Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։


Բարդ խնդիրները պարզ լուծումներ չունեն. Սի Ծինփինը՝ Ուկրաինայում հակամարտության կարգավորման մասին |factor.am|

Բարդ խնդիրները պարզ լուծումներ չունեն. Սի Ծինփինը՝ Ուկրաինայում հակամարտության կարգավորման մասին |factor.am|

factor.am: Չինաստանի նախագահ Սի Ծինփինը Մոսկվա այցի նախօրեին հոդված է գրել ռուսական լրատվամիջոցների համար, որտեղ խոսել է ռուս-չինական հարաբերությունների մասին և առանձին անդրադարձել Ուկրաինայում պատերազմին։ Այս մասին գրում է BBC-ի ռուսական ծառայությունը։ Նա հիշեցրել է նաև հակամարտության կարգավորման՝ 12 կետից բաղկացած իր ծրագիրը, որը հրապարակվել էր Ուկրաինա ռուսական ներխուժման տարելիցի օրը։ Արևմուտքում այս ծրագրի նպատակներն անիրատեսական էին անվանել։ «Բարդ խնդիրները պարզ լուծումներ չունեն։ Մենք համոզված ենք, որ ուկրաինական ճգնաժամից ռացիոնալ ելքն ու կայուն խաղաղության և համընդհանուր անվտանգության ճանապարհ աշխարհում կգտնվի, եթե բոլորն առաջնորդվեն ընդհանուր, համալիր, համատեղ ու կայուն անվտանգության հայեցակարգով, շարունակեն երկխոսությունն ու խորհրդակցությունները իրավահավասար, խելամիտ և պրագմատիկ ձևով»,- գրել է Չինաստանի ղեկավարն իր հոդվածում։ Շարունակությունը՝ factor.am-ում
Այսօր 13:52
The Economist-ը հրապարակել է Ռուսաստանի դաշնակիցների վարկանիշը. Հայաստանը 2-րդն է
 |tert.am|

The Economist-ը հրապարակել է Ռուսաստանի դաշնակիցների վարկանիշը. Հայաստանը 2-րդն է |tert.am|

