Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։


ԱՄՆ-ը փորձում է խաթարել Չինաստանի ինքնիշխանությունն ու տարածքային ամբողջականությունը. Վան Յի |1lurer.am|

ԱՄՆ-ը փորձում է խաթարել Չինաստանի ինքնիշխանությունն ու տարածքային ամբողջականությունը. Վան Յի |1lurer.am|

1lurer.am: Թայվանի հարցում ԱՄՆ-ի քաղաքականությունը Չինաստանի ինքնիշխանությունն ու տարածքային ամբողջականությունը խաթարելու փորձ է, հայտարարել է Չինաստանի արտգործնախարար Վան Յին ՄԱԿ-ի Գլխավոր վեհաժողովի 77-րդ նստաշրջանում ԱՄՆ պետքարտուղար Էնթոնի Բլինքենի հետ հանդիպմանը։ Նա նշել է, որ Վաշինգտոնը ցանկանում է ձախողել Չինաստանի խաղաղ վերամիավորումը: Վան Յին զգուշացրել է՝ Թայվանի հարցը Չինաստանի ներքին գործն է, և ԱՄՆ-ը չի կարող միջամտել առկա խնդիրների կարգավորմանը։ «Թայվանը ձգտում է անկախանալ, դա լրջորեն նվազեցնում է խաղաղ կարգավորման հնարավորությունը»,- ընդգծել է դիվանագետը: Բլինքենն իր հերթին ընդգծել է, որ Միացյալ Նահանգները հավատարիմ է Թայվանի նեղուցում կայունության պահպանմանը՝ «Մեկ Չինաստան» սկզբունքին համապատասխան։ Կողմերն անդրադարձել են նաև Ուկրաինայի շուրջ զարգացումներին: Պետքարտուղարը զգուշացրել է՝ եթե Չինաստանը փորձի աջակցել Մոսկվային, Վաշինգտոնը համապատասխան հակազդող քայլերի կդիմի:
17:27 - 24 սեպտեմբերի, 2022
Կոտայքի մարզպետը Չինաստանի դեսպանին է ներկայացրել մարզի զարգացման հնարավորություններն ու պոտենցիալը

Կոտայքի մարզպետը Չինաստանի դեսպանին է ներկայացրել մարզի զարգացման հնարավորություններն ու պոտենցիալը

Կոտայքի մարզպետ Ահարոն Սահակյանն այսօր ընդունել է Հայաստանի Հանրապետությունում Չինաստանի ժողովրդական Հանրապետության արտակարգ և լիազոր դեսպան Ֆան Յոնգին և նրա գլխավորած պատվիրակությանը։   «Ողջունելով և շնորհակալություն հայտնելով դեսպանին Կոտայքի մարզ կատարած այցի համար՝ կարևորել եմ երկու երկրների միջև մինչ այժմ ձևավորված ամուր կապերը՝ ընդգծելով դրանց հետագա խորացման ուղղությամբ երկուստեք իրականացվելիք քայլերի անհրաժեշտությունը:   Դեսպանին եմ ներկայացրել մարզի զարգացման հնարավորություններն ու պոտենցիալը՝ առանձնացնելով հատկապես կրթության, մշակույթի, սպորտի, գյուղատնտեսության, զբոսաշրջության ոլորտները:   Դեսպանն իր հերթին նշել է, որ ծանոթ է մարզում զարգացող մի շարք ճյուղերի և բազմաթիվ ուղղություններով ակնկալում է հետագա համագործակցություն հատկապես Հայաստանի և Չինաստանի քաղաքների միջև կապերի խորացման կոնտեքստում՝ շեշտադրելով համագործակցության հնարավորություն Չինաստանի քաղաքների և մարզի Հրազդան, Ծաղկաձոր, Աբովյան, Գառնի համայնքների միջև:   Եվս մեկ անգամ շնորհակալություն եմ հայտնել դեսպանին Հայաստանի համար այս դժվարին ժամանակահատվածում մեր կողքին լինելու և համակողմանի աջակցության համար:   Դեսպանի հետ այցելել ենք նաև մարզում գործող «Ռեյր Արմենիա» ջրերի գործարան, շրջել տարածքում, ծանոթացել արտադրական ծավալներին»,- Ֆեյսբուքի իր էջում գրել է Կոտայքի մարզպետը:  
17:23 - 23 սեպտեմբերի, 2022
Իրանը, Ռուսաստանը եւ Չինաստանը կանցկացնեն ռազմածովային ուժերի համատեղ զինավարժանքներ
 |armenpress.am|

