Բորելը՝ հավելելով, որ ադրբեջանական ուժերը պետք է հետ քաշվեն։ Միևնույն ժամանակ նա պաշտպանել է էներգետիկ համաձայնագիրը՝ կնքված ԵՄ-ի ու Ադրբեջանի միջև՝ ասելով, որ «այն չի գործում ի վնաս մարդու իրավունքների կամ այլ ժողովրդավարական հարցերի, որոնք կան երկրում»։ Բորելը նաև ասել է, որ հայ ռազմագերիների մահապատժի տեսանյութը «սարսափելի է», և հավելել, որ այն պետք է հետաքննվի։
11:50 - 05 հոկտեմբերի, 2022
ՊԵԿ նախագահը ԵՄ դեսպանին է ներկայացրել հարկային և մաքսային ոլորտների բարեփոխումները

ՊԵԿ նախագահը ԵՄ դեսպանին է ներկայացրել հարկային և մաքսային ոլորտների բարեփոխումները

ՀՀ պետական եկամուտների կոմիտեի նախագահ Ռուստամ Բադասյանն ընդունել է Հայաստանի Հանրապետությունում Եվրոպական Միության (ԵՄ) պատվիրակության ղեկավար, դեսպան Անդրեա Վիկտորինին՝ վերջինիս նախաձեռնությամբ: Այդ մասին հայտնում են ՊԵԿ տեղեկատվության և հասարակայնության հետ կապերի բաժնից: Հանդիպման ընթացքում ՊԵԿ նախագահը ԵՄ դեսպանին է ներկայացրել հարկային և մաքսային ոլորտներում ընթացող բարեփոխումներն ու դրանց իրականացմանն ուղղված ԵՄ տեխնիկական աջակցության ընթացիկ ծրագրերը։ Կողմերը քննարկել են նաև Հայաստանում ԵՄ ֆինանսավորմամբ իրականացվող մյուս ծրագրերը, դրանց նկատմամբ հարկային ու մաքսային արտոնությունների կիրառման խնդիրները և երկկողմ հետաքրքրությունների շրջանակը ներկայացնող այլ հարցեր: Միաժամանակ, քննարկվել են ԵՄ աջակցության հնարավոր հետագա ուղղությունները: Կողմերը գոհունակությամբ նշել են երկկողմ համագործակցության բարձր մակարդակը և ձեռք բերել պայմանավորվածություն՝ հետագա համագործակցությունն ընդլայնելու վերաբերյալ:  
16:20 - 04 հոկտեմբերի, 2022
ԵՄ-ն Ուկրաինային կհատկացնի 5 միլիարդ եվրո
 |hetq.am|

ԵՄ-ն Ուկրաինային կհատկացնի 5 միլիարդ եվրո |hetq.am|

hetq.am: Եվրոպական միությունը մինչև 2022 թվականի տարեվերջ Ուկրաինային կհատկացնի 5 միլիարդ եվրո։ Այդ մասին հայտարարել է Եվրոպական հանձնաժողովի ղեկավարի տեղակալ Վալդիս Դոմբրովսկիսը։ Նա հայտարարել է, որ ուրախ է ստորագրել Ուկրաինայի հետ փոխըմբռնման երկրորդ հուշագիրը «այն պահից, երբ Ռուսաստանն սկսեց իր դաժան պատերազմը»։ «ԵՄ-ն Ուկրաինային 5 միլիարդ եվրո կտրամադրի իրացվելիության անհետաձգելի պահանջների, աշխատավարձերի և կենսաթոշակների վճարման համար։ Մենք առաջին մասը կհատկացնենք հոկտեմբերի կեսերին, հաջորդ երկու հատվածները կհաջորդեն այս տարի ավելի ուշ»,- գրել է Եվրոպական հանձնաժողովի փոխղեկավարը։  Ուկրաինայի վարչապետ Դենիս Շմիգալը շնորհակալություն է հայտնել Եվրոպական հանձնաժողովին այս որոշման համար և այդ փաթեթն անվանել «ԵՄ ժեստ, որը միտված է աջակցել այս պատերազմում Ուկրաինայի հաղթանակին, վերականգնմանը և եվրոպական ապագային ձգտմանը»։ Ավելի վաղ Reuters գործակալությունը, հղում անելով իր աղբյուրներին, հայտնել էր, որ ԱՄՆ-ն, որպես Ուկրաինային օգնություն, պատրաստում է 1,1 միլիարդ դոլարի սպառազինության նոր փաթեթ։ Գործակալության զրուցակիցների տվյալներով՝ օգնության նոր փաթեթի մասին կհայտարարվի առաջիկայում։
09:46 - 04 հոկտեմբերի, 2022
Թույլ չենք տալու հավասարության նշան դնել պատերազմական հանցագործության զոհի և հանցագործի միջև. Մարուքյանն արձագանքել է Կլաարին