tert.am: Հեղինակավոր The Economist ամսագիրը հրապարակել է հոդված «Ռուսաստանի դաշնակիցները՝ խայտաբղետ ու կրճատվող թիմ» վերտառությամբ հոդվածը, որում ներկայացրել է Մոսկվայի ռազմավարական դաշնակիցների վարկանիշը։ Ցուցակում ընդգրկված է 12 երկիր. առաջին տեղում Բելառուսն է, երկրորդում՝ Հայաստանը: Ընդհանուր առմամբ, վարկանիշում, որը հոդվածի հեղինակներն անվանել են նաև «Պուտինի ընկերների ինդեքս», ներառվել են նաև Ղրղզստանը, Իրանը, Տաջիկստանը, Ղազխստանը, Սիրիան, Չինաստանը, Վենեսուելան, Նիկարագուան, Հնդկաստանն ու Ուզբեկստանը: Նշվում է, որ վարկանիշը կազմվել է 11 գործոնի հիման վրա: Օրինակ՝ հեղինակները երկրները դասակարգելիս հաշվի են առել դիվանագիտկան, ռազմական, էներգետիկ և տնտեսական գործոնները. արդյոք երկիրը դե՞մ է քվեարկել ՄԱԿ-ի՝ հակառուսական հիմնական բանաձևերին, ձեռնպա՞հ է մնացել, թե՞ աջակցել է Ռուսաստանին, երկիրը Ռուսաստանի հետ համագործակցության պաշտոնական պայմանագիր ունի՞, երկրում կա՞ն ռուսական զորքեր կամ վարձու զինվորականներ, արդյոք երկիրը զենք  մատակարարե՞լ է Ռուսաստանին Ուկրաինայում պատերազմի սկսվելուց հետո, արդյոք այն կախվա՞ծ է ռուսական զենքից, պատերազմի սկզբից ի վեր Ռուսաստանի հետ համատեղ զորավարժություններ անցկացրե՞լ է, արդյոք երկիրը կախվա՞ծ է ռուսական գազից, ատոմակայաններից կամ միջուկային տեխնոլոգիաներից, արդյոք Ռուսաստանի մասնաբաժինը գերազանցո՞ւմ է ընդհանուր առևտրի 10%-ը, պատերազմի սկզբից ի վեր արտահանումը Ռուսաստան ավելացե՞լ է։ Ցանկում հայտնված երկրների կեսը, որոնք ստացել են ամենաբարձր ինդեքսային միավորները (Հայաստանը ստացել է 9 միավոր), հիմնականում կապված են Ռուսաստանի հետ քաղաքականության, պատմության և աշխարհագրության ոլորտներում. խոսքը Բելառուսի, Հայաստանի, Իրանի, Ղրղզստանի, Տաջիկստանի և Ղազախստանի մասին է: «Ռուսաստանը Հավաքական անվտանգության պայմանագրի կազմակերպությունում (ՀԱՊԿ) ունի հինգ պաշտոնական դաշնակից՝ Հայաստանը, Բելառուսը, Ղազախստանը, Ղրղզստանը և Տաջիկստանը։ Նրանք բոլորը պարտավոր են օգնել միմյանց՝ նրանցից մեկի վրա հարձակվելու դեպքում։ Սակայն այդ երկրներից ոչ մեկն իր զորքերով չի աջակցել Ռուսաստանին Ուկրաինայի դեմ պատերազմում։ Բելառուսը որպես ռազմաբազա տրամադրում է միայն իր տարածքը», - գրում է The Economist-ը։ Աղբյուրը նկատում է, որ այս երկրներից ոմանք նույնիսկ փորձում են հեռու մնալ պատերազմից: «Հայաստանը վրդովված է, որ 2020 թվականին Ադրբեջանի հետ պատերազմի ժամանակ իր տարածքում գտնվող 3500 ռուս զինվորականներն օգնության չեն հասել։ Նա հրաժարվել է ՀԱՊԿ-ի այս տարվա զորավարժություններից և այժմ, թվում է, փորձում է ինքն իրեն ապահովագրել, երբ խոսքը վերաբերում է քաղաքական հովանավորներին՝ ԵՄ առաքելությանը հրավիրելով վերահսկելու Ադրբեջանի հետ սահմանը», - նշում են հոդվածի հեղինակները։ «Դիվանագիտական տեսանկյունից Ռուսաստանը գրեթե մեկուսացված է թվում: Միայն չորս երկիր (Բելառուս, Նիկարագուա, Հյուսիսային Կորեա և Սիրիա) միշտ նրա կողքին են եղել ՄԱԿ-ի յոթ բանաձևերի քվեարկության ժամանակ՝ սկսած 2014 թվականից, երբ Ռուսաստանի Դաշնությունը բռնակցեց Ղրիմը», - շարունակում է The Economist-ը։  Մոտ 30 այլ երկիր անվանականորեն չեզոք է և սովորաբար ձեռնպահ է մնում Ուկրաինայի հարցով ՄԱԿ-ի քվեարկության ժամանակ: Այդ երկրներից մի քանիսը կազմում են այսպես կոչված «ԽՍՀՄ հիշողության համայնք»։ Նրանք Մոսկվային չեն առաջարկում որևէ լուրջ դիվանագիտական կամ ռազմական աջակցություն, բայց հաճախ հակված են Ռուսաստանին՝ անցկացնելով համատեղ զորավարժություններ կամ «կրկնելով ռուսական նարատիվները ՆԱՏՕ-ի ընդլայնման և պատերազմում Ուկրաինայի մեղքի մասին», հավելում է պարբերականը: Շարունակությունը՝ tert.am-ում
16:24 - 16 մարտի, 2023
Հայաստանն առանձնահատուկ կարևորություն է տալիս Չինաստանի հետ բարեկամական հարաբերությունների ամրապնդմանը. Վահագն Խաչատուրյան

Հայաստանն առանձնահատուկ կարևորություն է տալիս Չինաստանի հետ բարեկամական հարաբերությունների ամրապնդմանը. Վահագն Խաչատուրյան

