Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Բեռլինը պատրաստ է թանկ վճարել Կիևի անվտանգության համար. Գերմանիայի ԱԳ նախարար |armenpress.am|

armenpress.am: Բեռլինը պատրաստ է բարձր տնտեսական գին վճարել Ուկրաինայի անվտանգության համար: Ինչպես հաղորդում է «ՌԻԱ նովոստի»-ին, այս մասին հայտնել է Գերմանիայի ԱԳ նախարար Աննալենա Բերբոկը: «Կանենք ամեն բան, որ լարվածությունը չմեծանա: Նման դեպքում մենք Ռուսաստանի դեմ խիստ միջոցների շարք ենք նախապատրաստել: Այդ պատժամիջոցներն աննախադեպ են և համաձայնեցված են բոլոր գործընկերների հետ»,-նշել է Բերբոկն ու հավելել, որ պատրաստ են բարձր տնտեսական գին վճարել Ուկրաինայի անվտանգության համար: Ռազմաքաղաքական իրավիճակն Ուկրաինայի շուրջ շարունակում է լարված մնալ: Արևմուտքի և մասնավորապես ՆԱՏՕ-ի անդամ երկրներում լուրջ մտահոգություն կա, որ Ռուսաստանը պատրաստվում է ռազմական ներխուժում իրականացնել Ուկրաինայի տարածք: Պաշտոնական Մոսկվան անհիմն է համարում այդ տեղեկությունները: Մինչ Արևմուտքի գլխավոր մտահոգությունը Ռուսաստանի ենթադրյալ ռազմական ներխուժումն է Ուկրաինա, իր հերթին Ռուսաստանի հիմնական մտահոգությունը ՆԱՏՕ-ի ընդլայնումն է դեպի Արևելք, այդ թվում կառույցին Ուկրաինայի հնարավոր անդամակցումը: ԱՄՆ-ն շեշտում է, որ Ռուսաստանի պահանջը հրաժարվել դեպի Արևելք ՆԱՏՕ-ի ընդլայնումից չի կարող կատարվել, քանի որ դա կնշանակի հրաժաշրվել ՆԱՏՕ-ի «բաց դռների» քաղաքականությունից:

21:34 - 07 փետրվարի, 2022

Կիևում հայտնել են ՆԱՏՕ-ին Ուկրաինայի անդամակցությանը դեմ երկրների թիվը |armenpress.am|

armenpress.am: Ուկրաինայի՝ ՆԱՏՕ-ի անդամ դառնալուն կարող է դեմ արտահայտվել դաշինքին անդամակցող երկրների 40 տոկոսը: Ինչպես հաղորդում է «ՌԻԱ նովոստի»-ն, այս մասին Politeka հեռուստաալիքի ուղիղ եթերում հայտնել է Ուկրաինայի ներքին հետախուզության նախկին ղեկավար, գեներալ Նիկոլայ Մալոմուժը: Նրա խոսքով՝ առաջիկայում Կիևը չպետք է այդ ուղղությամբ դրական քայլերի հույս ունենա, քանի որ մի շարք պետություններ չեն աջակցի նրան: Ըստ Մալոմուժի՝ ՆԱՏՕ-ի 12 անդամ երկիր կա՛մ դեմ կլինի Ուկրաինայի անդամակցությանը, կա՛մ ձեռնպահ կմնա: Ռազմաքաղաքական իրավիճակն Ուկրաինայի շուրջ շարունակում է լարված մնալ: Արևմուտքի և մասնավորապես ՆԱՏՕ-ի անդամ երկրներում լուրջ մտահոգություն կա, որ Ռուսաստանը պատրաստվում է ռազմական ներխուժում իրականացնել Ուկրաինայի տարածք: Պաշտոնական Մոսկվան անհիմն է համարում այդ տեղեկությունները: Մինչ Արևմուտքի գլխավոր մտահոգությունը Ռուսաստանի ենթադրյալ ռազմական ներխուժումն է Ուկրաինա, իր հերթին Ռուսաստանի հիմնական մտահոգությունը ՆԱՏՕ-ի ընդլայնումն է դեպի Արևելք, այդ թվում կառույցին Ուկրաինայի հնարավոր անդամակցումը: ԱՄՆ-ն շեշտում է, որ Ռուսաստանի պահանջը հրաժարվել դեպի Արևելք ՆԱՏՕ-ի ընդլայնումից չի կարող կատարվել, քանի որ դա կնշանակի հրաժարվել ՆԱՏՕ-ի «բաց դռների» քաղաքականությունից:

20:06 - 07 փետրվարի, 2022

Դուք չէ, որ պետք է հաշվեք՝ ինչքան բանակ ունենք, որտեղ են գտնվում և ուր են տեղափոխվում մեր զինված ուժերը. Զախարովան մեկնաբանել է ՌԴ-ի հասցեին հնչող մեղադրանքները

Հյուսիսատլանտյան դաշինքը տասնամյակներ շարունակ ռազմական տեխնիկա և զորքեր է տարածում ՌԴ-ի սահմանների մոտակայքում, ՆԱՏՕ-ն չէ, որ պետք է հաշվի ռուսական զորքերի թվաքանակը և դրանց տեղաշարժ Ռուսաստանի ինքնաիշխան տարածքում. նրանք իրենց տանն են: ՏԱՍՍ գործակալության փոխանցմամբ՝ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:Մեկնաբանելով Արևմուտքից հնչող մեղադրանքները Ռուսաստանի դեմ իբրև թե Ուկրաինայի սահմանի մոտակայքում ռուսական զորքերի կուտակման համար՝ դիվանագետը հիշեցրել է, որ տասնամյակներ շարունակ ՆԱՏՕ-ի զորքերը տեղակայվել են ՌԴ-ի սահմանների մոտակայքում:«Այդ ամենը. ռաամական տեխնիկան, զորքերը, զինված ուժերը, դրանք ՆԱՏՕ-ի երկրներն են, այն կազմակերպության, որը մեզ հռչակել է որպես մրցակից, ոչ թե գործընկեր, որպես մի երկիր, որի հետ ոչ թե հավասար մրցակցություն է վարվելու, այլ բոլորովին այլ մեթոդներ»,- ընդգծել է Զախարովան:Բացի այդ, նրա խոսքով՝ դաշինքի անդամները պատժամիջոցային և քաղաքական ճնշում են գործադրում Ռուսաստանի վրա, ինչպես նաև միջամտում են երկրի ինքնիշխան գործերին:«Դուք չէ, որ ներկայացնում եք անգլո-սաքսոնական աշխարհը, պետք է հաշվեք՝ ինչքան բանակ ունենք, որտեղ են գտնվում և ուր են տեղափոխվում մեր զինված ուժերը: Որտեղ նրանք պետք է լինեն, այնտեղ էլ գտնվում են. նրանք իրենց տանն են»,- եզրափակել է Զախարովան:

18:53 - 07 փետրվարի, 2022

Ստոլտենբերգը Թուրքիայի նախագահի հետ քննարկել է Ուկրաինայի շուրջ ստեղծված իրավիճակը |1lurer.am|

1lurer.am: ՆԱՏՕ-ի գլխավոր քարտուղար Յենս Ստոլտենբերգը Թուրքիայի նախագահ Էրդողանի հետ քննարկել է Ուկրաինայի շուրջ ստեղծված իրավիճակը։ Այդ մասին նա երկուշաբթի տեղեկացրել է Twitter-ում: «Նախագահ Էրդողանի հետ քննարկեցինք Ուկրաինայի շուրջ Ռուսաստանի ուժերի կուտակումները: Ես շնորհակալություն հայտնեցի Էրդողանին քաղաքական լուծում գտնելու գործում ակտիվ աջակցության համար: ՆԱՏՕ-ն պատրաստ է երկխոսության»,- գրել է Ստոլտենբերգը: Վերջերս արևմտյան երկրներում, ինչպես նաև Կիևում հայտարարություններ են հնչում Ուկրաինա ռուսական ենթադրյալ ներխուժման մասին։ Ռուսաստանի նախագահի մամուլի քարտուղար Դմիտրի Պեսկովը նման լուրերը դատարկ խոսակցություն և անհիմն լարվածության սրացում է անվանել։ Նա ընդգծել է, որ Ռուսաստանի տարածքում ռուսական զինված ուժերի տեղաշարժը ոչ մեկին չպետք է անհանգստացնի, քանի որ Ռուսաստանի Դաշնությունը վտանգ չի ներկայացնում։ Միաժամանակ Պեսկովը չի բացառել նման հայտարարություններն արդարացնելու համար սադրանքների հնարավորությունը, և զգուշացրել է, որ Ուկրաինայի հարավ-արևելքում ճգնաժամը ուժային ճանապարհով լուծելու փորձերը կունենան ամենալուրջ հետևանքները, գրում է ТАСС-ը։