Թույլ չենք տալու հավասարության նշան դնել պատերազմական հանցագործության զոհի և հանցագործի միջև. Մարուքյանն արձագանքել է Կլաարին

Հայկական ուժերը երբեք պատերազմական հանցագործություններ չեն կատարել, անգամ համեմատության եզր չի կարող լինել այն ամենի հետ, ինչ արել են ադրբեջանական ուժերը: Այս մասին ընդգծել է ՀՀ հատուկ հանձնարություններով դեսպան Էդմոն Մարուքյանը՝ անդրադառնալով  Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի՝ «Թվիթեր»-ի միկրոբլոգում կատարած վերջին գրառմանը: Կլաարը, մասնավորապես, գրել է, թե մի քանի տեսանյութեր է ստացել Ադրբեջանի դեմ իրականացված պատերազմական հանցագործությունների մասին: Նա ընդգծել է, որ դեռ դրանք հաստատման և քննության կարիք ունեն, որ այդ ամենի իրական կատարողները նույնպես պետք է պատասխանատվության ենթարկվեն, ինչպես նաև նշել է, որ հակամարտությունը ակնհայտ խորը վերքեր է թողել երկու կողմերի համար: «Պարզ է չէ՞, թե ինչ է կատարվում: Երբ Ադրբեջանի կողմից իրականացված պատերազմական հանցագործությունների անհերքելի ապացույց է հայտնվում, դրա դեմն առնելու համար Ադրբեջանն արագ ներկայացնում է իբր նախկինում` 2020թ. 44-օրյա պատերազմի ժամանակ հայկական կողմից իրականացված պատերազմական հանցագործություններ: Դրանից հետո շատ արագ զոհի և հանցագործի միջև դրվում է հավասարության նշան (իբր երկու կողմերն էլ նույնն են արել)»,- շեշտել է Մարուքյանը: Նա ընդգծել է՝ փորձել լայնամասշտաբ պատերազմի ժամանակ տեղի ունեցած որևէ դեպք համեմատել խաղաղության պայմանագրի տեքստ քննարկելու ընթացքում իրականացված ակնհայտ պատերազմական հանցագործության հետ ուղղակի ոչ մի տրամաբանության մեջ չի տեղավորվում: «Վստահ եմ, որ հայկական ուժերը երբեք նման պատերազմական հանցագործություններ չեն կատարել, անգամ համեմատության եզր չի կարող լինել այն ամենի հետ, ինչ մենք տեսանք այս զազրելի տեսանյութում: Թույլ չենք տալու հավասարության նշան դնել պատերազմական հանցագործության զոհի և հանցագործի միջև»,- եզրափակել է Հատուկ հանձնարարություններով դեսպանը: Նշենք, որ Կլաարը իր թվիթերյան էջում գրել է, թե տեսանյութեր է ստացել ադրբեջանի դեմ իրականացված պատերազմական հանցագործությունների վերաբերյալ։ Ավելի վաղ նա գրել էր սոցցանցերում հրապարակված տեսանյութի մասին, որտեղ հայ ռազմագերիները գնդակահարության են ենթարկվում Ադրբեջանի ԶՈՒ զինծառայողների կողմից։ Ըստ «Թաթոյան» հիմնադրամի ուսումնասիրության՝ գերեվարված հայ զինծառայողներին գնդակահարելու տեսանյութում հանցանքը կատարողները ադրբեջանական նորաստեղծ «Կոմանդո» («Komando») ջոկատի զինվորականներն են։  
09:59 - 03 հոկտեմբերի, 2022
Այդ տեսանյութն անընդունելի է․ այն նախ պետք է հետաքննվի միջազգային չափանիշների սկզբունքների համաձայն, հետո հնչեցնենք կարծիքներ․ ԵՄ դեսպանը՝ կին զինծառայողի խոշտանգման տեսանյութի մասին
 |aravot.am|