Հանրապետության նախագահ Վահագն Խաչատուրյանը շնորհավորական ուղերձ է հղել Չինաստանի Ժողովրդական Հանրապետության նախագահ Սի Ծինփինին նախագահի պաշտոնում վերընտրվելու կապակցությամբ։ Ուղերձում ասվում է. «Վստահ եմ, որ Ձեր պաշտոնավարման ընթացքում Չինաստանը կշարունակի զարգացման վերընթաց ուղին՝ նշանակալի ներդրում ունենալով խաղաղության և կայունության հաստատման գործում: Հայաստանն առանձնահատուկ կարևորություն է տալիս Չինաստանի հետ ավանդական բարեկամական հարաբերությունների շարունակական ամրապնդմանը և խորացմանը: Համոզված եմ, որ համատեղ ջանքերով կհաջողվի ընդլայնել հայ-չինական բազմոլորտ համագործակցությունն ու քաղաքական երկխոսությունը: Մաղթում եմ Ձեզ քաջառողջություն և հաջողություն, իսկ Չինաստանի բարեկամ ժողովրդին խաղաղություն և բարօրություն»։
14:28 - 11 մարտի, 2023
Համոզված եմ, որ Ձեր հմուտ ղեկավարության ներքո Չինաստանը կշարունակի տնտեսական և հասարակական հետագա առաջընթաց. Փաշինյանը շնորհավորական ուղերձ է հղել Սի Ծինփինին

Համոզված եմ, որ Ձեր հմուտ ղեկավարության ներքո Չինաստանը կշարունակի տնտեսական և հասարակական հետագա առաջընթաց. Փաշինյանը շնորհավորական ուղերձ է հղել Սի Ծինփինին

Վարչապետ Նիկոլ Փաշինյանը մարտի 10-ին շնորհավորական ուղերձ է հղել Սի Ծինփինին՝ Չինաստանի Ժողովրդական Հանրապետության նախագահի պաշտոնում վերընտրվելու առիթով: Ուղերձում, մասնավորապես,  նշված է. «Ձերդ գերազանցություն, Ջերմորեն շնորհավորում եմ Չինաստանի Ժողովրդական Հանրապետության Ժողովրդական ներկայացուցիչների 14-րդ գումարման համաչինական ժողովի առաջին նստաշրջանի բարեհաջող անցկացման առթիվ և լավագույն բարեմաղթանքներս եմ հղում Ձեզ` Չինաստանի Ժողովրդական Հանրապետության նախագահի պաշտոնում վերընտրվելու կապակցությամբ: Համոզված եմ, որ Ձեր հմուտ ղեկավարության ներքո Չինաստանի Ժողովրդական Հանրապետությունը կշարունակի տնտեսական և հասարակական հետագա առաջընթացն ու իր կարևոր նպաստը կբերի միջազգային խաղաղության և կայունության ապահովմանը: Բարձր գնահատելով հայ-չինական ավանդական բարեկամական հարաբերությունները՝ վերահաստատում եմ իմ պատրաստակամությունը՝ առավելագույն ջանքեր գործադրելու երկկողմ համագործակցության շարունակական զարգացման և ընդլայնման ուղղությամբ: Մաղթում եմ Ձեզ քաջառողջություն և արգասաբեր գործունեություն, իսկ Չինաստանի բարեկամ ժողովրդին` հարատև խաղաղություն և բարօրություն»:
13:39 - 11 մարտի, 2023
Սի Ծինպինը վերընտրվել է Չինաստանի նախագահի պաշտոնում՝ աննախադեպ երրորդ հնգամյա ժամկետով

Սի Ծինպինը վերընտրվել է Չինաստանի նախագահի պաշտոնում՝ աննախադեպ երրորդ հնգամյա ժամկետով