Իրանը, Ռուսաստանը եւ Չինաստանը կանցկացնեն ռազմածովային ուժերի համատեղ զինավարժանքներ |armenpress.am|

armenpress.am: Իրանը, Ռուսաստանը եւ Չինաստանը պլանավորում են ռազմածովային ուժերի համատեղ զինավարժանքներ անցկացնել այս աշնանը: Այդ մասին սեպտեմբերի 22-ին հայտարարել է Իրանի զինված ուժերի Գլխավոր շտաբի պետ Մոհամադ Բաղերին Իրանի զինված ուժերի զորահանդեսի շրջանակներում կայացած մամուլի ասուլիսում: «Իրանի, Ռուսաստանի եւ Չինաստանի ռազմածովային ուժերի մասնակցությամբ զինավարժանքները տեղի կունենան այս տարվա աշնանը Հնդկական օվկիանոսի ջրատարածքի հյուսիսային մասում,- հայտնել է Բաղերին, որի խոսքը մեջբերում է «Մեհր» գործակալությունը:- Պակիստանը, Օմանը եւ մի շարք այլ երկրներ, հավանաբար, նույնպես կմասնակցեն այդ միջոցառումներին»: Վերջին անգամ երեք երկրների զինված ուժերը համատեղ զինավարժանքներում հանդիպել են «Արեւելք-2022» -ի շրջանակներում, որոնք ՌԴ-ն անցկացրել է սեպտեմբերի 1-ից մինչեւ 7-ը: Դրանց մասնակցել են զինծառայողներ Չինաստանից, Հնդկաստանից, Բելառուսից, Հայաստանից, Ղազախստանից, Մոնղոլիայից, Տաջիկստանից, Ադրբեջանից, Ալժիրից եւ այլ պետություններից: Զինավարժանքների ակտիվ փուլին հետեւել են այլ երկրների թվում բարձր մակարդակի պատվիրակություններ Հայաստանից, Բանգլադեշից, Բելառուսից, Վենեսուելայից, Իրանից, Ղրղզստանից, Մոնղոլիայից, Արաբական Միացյալ էմիրություններից եւ Պակիստանից: Զինավարժանքների շրջանակներում մշակվել են պաշտպանական եւ հարձակողական գործողություններ Արեւելյան ռազմական օկրուգի զորավարժարաններում, ինչպես նաեւ Օխոտի եւ Ճապոնական ծովերի ջրատարածքներում ու ափամերձ գոտիներում, հաղորդել է ՏԱՍՍ-ը:
15:16 - 22 սեպտեմբերի, 2022
Չինաստանի ԱԳՆ-ն մեկնաբանել է Պուտինի ուղերձը
 |tert.am|

Չինաստանի ԱԳՆ-ն մեկնաբանել է Պուտինի ուղերձը |tert.am|

tert.am: Չինաստանի արտաքին գործերի նախարարությունը, մեկնաբանել է ՌԴ նախագահ Վլադիմիր Պուտինի այսօրվա տեսաուղերձը, որում նա հայտարարել է մասնակի զորահավաք:«Մենք կողմերին երկխոսության և բանակցությունների միջոցով հրադադարի հասնելու, կողմերից յուրաքանչյուրի անվտանգության օրինական մտահոգությունները հաշվի առնող լուծումը հնարավորինս շուտ գտնելու կոչ ենք անում: Մենք նաև հուսով ենք, որ միջազգային համայնքը դրա համար հնարավորություն կստեղծի»,- ասվում է հայտարարությունում:Հիշեցնենք, որ ՌԴ նախագահ Վլադիմիր Պուտինն մասնակի զորահավաքի մասին հրամանագիր է ստորագրել:«Ռուսաստանը, նրա ինքնիշխանությունն ու ամբողջականությունը պաշտպանելու համար անհրաժեշտ եմ համարում աջակցել մասնակի մոբիլիզացիա անցկացնելու առաջարկին: Զորակոչի կենթարկվեն միայն ռեզերվում գտնվող քաղաքացիները, նրանք լրացուցիչ վերապատրաստում կանցնեն՝ հաշվի առնելով հատուկ գործողության փորձը: Այսօրվանից կմեկնարկեն զորահավաքային աշխատանքները», - ասել է ՌԴ նախագահը:Նրա խոսքով՝ հատուկ ռազմական գործողությանը մասնակցող մոբիլիզացված անձինք կստանան վարձատրություն և պայմանագրով ծառայող զինվորականի կարգավիճակ:
14:04 - 21 սեպտեմբերի, 2022
 Ի պատասխան Բայդենի հայտարարության՝ Չինաստանը բողոք է ներկայացրել ԱՄՆ-ին |shantnews.am|