Այդ տեսանյութն անընդունելի է․ այն նախ պետք է հետաքննվի միջազգային չափանիշների սկզբունքների համաձայն, հետո հնչեցնենք կարծիքներ․ ԵՄ դեսպանը՝ կին զինծառայողի խոշտանգման տեսանյութի մասին |aravot.am|

aravot.am: «Իմ՝ որպես դիվանագետի հաջորդ քայլն այն է, որ Երեւան գնալուն պես իմ գլխամասին՝ մայրաքաղաքներին, զեկուցելու եմ։ Սա մեր առաքելությունն է։ Միաժամանակ, ԵՄ պատվիրակությունը կոնկրետ ծրագրի շրջանակում փորձում է օգնել ժողովրդին»,-սեպտեմբերի 29-ին Գեղարքունիքի մարզում Ադրբեջանի՝ սեպտեմբերի 13-ի լայնածավալ հարձակման հետեւանքները տեսնելուց հետո լրագրողների հետ ճեպազրույցում ասաց ՀՀ-ում ԵՄ դեսպան Անդրեա Վիկտորինը։-Ձեր աչքով տեսաք վայրագությունները, ի՞նչ գնահատական կտաք այդ ամենին,-հարցրին լրագրողները՝ նկատի ունենալով ադրբեջանցիների կողմից, այդ թվում` կին զինծառայողների դաժան խոշտանգումը փաստող տեսանյութերը։ «Եկեք ճշգրիտ լինենք։ Վայրագություն չեմ տեսել, տեսել եմ վնասներ՝ քանդված, վերացված շինություններ։ Սա շոկային է։ Տեսա որոշ լուսանկարներ եւ այն տեսանյութը, որը նկատի ունեք։ Այդ տեսանյութն անընդունելի է։ Այն նախ պետք է հետաքննվի միջազգային չափանիշների սկզբունքների համաձայն, հետո հնչեցնենք կարծիքներ։ Ինչ վերաբերում է անհետ կորածների եւ գերիների հարցին, մենք աշխատել ու շարունակելու ենք աշխատել այս ուղղությամբ։ Մեր գործընկերներից է ԱՄՆ-ն, եւ կան նաեւ այլ անդամ-երկրներ, որոնց հետ գործունեություն ենք ծավալում։ Չենք հանձնվելու, քանի որ մարդասիրական բաղադրիչը պետք է կատարվի։ -Թեեւ միջազգային հանրությունն աշխատում է, սակայն ադրբեջանցիները Հայաստանին վերադարձնում են գերեվարվածների մարմինները։ «Ես շատ լավ հասկանում եմ ձեզ, բայց դուք էլ պետք է հասկանաք, որ մենք օժանդակող դեր ունենք։ Միակ բանը, որ կարող ենք ձեզ խոստանալ, այն է, որ մենք չենք հանձնվելու։ Ֆրանսիայի հետ մեկտեղ աշխատում ենք։ Գիտեք, որ համատեղ ջանքերով որոշ գերիներ եկան, բայց որոշներն էլ, ցավոք․․․։
11:16 - 30 սեպտեմբերի, 2022