Սի Ծինպինը վերընտրվել է Չինաստանի նախագահի պաշտոնում՝ աննախադեպ երրորդ հնգամյա ժամկետով: Այս մասին հայտնում է The Guardian-ը։  ՉԺՀ 14-րդ Ազգային Ժողովրդական Կոնգրեսի առաջին նստաշրջանի պատվիրակները ուրբաթ օրը միաձայն քվեարկել են Սի Ծինպինի օգտին։ Քվեարկությանը մասնակցել է շուրջ 3000 մարդ․ բացի Սի Ծինպինից այլ թեկնածու չի եղել։  Նախագահը երդման արարողության ժամանակ խոստացել է «կառուցել բարգավաճ, ուժեղ, ժողովրդավարական, քաղաքակիրթ, ներդաշնակ և ժամանակակից սոցիալիստական երկիր»: Նշվում է, որ Սի Ծինպինի կառավարումը շարունակվում է այն ժամանակ, երբ Չինաստանի տնտեսությունը բախվում է լուրջ հակահարվածների՝ տնտեսական աճի նվազումից մինչև ծնելիության անկում: Վերընտրումով Սի Ծինպինը, որը շուտով կդառնա 70 տարեկան, կլինի ժամանակակից Չինաստանի ամենաերկար կառավարած նախագահը։ Սի Ծինպինի վերընտրումը հնարավոր դարձավ 2018 թվականին, երբ Չինաստանի Սահմանադրության փոփոխություններով սահմանվեց, որ նախկին 10-ամյա կառավարման ժամկետի փոխարեն, այժմ  նույն անձը կարող է անսահմանափակ թվով զբաղեցնել պետության ղեկավարի պաշտոնը։  Նա վերընտրվել է նաև Չինաստանի Ժողովրդական Հանրապետության Կենտրոնական ռազմական խորհրդի (ԿՄԽ) նախագահի պաշտոնում։  Չինաստանի Ժողովրդական Հանրապետության կենտրոնական ռազմական հանձնաժողովը ղեկավարում է Չինաստանի ժողովրդական ազատագրական բանակը։ Այն իր գործառույթներն իրականացնում է կուսակցության զինված ուժերի կառավարման մարմնի՝ Չինաստանի Կոմկուսի Կենտկոմի ռազմական խորհրդի (CPC Կենտրոնական կոմիտե) հետ զուգահեռ։   
11:27 - 10 մարտի, 2023
5,6 մագնիտուդ ուժգնությամբ երկրաշարժ է տեղի ունեցել Չինաստան-Ղրղզստան սահմանին |armenpress.am|

5,6 մագնիտուդ ուժգնությամբ երկրաշարժ է տեղի ունեցել Չինաստան-Ղրղզստան սահմանին |armenpress.am|

armenpress.am: Չինաստանի և Ղրղզստանի սահմանին 5,6 մագնիտուդ հզորությամբ երկրաշարժ է տեղի ունեցել երկուշաբթի օրը, Աստանայի ժամանակով 05:58-ին (Երևանի ժամանակով 03:58-ին), հաղորդել են Ղազախստանի ԱԻՆ-ից։ Այդ մասին հայտնում է «РИА Новости» գործակալությունը։ «Երկրաշարժի էպիկենտրոնը գտնվում է Ալմաթի քաղաքից 278 կիլոմետր դեպի հարավ-արևելք, Ղրղզստանի և Չինաստանի սահմանին: Երկրաշարժի էներգետիկ դասը 12,1 է, MPV-ի մագնիտուդը՝ 5,6, խորությունը՝ 10 կիլոմետր», - ասվում Է գերատեսչության հաղորդագրության մեջ: Միևնույն ժամանակ, ըստ սեյսմոլոգների տվյալների՝ դրանից մի քանի ժամ առաջ՝ Աստանայի ժամանակով 03.42-ին (Երևանի ժամանակով 01:42-ին), այդ նույն շրջանում տեղի է ունեցել 5,9 մագնիտուդով երկրաշարժ, որի ցնցումներն Ալմաթիում զգացվել են 2 բալ ուժգնությամբ։
14:29 - 27 փետրվարի, 2023
Եթե Չինաստանը ռազմական օգնություն տրամադրի Ռուսաստանին, ստիպված կլինի իրական գին վճարել դրա համար. Սպիտակ տուն
 |tert.am|