Ի պատասխան Բայդենի հայտարարության՝ Չինաստանը բողոք է ներկայացրել ԱՄՆ-ին |shantnews.am|

shantnews.am: ԱՄՆ-ն կմիջամտի, եթե Չինաստանը ներխուժի Թայվան։ Այս մասին հայտնել էր ԱՄՆ նախագահ Ջո Բայդենը CBS-ին տված հարցազրույցում։ Ի պատասխան Բայդենի այս խոսքերի՝ Չինաստանը բողոք է ներկայացրել ԱՄՆ-ին։ Reuters-ի փոխանցմամբ՝ Չինաստանի արտգործնախարարության խոսնակ Մաո Նինգը հայտարարել է, որ Չինաստանն իրավունք է վերապահում բոլոր անհրաժեշտ միջոցները ձեռնարկել՝ ի պատասխան այնպիսի գործողությունների, որոնք պառակտում են ազգը։ «Մենք ցանկանում ենք անել ամեն բան՝ խաղաղ վերամիավորման համար։ Միևնույն ժամանակ, մենք չենք հանդուրժի որևէ գործողություն՝ ուղղված անջատմանը»,- ասել է Չինաստանի ԱԳՆ խոսնակը։ Պաշտոնյան նաև ԱՄՆ-ին կոչ է արել Թայվանի հետ կապված հարցերին անդրադառնալ «զգուշությամբ» և «սխալ ազդանշաններ» չուղարկել Թայվանի անկախությանը ձգտող անջատողական ուժերին։ Մաո Նինգը նաև ԱՄՆ-ին նախազգուշացրել է չվնասել Չինաստան-ԱՄՆ հարաբերությունները և Թայվանի նեղուցում խաղաղությունը։
13:43 - 19 սեպտեմբերի, 2022
Մենք Թայվանին չենք մղում դեպի անկախություն, բայց եթե Չինաստանը ներխուժի, ԱՄՆ ուժերը կպաշտպանեն կղզին. Բայդեն
 |tert.am|

Մենք Թայվանին չենք մղում դեպի անկախություն, բայց եթե Չինաստանը ներխուժի, ԱՄՆ ուժերը կպաշտպանեն կղզին. Բայդեն |tert.am|

tert.am: ԱՄՆ նախագահ Ջո Բայդենն ասել է, որ ԱՄՆ-ի ուժերը կպաշտպանեն Թայվանը չինական ներխուժման դեպքում, ինչը մինչ այժմ այդ հարցի վերաբերյալ իր ամենաբացահայտ հայտարարությունն է. գրում է Reuters-ը:CBS 60 Minutes-ին տված հարցազրույցում Բայդենը հարցին, թե արդյոք ԱՄՆ-ի ուժերը կպաշտպանեն ժողովրդավարական ճանապարհով կառավարվող կղզին, որին հավակնում է Չինաստանը, պատասխանել է. «Այո, եթե իրականում աննախադեպ հարձակում լինի»:Լրագրողն ԱՄՆ  նախագահին խնդրել է պարզաբանել, թե արդյոք նա նկատի ունի, որ ի տարբերություն Ուկրաինայի, ԱՄՆ-ի ուժերը՝ ամերիկացի տղամարդիկ և կանայք, կպաշտպանեն Թայվանը չինական ներխուժման դեպքում, Բայդենը պատասխանել է՝ այո:Միևնույն ժամանակ Բայդենն ասել է. «Մենք համաձայն ենք այն ամենի հետ, ինչ ստորագրել ենք տարիներ առաջ, որ գոյություն ունի մեկ Չինաստանի քաղաքականություն, և որ Թայվանն ինքն է որոշում իր անկախությունը: Մենք չենք մղում կամ խրախուսում նրանց անկախանալ», - ասել է նախագահը՝ ի պատասխան հարցին, թե ինչ պետք է իմանա Չինաստանի ղեկավարը Թայվանի հետ ԱՄՆ համագործակցության մասին:
12:46 - 19 սեպտեմբերի, 2022
ԱՄՆ Պետդեպարտամենտը հավանություն է տվել Թայվանին 1.1 միլիարդ դոլարի զենքի վաճառքին
 |news.am|

ԱՄՆ Պետդեպարտամենտը հավանություն է տվել Թայվանին 1.1 միլիարդ դոլարի զենքի վաճառքին |news.am|

news.am: ԱՄՆ Պետդեպարտամենտը հավանություն է տվել Թայվանի հետ 1.1 միլիարդ դոլար արժողությամբ զենքի մատակարարման գործարքին, գրում է The Epoch Times-ը։ Սա կլինի Թայվանի պաշտպանական ամենախոշոր գործարքը նախագահ Ջո Բայդենի օրոք, գրում է կայքը՝ կասկած հայտնելով, որ ԱՄՆ-ն կկարողանա զենք մատակարարել կղզի Չինաստանի ակտիվության պատճառով։ The Guardian-ը մանրամասնում է, որ փաթեթը 355 միլիոն դոլարի Harpoon հականավային հրթիռներ եւ 85 միլիոն դոլարի Sidewinder ինքնաթիռներով կառավարվող հրթիռներ է ներառում։ Միջոցների հիմնական ծավալը՝ 655 մլն դոլար, նախատեսված է Թայվանի ՀՕՊ համակարգի, այդ թվում՝ հրթիռների արձակման նախազգուշացման համակարգերի ստեղծման եւ աջակցության համար։ Պետդեպը պնդում է, որ Թայվանին զենք է անհրաժեշտ՝ «բավարար ինքնապաշտպանական կարողությունների պահպանման համար», եւ գործարքը «համահունչ է «մեկ Չինաստանի» նկատմամվ ԱՄՆ քաղաքականությանը»։ Վաշինգտոնում Չինաստանի դեսպանատան ներկայացուցիչ Լյու Պենյուն հայտարարել է, որ զենքի վաճառքը «լրջորեն սպառնում է չին-ամերիկյան հարաբերություններին եւ խաղաղությանն ու կայունությանը Թայվանի նեղուցում», ուստի «Չինաստանն օրինական եւ անհրաժեշտ հակազդեցության միջոցներ կձեռնարկի զարգացող իրավիճակում»:  
12:07 - 06 սեպտեմբերի, 2022
Առնվազն 65 մարդ է զոհվել Չինաստանի հարավ-արևմուտքում տեղի ունեցած 6,6 մագնիտուդով երկրաշարժի հետևանքով

Առնվազն 65 մարդ է զոհվել Չինաստանի հարավ-արևմուտքում տեղի ունեցած 6,6 մագնիտուդով երկրաշարժի հետևանքով

Առնվազն 65 մարդ է զոհվել Չինաստանի հարավ-արևմուտքում տեղի ունեցած 6,6 մագնիտուդով երկրաշարժի հետևանքով։ Այս մասին, ինչպես փոխանցում է BBC-ն, հայտնում են երկրի պետական ​​լրատվամիջոցները: Երկրաշարժը տեղի է ունեցել երկուշաբթի տեղական ժամանակով ժամը 13:00-ին (Գրինվիչի ժամանակով 05:00) Սիչուան նահանգում 10 կմ (6 մղոն) խորության վրա: Տեղական լրատվամիջոցները հաղորդում են, որ երկրաշարժի հետևանքով խզվել են հեռահաղորդակցության գծերը, և առաջացել են լեռների սողանքներ, որոնք «լուրջ վնասներ» են պատճառել: Պետական CCTV հեռուստաընկերությունը հայտնել է, որ Յաան քաղաքում մահացել է 17 մարդ, իսկ հարևան Գանզի պրեֆեկտուրայում՝ 29: «Եվս 16 մարդ անհետ կորել է, 50-ը՝ վիրավորվել»,- երկուշաբթի ուշ երեկոյան հայտնել է CCTV հեռուստաալիքը։ Լուսանկարը՝ Getty Images
11:00 - 06 սեպտեմբերի, 2022
Պեկինը լիովին վստահ է ռուս-չինական հարաբերությունների ապագայի հարցում

 |armenpress.am|

Պեկինը լիովին վստահ է ռուս-չինական հարաբերությունների ապագայի հարցում |armenpress.am|