Եթե Չինաստանը ռազմական օգնություն տրամադրի Ռուսաստանին, ստիպված կլինի իրական գին վճարել դրա համար. Սպիտակ տուն |tert.am|

tert.am: Եթե Չինաստանն աջակցի Ռուսաստանին Ուկրաինայի դեմ պատերազմում, նա ստիպված կլինի «իրական գին» վճարել։ Այս մասին CNN-ի եթերում ասել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։Նա նշել է, որ Չինաստանը դեռ քայլեր չի ձեռնարկել Ռուսաստանին Ուկրաինա ներխուժելու հարցում մահացու օգնություն (մահացու զենք) ցուցաբերելու համար, սակայն ԱՄՆ-ն փակ դռների հետևում հասկացրել է, որ նման քայլը լուրջ հետևանքներ կունենա։«Պեկինը պետք է ինքնուրույն որոշումներ կայացնի այն մասին, թե ինչպես կվարվի, արդյոք ռազմական օգնություն կտրամադրի՞, բայց եթե այս ճանապարհով գնա, դրա համար իրական գին կվճարի, և դա վնաս կհասցնի Չինաստանին», - ասել է Բայդենի խորհրդականը։Հիշեցնենք, որ ավելի վաղ CNN-ը հայտնել էր, որ Չինաստանը հակված է Ռուսաստանի Դաշնություն զենք ուղարկելուն։ 
12:41 - 27 փետրվարի, 2023
Թեհրանն աջակցում է Ուկրաինայի հակամարտության կարգավորման Չինաստանի խաղաղ պլանին. Իրանի ԱԳՆ
 |news.am|

Թեհրանն աջակցում է Ուկրաինայի հակամարտության կարգավորման Չինաստանի խաղաղ պլանին. Իրանի ԱԳՆ |news.am|

news.am: Իրանն աջակցում է Ուկրաինայի հակամարտության խաղաղ կարգավորման նախաձեռնությանը։ Այս մասին տեղեկացրել է Իրանի ԱԳՆ-ն։ «Եկել է իսկական դիվանագիտությունն ակտիվացնելու ժամանակը, որպեսզի վերջ դրվի հակամարտությանն ու այն գործողություններին, որոնք պատերազմ են հրահրում, այդ թվում այլ երկրների հասցեին անհիմն մեղադրանքներին եւ միակողմանի պատժամիջոցներին»,- նշել են իրանցի դիվանագետները։ Նրանք ավելացրել են, որ Իրանի Իսլամական Հանրապետությունն աջակցում է ուկրաինական ճգնաժամի քաղաքական կարգավորման Չինաստանի առաջարկությանը։ Թեհրանը նշել է, որ նախընտրում է երկխոսությունն ու դիվանագիտությունը միջպետական վեճերի լուծման համար։ Իրանական կողմը Ռուսաստանի եւ Ուկրաինայի միջեւ հակամարտության խաղաղ կարգավորմանը մասնակցելու պատրաստակամություն է հայտնել։ Հիշեցնենք, որ Չինաստանը փետրվարի 24-ին հրապարակել է ուկրաինական ճգնաժամի քաղաքական կարգավորման վերաբերյալ իր ծրագիրը։ Փաստաթղթի տեքստը ներառում է 12 կետ։ Ուկրաինայի նախագահ Վլադիմիր Զելենսկին արձագանքել է Չինաստանի  ծրագրին, նշելով՝ ծրագրում է հանդիպել նախագահ Սի Ծինփինին՝ քննարկելու Պեկինի առաջարկները:  Ռուսաստանը ողջունել է Չինաստանի խաղաղության առաջարկները։ «Մենք կիսում ենք Պեկինի տեսակետները»,- նշել են ՌԴ ԱԳՆ-ից։ Իսկ ԱՄՆ նախագահ Ջո Բայդենը իր հերթին հայտարարել է․ «Ես ծրագրում ոչինչ չեմ տեսել, որը ցույց տա, որ կա մի բան, որը ձեռնտու կլինի որևէ մեկին՝ բացի Ռուսաստանից»:
11:16 - 27 փետրվարի, 2023
Լուկաշենկոն հաջորդ շաբաթ պաշտոնական այցով կմեկնի Չինաստան
 |azatutyun.am|