armenpress.am: style="text-align: justify;">Պեկինը լիովին վստահ է ռուս-չինական հարաբերությունների ապագայի հարցում, որոնք կշարունակեն զարգանալ բարձր մակարդակով` ապահովելով երկու պետությունների հիմնական շահերը պաշտպանելու ամուր երաշխիք։   Այս մասին նշել է Չինաստանի արտաքին գործերի նախարար Վան Ի-ն՝ Չինաստանում Ռուսաստանի Դաշնության դեսպան Անդրեյ Դենիսովի հետ հանդիպման ժամանակ: Չինաստանում ՌԴ դեսպանատանը նշել են, որ հանդիպումն անցել է ջերմ ու բարեկամական մթնոլորտում։ «Միջազգային հարաբերությունների խորը վերակառուցման և էվոլյուցիայի պայմաններում Չինաստանն ու Ռուսաստանը ավելի ուժեղ են զգացել երկու երկրների բարիդրացիության կարևոր ձեռքբերումները: Մենք լիակատար վստահություն ունենք չին-ռուսական հարաբերությունների ապագայի նկատմամբ»,- ասել է Վան Ին՝ հավելելով, որ երկու երկրների հարաբերությունները դիմակայել են միջազգային բարդ իրավիճակի փորձությանը և միշտ պահպանել են իրենց կենսունակությունը։ Նախարարը նաև վստահություն է հայտնել, որ Մոսկվայի և Պեկինի հարաբերությունները, անկասկած, կշարունակեն զարգանալ բարձր մակարդակով: Վան Ին բարձր է գնահատել Դենիսովի աշխատանքը՝ որպես Չինաստանում Ռուսաստանի դեսպան՝ նրան անվանելով «չինական ժողովրդի իսկական բարեկամ»։ Ռուսաստանի դեսպանն իր հերթին ասել է, որ աշխատելով Չինաստանում շուրջ 20 տարի, ինքը ականատես է եղել երկրի մեծ ձեռքբերումներին տարբեր առումներով և կարծում է, որ Չինաստանն ապագայում էլ ավելի նշանակալի հաջողությունների կհասնի։
14:30 - 03 սեպտեմբերի, 2022
Ռուսաստանը Չինաստանի հետ սկսել է «Վոստոկ-2022» զորավարժությունները

 |factor.am|

Ռուսաստանը Չինաստանի հետ սկսել է «Վոստոկ-2022» զորավարժությունները |factor.am|

factor.am: Սեպտեմբերի 1-ին սկսվել են Ռուսաստանի, Չինաստանի և այլ երկրների մեկշաբաթյա զորավարժությունները, որոնց գլխավոր նպատակն է ի ցույց դնել Մոսկվայի  և Պեկինի միջև ռազմական համագործակցությունը, գրում է VOA-ն։ Ռուսաստանի պաշտպանության նախարարությունը հայտնել է, որ «Վոստոկ-2022» զորավարժությունները անցկացվում են Ռուսաստանի Հեռավոր Արևելքի և Ճապոնական ծովի յոթ զորավարժարաններում. դրանցում ներգրավված է ավելի քան 50 հազար զինծառայող, շուրջ 5 հազար զինատեսակ, այդ թվում՝ 140 ինքնաթիռ և 60 ռազմանավ։ Զորավարժությանը մասնակցում են 14 պետության, այդ թվում նաև՝ ՀՀ զինված ուժերի ստորաբաժանումները։  Պեկինը ուղարկում է ավելի քան 2000 զինվորական, ինչպես նաև ավելի քան 300 միավոր զինտեխնիկա, 21 մարտական ​​ինքնաթիռ և երեք ռազմանավ, հայտնում է չինական լրատվական գործակալությունը։ ՌԴ պաշտպանության նախարարությունը նշել է, որ զորավարժությունների շրջանակում Ռուսաստանի և Չինաստանի ռազմածովային ուժերը «կմշակեն համատեղ գործողություններ՝ պաշտպանելու ծովային հաղորդակցությունները (Ճապոնական ծովում), ծովային տնտեսական գործունեության ոլորտները և աջակցելու ափամերձ հատվածում ցամաքային ուժերին»։
12:45 - 02 սեպտեմբերի, 2022
ՆԱՏՕ-ն պետք է մեծացնի իր ներկայությունն Արկտիկայում. Յենս Ստոլտենբերգ

 |armenpress.am|

ՆԱՏՕ-ն պետք է մեծացնի իր ներկայությունն Արկտիկայում. Յենս Ստոլտենբերգ |armenpress.am|

armenpress.am: ՆԱՏՕ-ն պետք է ուժեղացնի իր դերն արկտիկական տարածաշրջանում՝ հաշվի առնելով այնտեղ Ռուսաստանի եւ Չինաստանի գործողությունների ակտիվացումը: Այդ մասին հայտարարել է դաշինքի գլխավոր քարտուղար Յենս Ստոլտենբերգը: «Անհրաժեշտ է, որպեսզի ՆԱՏՕ-ն մեծացնի իր ներկայությունն Արկտիկայում»,-նա ասել է Welt am Sonntag գերմանական թերթին: Ստոլտենբերգի խոսքով՝ Ռուսաստանը վերջերս ակտիվացրել է իր գործունեությունը պաշարներով հարուստ այդ շրջանում՝ «վերստին բացելով խորհրդային ժամանակաշրջանի բազաները» եւ «այնտեղ տեղավորելով ու փորձարկելով նոր ժամանակակից այնպիսի զենք, ինչպիսիք գերձայնային հրթիռներն են»: Նա նշել է, որ Չինաստանը, իրեն հայտարարելով «մերձարկտիկական պետություն», նաեւ աճող հետաքրքրություն է դրսեւորում Արկտիկայի նկատմամբ, քանի որ տարածաշրջանը նավագնացության համար էլ ավելի կարեւոր է դառնում կլիմայի փոփոխությունների պատճառով: Անցած շաբաթ Ստոլտենբերգը Կանադա կատարած այցի ընթացքում հայտարարել է. «Պեկինը եւ Մոսկվան նաեւ պայմանավորվել են ակտիվացնել պրակտիկ գործունեությունն Արկտիկայում: Դա խորացող ռազմավարական գործընկերության մի մասն է, որ մարտահրավեր է նետում մեր արժեքներին ու մեր շահերին»: Նա նաեւ ընդգծել է ՆԱՏՕ-ի աճող հետաքրքրությունն Արկտիկայի պաշտպանության նկատմամբ, հատկապես դաշինքին Շվեդիայի եւ Ֆինլանդիայի միանալու լույսով: Ինչպես անցած շաբաթ հաղորդել է ԱՄՆ-ի Պետդեպարտամենտը, Միացյալ Նահանգները պլանավորում է հատուկ հանձնարարությունների գծով դեսպանի պաշտոն ստեղծել արկտիկական տարածաշրջանում: «Նախագահը պլանավորում է ավելի կարեւոր դարձնել Արկտիկայի հարցերով համակարգողի դիրքը՝ հատուկ հանձնարարությունների գծով դեսպան նշանակելով արկտիկական տարածաշրջանում՝ Սենատի հանձնարարականներն ու համաձայնությունն ստանալու պայմանով»,-ասվում է պետդեպարտամենտի հայտարարության մեջ: ԱՄՆ-ն ութ արկտիկական պետություններից մեկն է Կանադայի, Դանիայի, Ֆինլանդիայի, Իսլանդիայի, Նորվեգիայի, Ռուսաստանի եւ Շվեդիայի հետ միասին, հաղորդել է «Ինտերֆաքս»-ը:
12:44 - 29 օգոստոսի, 2022
Հայաստանում Չինաստանի դեսպանն այցելել է Վայոց ձորի մարզ