Լուկաշենկոն հաջորդ շաբաթ պաշտոնական այցով կմեկնի Չինաստան |azatutyun.am|

azatutyun.am: Բելառուսի նախագահ Ալեքսանդր Լուկաշենկոն փետրվարի 28-ին երկօրյա պաշտոնական այցով կժամանի Չինաստան, այս մասին հայտնում է Բելառուսի առաջնորդի գրասենյակը։ Բելառուսական կողմի պաշտոնական հաղորդագրության համաձայն՝ երկու առաջնորդները մտադիր են քննարկել առևտրատնտեսական, ներդրումային և հումանիտար համագործակցության զարգացմանը վերաբերող հարցեր, փոխգործակցությունը քաղաքական ոլորտում և « արձագանքը միջազգային ամենասուր մարտահրավերներին»։ Այցին ընդառաջ հեռախոսազրույց են ունեցել երկու երկրների դիվանագիտության ղեկավարները: Չինաստանի արտգործնախարար Ցին Գանգը հայտարարել է՝ Պեկինը պատրաստ է աշխատել Մինսկի հետ՝ խորացնելու փոխադարձ քաղաքական վստահությունը։ Ըստ չինական կողմի պաշտոնական հաղորդագրության, Պեկինը վստահեցրել է նաև, որ կշարունակի աջակցել Բելառուսին իր ազգային կայունությունը պահպանելու հարցում, կհակազդի Բելառուսի ներքին գործերին միջամտելու կամ Մինսկի դեմ «ապօրինի» միակողմանի պատժամիջոցներ կիրառելու «արտաքին ուժերի» փորձերին։
16:56 - 25 փետրվարի, 2023
ԱՄՆ-ից, ՌԴ-ից ու Ուկրաինայից արձագանքել են պատերազմի դադարեցման վերաբերյալ Չինաստանի 12 կետանոց ծրագրին

ԱՄՆ-ից, ՌԴ-ից ու Ուկրաինայից արձագանքել են պատերազմի դադարեցման վերաբերյալ Չինաստանի 12 կետանոց ծրագրին

Չինաստանը փետրվարի 24-ին հրապարակել է ուկրաինական ճգնաժամի քաղաքական կարգավորման վերաբերյալ իր ծրագիրը։ Փաստաթղթի տեքստը ներառում է 12 կետ։ Չինաստանի ծրագիրը կոչ է անում խաղաղ բանակցություններ սկսել և հարգել երկրների ինքնիշխանությունը: Ուկրաինայի նախագահ Վլադիմիր Զելենսկին հայտնել է, որ ծրագրում է հանդիպել Չինաստանի նախագահ Սի Ծինփինին՝ քննարկելու Ուկրաինայում պատերազմի դադարեցման վերաբերյալ Պեկինի առաջարկները: Այս մասին հայտնում է BBC-ն: Զելենսկին ասել է, որ առաջարկն ազդանշան է, որ Չինաստանը ներգրավված է խաղաղության որոնման գործընթացում: «Ես իսկապես ուզում եմ հավատալ, որ Չինաստանը զենք չի մատակարարի Ռուսաստանին»,- ասել է Ուկրաինայի նախագահը։ Մինչդեռ Չինաստանի իշխանությունները մինչ այժմ հրապարակայնորեն չեն արձագանքել նախագահի հետ հանդիպում ունենալու Զելենսկու ցանկությանը։ Ռուսաստանը իր հերթին ողջունել է Չինաստանի խաղաղության առաջարկները։ «Մենք կիսում ենք Պեկինի տեսակետները», - ասվում է ՌԴ ԱԳ նախարարության հայտարարության մեջ: ՌԴ ԱԳՆ-ից նշել են․ «Ուկրաինայում խաղաղ կարգավորման հիմնական խոչընդոտն այն է, որ Վլադիմիր Զելենսկին 2022 թ․ սեպտեմբերի 30-ին ընդունած հրամանագրով ամրագրել է Վլադիմիր Պուտինի հետ բանակցությունների անհնարինությունը: Բանակցությունները նաև անհնար են, քանի որ Կիևը պահանջում է դուրս բերել ռուսական զորքերը ռուսական նոր տարածքներից՝ Դոնբասից, Ղրիմից, Զապորոժիեից և Խերսոնից»,- ասված է ՌԴ ԱԳՆ հաղորդագրության մեջ։   Միևնույն ժամանակ ԱՄՆ նախագահ Ջո Բայդենը ABC News-ին տված հարցազրույցում, պատասխանելով չինական ծրագրի մասին հարցին, ասել է․ «Ես ծրագրում ոչինչ չեմ տեսել, որը ցույց տա, որ կա մի բան, որը ձեռնտու կլինի որևէ մեկին, բացի Ռուսաստանից»: Իսկ ավելի վաղ ԱՄՆ նախագահի՝ ազգային անվտանգության հարցերով խորհրդական Ջեյք Սալիվանը մեկնաբանել էր չինական ծրագիրը և նշել՝ «Չինաստանը կարող է կանգ առնել առաջին կետի վրա․ այն է՝ հարգանք բոլոր ազգերի ինքնիշխանության նկատմամբ»:   
16:20 - 25 փետրվարի, 2023
Սպիտակ տունն արձագանքել է Չինաստանի 12 կետանոց խաղաղության ծրագրին
 |tert.am|

Սպիտակ տունն արձագանքել է Չինաստանի 12 կետանոց խաղաղության ծրագրին |tert.am|

tert.am: Սպիտակ տունը մեկնաբանել է Ուկրաինայի համար «խաղաղության ծրագրի» չինական տարբերակը։ Հիշեցնենք, որ Չինաստանն այսօր հրապարակել է ուկրաինական ճգնաժամի քաղաքական կարգավորման վերաբերյալ դիրքորոշումը։ Փաստաթղթի տեքստը ներառում է 12 կետ։ԱՄՆ նախագահի՝ ազգային անվտանգության հարցերով խորհրդական Ջեյք Սալիվանն ասել է, որ Չինաստանը կարող է կանգ առնել առաջին կետի վրա․ այս մասին հայտնում է CNN-ը։ «Դե, իմ առաջին արձագանք Չինաստանի խաղաղության ծրագրին այն է, որ նրանք կարող են կանգ առնել առաջին կետի վրա, այն է՝ հարգանք բոլոր ազգերի ինքնիշխանության նկատմամբ», - ասել է Սալիվանը:Սալիվանի խոսքով՝ Ուկրաինայում պատերազմը «կարող է ավարտվել վաղը», եթե Ռուսաստանը դադարեցնի Ուկրաինայի նկատմամբ հարձակումը և դուրս բերի իր զորքերը։«Ուկրաինան չի հարձակվել Ռուսաստանի վրա, ՆԱՏՕ-ն չի հարձակվել Ռուսաստանի վրա, ԱՄՆ-ն չի հարձակվել Ռուսաստանի վրա, դա ընտրության պատերազմ էր, որը սկսել է Պուտինը», - ընդգծել է պաշտոնյան:    
13:39 - 24 փետրվարի, 2023
Պեկինը կոչ է անում դադարեցնել ռազմական գործողությունները Ուկրաինայում և բանակցություններ սկսել
 |azatutyun.am|

Պեկինը կոչ է անում դադարեցնել ռազմական գործողությունները Ուկրաինայում և բանակցություններ սկսել |azatutyun.am|

azatutyun.am: Չինաստանն այսօր հրապարակել է ուկրաինական ճգնաժամի քաղաքական կարգավորման վերաբերյալ դիրքորոշումը։ Փաստաթղթի տեքստը տեղադրված է Չինաստանի ԱԳՆ կայքում, այն ներառում է 12 կետ։ Պաշտոնական Պեկինը հրապարակած հայտարարությունում կոչ է անում դադարեցնել ռազմական գործողությունները Ուկրաինայում և սկսել բանակցային գործընթացը։ «Բոլոր կողմերը պետք է պահպանեն ռացիոնալությունը և զսպվածությունը, կրակի վրա յուղ չլցնեն, չսրեն հակամարտությունները, խուսափեն ուկրաինական ճգնաժամի հետագա սրումից կամ նույնիսկ իրավիճակի՝ վերահսկողությունից դուրս գալուց», - ասված է փաստաթղթում։ Չինաստանը երկխոսությունն ու բանակցություններն անվանում է «ուկրաինական ճգնաժամի լուծման միակ ճանապարհը» և կոչ անում բոլոր կողմերին աջակցել Մոսկվային և Կիևին «միմյանց ընդառաջ շարժվելու» և ուղիղ երկխոսությունը հնարավորինս շուտ վերսկսելու հարցում։ Ընդգծվում է, որ համաշխարհային հանրությունը պետք է պայմաններ և հարթակ ստեղծի բանակցությունների վերսկսման համար։ «Երկխոսությունն ու բանակցությունները ուկրաինական ճգնաժամի լուծման միակ հնարավոր ճանապարհն են», - ընդգծում է Չինաստանի արտաքին քաղաքական գերատեսչությունը:
11:39 - 24 փետրվարի, 2023
Արվում է ամեն ինչ՝ կոռուպցիայի նկատմամբ զրո հանդուրժողականություն ձևավորելու նպատակով. Սասուն Խաչատրյան