Հայաստանում Չինաստանի դեսպանն այցելել է Վայոց ձորի մարզ

Օգոստոսի 26-ին Վայոց ձորի մարզպետ Արարատ Գրիգորյանն ընդունել է Հայաստանում Չինաստանի արտակարգ և լիազոր դեսպան Ֆան Յոնգին։ Այս մասին հայտնում են ՀՀ Վայոց ձորի մարզպետարանից։   Հանդիպմանը ներկա էին նաև Վայոց ձորի թեմի առաջնորդ Գերաշնորհ Տեր Աբրահամ արքեպիսկոպոս Մկրտչյանը, Եղեգնաձոր համայնքի ղեկավար Դավիթ Հարությունյանը և Արենի համայնքի ղեկավար Հուսիկ Սահակյանը։   Ողջունելով հյուրերին՝ մարզպետ Արարատ Գրիգորյանը նշել է, որ Վայոց ձորի մարզը մշտապես բարձր է գնահատել երկու բարեկամ ժողովուրդների միջև փոխգործակցության լավ ավանդույթներ ունեցող միջպետական հարաբերությունները՝ փորձելով ապակենտրոնացված համագործակցության շրջանակներում իր ներդրումն ունենալ այդ բարեկամության ամրապնդման գործում։   Դեսպան Ֆան Յոնգն իր խոսքում ասել է, որ 30 տարիների արդյունավետ դիվանագիտական հարաբերությունների շնորհիվ ստեղծվել են համագործակցության բոլոր հիմքերը, և համատեղ ուժերի ներդրմամբ հնարավոր կլինի հասնել կողմերի առջև ուղենշված բոլոր նպատակների իրականացմանը։   Հանդիպման ընթացքում ներկայացվել են Վայոց ձորի տնտեսության գերակա ուղղությունները, տնտեսական ներկայիս իրավիճակը և զարգացման միտումները՝ հատուկ անդրադարձ կատարելով գինեգործության և զբոսաշրջության ոլորրտներին։   Ընդգծվել են նաև կրթության և մշակույթի ոլորտները՝ դիտարկելով մարզում չինարեն լեզվի ուսուցման կենտրոնի ստեղծման և կրթության ոլորտում այլ համագործակցության հնարավորությունները։   Գինեգործության և զբոսաշրջության ոլորտներում արձանագրված հաջողություններին ծանոթանալու նպատակով կողմերն այցելել են մարզի առաջատար գինեգործարաններից մեկը՝ Արենիի գինու գործարան, որտեղ հյուրերը ծանոթացել են ոչ միայն գինեգործարանի հարուստ պատմությանը, այլև մարզի գինեգործության ոլորտի ողջ ներուժին և արտահանման հնարավորություններին։   Հյուրերն այցելել են նաև Թռչունների քարանձավ, որտեղ ներկայացվել է աշխարհում հնագույնը համարվող գինեգործական համալիրը։   Զբոսաշրջության ոլորտում երկուստեք ընդգծվել է մարզի հարուստ պատմամշակութային արժեքների և ներուժի՝ Չինաստանից ժամանած զբոսաշրջիկների շրջանում հանրայնացնելու կարևորությունը։ Այդ համատեքստում հյուրերն այցելել են նաև Նորավանք վանական համալիր։   Հանդիպման ավարտին երկուստեք վստահություն է հայտնվել, որ ՉԺՀ դեսպանի այցի և համատեղ ջանքերի շնորհիվ կհաստատվի հարաբերությունների զարգացման նոր խոստումնալից հնարավորությունների սկիզբ և կհաջողվի էլ ավելի ամրապնդել երկու երկրների միջև գոյություն ունեցող բարեկամական հարաբերությունները՝ ի բարօրություն մեր ժողովուրդների։ 
18:44 - 27 օգոստոսի, 2022
ՀՀ-ում Չինաստանի դեսպանն այցելել է Սյունիքի մարզ

ՀՀ-ում Չինաստանի դեսպանն այցելել է Սյունիքի մարզ

Աշխատանքային այցով Սյունիքում է Հայաստանում Չինաստանի արտակարգ և լիազոր դեսպան Ֆան Յոնգը․ այսօր մարզպետարանում նրան ընդունել են Սյունիքի մարզպետի տեղակալ Հայկ Հարությունյանը և մարզպետարանի ղեկավար կազմը։   Առաջին անգամ Սյունիքում գտնվող դեսպանը նշել է՝ իր այցելության նպատակն է քննարկել, թե ինչպես կարելի է Չինաստանի և Սյունիքի մարզի միջև համագործակցության եզրեր գտնել։   «Սյունիքը Հայաստանի Հանրապետության համար մեծ կարևորություն ունեցող մարզ է, վերջին տարիներին մեր երկու երկրների միջև առևտրաշրջանառության մեջ ամենաբարձր տոկոսն ունի հանքարդյունաբերական արտադրանքը, իսկ այն արտահանվում է հիմնականում Սյունիքից»,- ասել է Ֆան Յոնգը՝ հավելելով, որ սա միակ ոլորտը չէ, որտեղ կարելի է համագործակցել, ու պետք է նոր բնագավառներ գտնել։   Այս առումով դեսպանատունը պատրաստակամ է իրենց երկրի ներդրողներին ուղղորդել դեպի Սյունիք։ Մարզային իշխանությունները բարձրաստիճան դիվանագետին են ներկայացրել այն հիմնական ուղղությունները, որոնց շուրջ Սյունիքը կարող է համագործակցել չինական կողմի հետ, որոնք կարող են հետաքրքրել ներդրողներին կամ շահավետ լինել մարզի համար՝ փորձի փոխանակման առումով։ Հանդիպման ընթացքում քննարկվել են մի շարք ոլորտներ ու հարցեր, որոնք վերաբերում էին մասնավորապես կրթությանը, զբոսաշրջությանը, ճանապարհաշինությանը, այլ ենթակառուցվածքների, քույր քաղաքների ինստիտուտի գործարկմանը, տեղական ինքնակառավարմանը, սյունիքյան տեղական ապրանքատեսականու արտահանմանը և այլն։   Նշվել է, որ հանդիպման հիմնական առանցքը փոխգործակցության մասին մտքերի փոխանակումն էր, իսկ հետագայում առավել նեղ մասնագիտական խմբերով կողմերը կանցնեն դրանք խորացնելու գործնական քայլերի։  
16:45 - 25 օգոստոսի, 2022
Եթե Իրանի տնտեսական օգուտները երաշխավորվեն, հնարավոր է հասնել միջուկային գործարքի վերականգնմանը. Իրանի ԱԳՆ
 |tert.am|