Արվում է ամեն ինչ՝ կոռուպցիայի նկատմամբ զրո հանդուրժողականություն ձևավորելու նպատակով. Սասուն Խաչատրյան

ՀՀ հակակոռուպցիոն կոմիտեի նախագահ Սասուն Խաչատրյանն ընդունել է ՀՀ-ում Չինաստանի Ժողովրդական Հանրապետության արտակարգ և լիազոր դեսպան Ֆան Յոնին: Կոմիտեի նախագահը դեսպանին ներկայացրել է Հայաստանի նորաստեղծ հակակոռուպցիոն մարմնի գործառույթներն ու առաջնահերթությունները՝ նշելով, որ կառույցի կողմից արվում է հնարավոր ամեն ինչ՝ կոռուպցիայի նկատմամբ երկրում զրո հանդուրժողականություն ձևավորելու նպատակով: Միաժամանակ Սասուն Խաչատրյանը համոզմունք է հայտնել, որ չինացի գործընկերների հետ համագործակցային կապերի հաստատումն ու փորձի փոխանակումը դրականորեն կանդրադառնան երկու երկրների իրավապահ մարմինների աշխատանքների վրա՝ նկատի ունենալով նաև այն հանգամանքը, որ Չինաստանում նույնպես գործում է կոռուպցիայի դեմ պայքարում մասնագիտացած, համանման գործառույթներ իրականացնող մարմին՝ Ազգային վերահսկիչ հանձնաժողովը: Անդրադառնալով Չինաստանի ղեկավարության կողմից կոռուպցիայի դեմ տարվող խիստ և հետևողական պայքարին՝ դեսպան Ֆան Յոնը նշել է, որ դա այն գլխավոր գործոնն է, որը նպաստել է երկրի արագ զարգացմանն ու կառավարության նկատմամբ ժողովրդի վստահության ձևավորմանը: Ըստ դեսպանի՝ երկիրը չի կարող զարգանալ, եթե կոռուպցիայի դեմ անհրաժեշտ պայքար չի տարվում: Դեսպանը նաև ընդգծել է, որ Հայաստանի և Չինաստանի միջև արդեն իսկ ձևավորված է արդյունավետ համագործակցային միջավայր, ուստի շատ լավ կլինի, եթե կողմերը փորձեն ամրապնդել համագործակցությունը նաև իրավապահ ոլորտում՝ հատկապես հաշվի առնելով, որ երկու երկրների կառավարություններն էլ ունեն կոռուպցիայի դեմ պայքարելու անհրաժեշտ կամք և վճռականություն: Հանդիպման ընթացքում անդրադարձ է կատարվել նաև կոռուպցիայի դեմ պայքարում տեղեկատվական նորագույն տեխնոլոգիաների ներդրման անհրաժեշտությանն ու կարևորությանը: Սասուն Խաչատրյանը, կառույցի գործունեության առաջնահերթությունների շարքում առանձնացնելով օպերատիվ ծառայողների կարողությունների զարգացումն ու հակակոռուպցիոն միջոցառումներում նորագույն մեթոդների կիրառումը, հույս է հայտնել, որ չինացի գործընկերները նույնպես կարող են աջակցել այդ հարցում: Հանդիպման ավարտին կողմերը պայմանավորվել են խորացնել նոր ձևավորվող համագործակցային կապերն ու արդյունավետ աշխատանքներ տանել փորձի փոխանակման և մի շարք այլ ծրագրերի իրագործման ուղղությամբ։  
12:09 - 23 փետրվարի, 2023