Եթե Իրանի տնտեսական օգուտները երաշխավորվեն, հնարավոր է հասնել միջուկային գործարքի վերականգնմանը. Իրանի ԱԳՆ |tert.am|

tert.am: Իրանի և «միջնորդ վեցյակի» (ԱՄՆ, Ռուսաստան, Չինաստան, Մեծ Բրիտանիա, Ֆրանսիա, Գերմանիա) միջև 2015 թվականի միջուկային համաձայնագրի (Գործողությունների համատեղ համապարփակ ծրագիր) վերականգնման վերաբերյալ վերջնական համաձայնագրին հնարավոր է հասնել, եթե Իրանին երաշխիքներ տրվեն, որ իր տնտեսական օգուտները հաշվի կառնվեն ԳՀՀԾ շրջանակում, ասել է Իրանի արտգործնախարար Հոսեյն Ամիրաբդոլլահիանը, գրում է ԻՌՆԱ գործակալությունը։«Մենք մեր տեսակետները Եվրամիության ներկայացուցչի միջոցով փոխանցել ենք մյուս կողմերին, այդ թվում՝ Միացյալ Նահանգներին, և սպասում ենք պատասխանի: Մենք պետք է համոզվենք, որ մեր բոլոր կարմիր գծերը հաշվի են առնվել, և մենք կարող ենք լիարժեք տնտեսական օգուտներ քաղել մեր առջև դրված համաձայնագրից: Եթե հասնենք այս կետին, ապա կարող են քննարկվել այլ փուլեր», - ասել է Իրանի դիվանագիտական ծառայության ղեկավարը:Միացյալ Նահանգները 2015 թվականի համաձայնագրից դուրս է եկել 2018 թվականին և վերականգնել  է այն հակաիրանական պատժամիջոցները, որոնք չեղարկվել էին համաձայնագրով։ Իրանը և համաձայնագրի մնացած կողմերն անցած տարվանից բանակցություններ են վարում Ավստրիայի մայրաքաղաք Վիեննայում՝ ուսումնասիրելու գործարքի վերականգնման և պատժամիջոցների վերացման ներուժը: Այս ամսվա սկզբին Եվրամիությունը, որը գործում է որպես բանակցությունների համակարգող, հանդես է եկել գործարքի վերանայված տարբերակով, որը պարունակում է մի շարք զիջումներ հօգուտ Իսլամական Հանրապետության:
13:46 - 19 օգոստոսի, 2022
Պուտինը և Սի Ծինփինը խոստացել են մասնակցել Բալիում կայանալիք G20 գագաթնաժողովին

Պուտինը և Սի Ծինփինը խոստացել են մասնակցել Բալիում կայանալիք G20 գագաթնաժողովին

ՌԴ նախագահ Վլադիմիր Պուտինը և Չինաստանի նախագահ Սի Ծինփինը նախատեսում են մասնկացել «Մեծ քսանյակի» (G20) գագաթնաժողովին, որը տեղի է ունենալու Բալիում։ Այս մասին հայտնել է Ինդոնեզիայի նախագահ Ջոկո Վիդոդոն, փոխանցում է «Ինտերֆաքս»-ը։ «Այո, Սի Ծինփինը մասնակցելու է, նախագահ Պուտինը ևս ինձ ասել է, որ գալու է»,- ասել է Վիդոդոն Bloomberg-ին տված հարցազրույցում։ Դեռևս ապրիլին Ինդոնեզիայի նախագահը հաստատել էր, որ ՌԴ նախագահը ընդունել է համաժողովին մասնակցելու հրավերը։ Կրեմլի մամուլի ծառայությունից էլ հայտնել են, որ երեկ ՌԴ և Ինդոնեզիայի նախագահները հեռախոսազրույց են ունեցել ու, ի թիվս այլ հարցերի, քննարկել են նաև համաժողովին նախապատրաստական հարցեր։ Ավելի վաղ ՌԴ նախագահի մամուլի խոսնակ Դմիտրի Պեսկովը հայտնել էր, որ դեռևս որոշված չէ, թե Պուտինը ինչ ֆորմատով է մասնակցելու համաժողովին։ Նախատեսվում է, որ համաժողովը տեղի կունենա այս տարվա նոյեմբերի 15-16-ին։
11:07 - 19 օգոստոսի, 2022