17:52 - 07 փետրվարի, 2022

Դոնբասում հայտնել են լեհ վարձկանների ժամանման մասին |armenpress.am|

armenpress.am: Դոնբասում շփման գիծի մոտ են տեղափոխել ուկրաինացի ազգայնականների եւ լեհ վարձականների: Այդ մասին հայտարարել է ինքնահռչակ Դոնեցկի ժողովրդական հանրապետության ներկայացուցիչ էդուարդ Բասուրինը: «Ուկրաինական հրամանատարությունը ոչ թե պարզապես ուժեղացնում է իր խմբավորումը ԴԺՀ-ի մերձակայքում, այլեւ գրոհային խմբեր է կազմավորում գաղափարական ուղղվածությամբ ազգայնականներից»,-փետրվարի 7-ին լրագրողներին ասել է Բասուրինը: Նա հավելել է, որ հետախուզությամբ տեղեկություններ են ստացվել «Ուկրաինայի զինված ուժերի այսպես կոչված Միավորված ուժերի գործողության անցկացման գոտի լեհ վարձականների ժամանման մասին»: ԴԺՀ-ի հրամանատարության կարծիքով՝ լեհ վարձականների խնդիրը կարող է լինել ուկրաինացի ուժայինների հետ համատեղ «կետային դիվերսիոն-ահաբեկչական գործողությունների անցկացումը, որոնք ուղղված կլինեն կենսապահովման, սոցիալական ենթակառուցվածքի օբյեկտները շարքից հանելուն եւ տեղի բնակչությանն ահաբեկելուն», հաղորդել է «Ինտերֆաքս»-ը:

13:43 - 07 փետրվարի, 2022

Բայդենը եւս մեկ հեռախոսազրույց է վարել Մակրոնի հետ |armenpress.am|

armenpress.am: ԱՄՆ-ի եւ Ֆրանսիայի նախագահներ Ջո Բայդենը եւ Էմանուել Մակրոնը փետրվարի 6-ին հեռախոսով քննարկել են Ուկրաինայի շուրջ իրադրությունը: Զրույցը կայացել Է Մոսկվա Ֆրանսիայի պետության ղեկավարի այցի նախօրյակին: «Ղեկավարները քննարկել են գործադրվող դիվանագիտական ջանքերը եւ դիմադարձման ջանքներն ի պատասխան Ուկրաինայի հետ սահմանին Ռուսաստանի զինված ուժերի շարունակվող կուտակման, ինչպես նաեւ հավաստել են Ուկրաինայի ինքնիշխանության եւ տարածքային ամբողջականության պաշտպանությունը: Նրանք պայմանավորվել են, որ իրենց անձնախմբերը կպահապանեն կապը եւ կշարունակեն կոնսուլտացիաները մեր դաշինկիցների եւ գործընկերների, այդ թվում Ուկրաինայի հետ»,- ասված Է հաղորդագրության մեջ, որը տարածել Է Սպիտակ տունը: Սա արդեն ԱՄՆ-ի եւ Ֆրանսիայի նախագահների երկրորդ հեռախոսազույցն Է շաբաթվա ընթացքում, նախորդը կայացել Էր փետրվարի 2-ին: Փետրվարի 7-ին նախագահ Վլադիմիր Պուտինը Կրեմլում կընդունի իր ֆրանսիացի պաշտոնակցին: Ինչպես հայտնել Է Ռուսաստանի պետության ղեկավարի մամուլի քարտուղար Դմիտրի Պեսկովը, ղեկավարները, որոնք երեք անգամ հեռախոսով զրուցել են վերջին երկու շաբաթվա ընթացքում, մտադիր են արծարարծել շատ թեմաներ: Փետրվարի 8-ին Ֆրանսիայի նախագահը պլանավորում Է այցելել Ուկրաինա: Ինչպես իր հերթին տեղեկացրել Է Ֆրանսիայի կառավարության պաշտոնական ներկայացուցիչ Գաբիել Ատալը, Մակրոնի այցերը Մոսկվա եւ Կիեւ կդառնան Ուկրաինայի շուրջ իրադրության ապաԷսկալացման՝ Փարիզի ջանքերի շարունակությունը: Վերջին ժամանակներս Արեւմուտքի երկրներում, ինչպես նաեւ Կիեւում հնչում են հայտարարություններ Ուկրաինայի տարածք Ռուսաստանի հնարավոր ներխուժման մասին: Ռուսաստանի նախագահի մամուլի քարտուղարն ավելի վաղ նման տեղեկատվությունը որակել Է լարվածության սին եւ անպատասխանատու բորբոքում: Նա ընդգծել Է, որ Ռուսաստանը ոչ մեկի համար սպառնալիք չի ներկայացնում եւ հիշեցերել Է, որ ռուսական զորքերի բոլոր տեղաշարժերը տեղի են ունենում իր սեփական տարածքում: Ըստ որում նա չի բացառել սադրանքների հնարավորությունն՝ այդ հայտարարությունների արդարացման համար, եւ նախազգուշացրել Է, որ Ուկրաինայի հարավ - արեւելքում ճգնաժամի ուժային լուծման փորձերը կունենան ամենալուրջ հետեւանքները, հաղորդել Է ՏԱՍՍ-ը:

11:14 - 07 փետրվարի, 2022

Զելենսկին Եվրախորհրդի ղեկավարի հետ քննարկել է Ուկրաինայի իրադրությունը |factor.am|

factor.am: Ուկրաինայի նախագահ Վլադիմիր Զելենսկին հայտարարել է, որ Եվրոպական խորհրդի ղեկավար Շարլ Միշելի հետ քննարկել է Ուկրաինայի սահմանների շուրջ ստեղծված իրավիճակը: «Հեռախոսազրույց եմ ունեցել Շառլ Միշելի հետ։ Քննարկել ենք Ուկրաինայի շուրջ ստեղծված իրավիճակը և առկա բոլոր ձևաչափերի շրջանակներում դրա ապաէսկալացիան։ Դիվանագիտական ջանքեր ենք գործադրում խաղաղությունը վերականգնելու համար։ Շարունակում ենք գործնականում համագործակցել բոլոր ուղղություններով։ Շնորհակալ եմ Եվրամիությանը Ուկրաինային մշտապես աջակցելու համար»,- գրել է Զելենսկին Twitter-ի իր էջում։

18:50 - 05 փետրվարի, 2022

Լիլիթ Մակունցը հեռախոսազրույց է ունեցել ԱՄՆ պաշտպանության քարտուղարի տեղակալ Լորա Քուփերի հետ

ԱՄՆ-ում ՀՀ դեսպան Լիլիթ Մակունցը փետրվարի 4-ին հեռախոսազրույց է ունեցել ԱՄՆ պաշտպանության քարտուղարի՝ Ռուսաստանի, Ուկրաինայի ու Եվրասիական հարցերով տեղակալ Լորա Քուփերի հետ: ԱՄՆ-ում ՀՀ դեսպանությունը տեղեկացնում է, որ կողմերն անդրադարձել են ռազմավարական երկխոսության շրջանակներում երկկողմ պաշտպանական հարցերին և համաձայնություն են ձեռք բերել երկկողմ հարաբերությունների հետագա զարգացման ուղիների շուրջ:

12:05 - 05 փետրվարի, 2022

Պետքարտուղարությունը հրաժարվել է ապացույցներ տրամադրել Ուկրաինայի մասին Ռուսաստանի ենթադրյալ կեղծ տեսահոլովակի վերաբերյալ |1lurer.am|

1lurer.am: ԱՄՆ պետքարտուղարության խոսնակ Նեդ Փրայսը հրաժարվել է ապացույցներ տրամադրել կամ որևէ այլ տեղեկություն հրապարակել Ռուսաստանի ենթադրյալ կեղծ տեսահոլովակի մասին, որը Մոսկվան իբր պետք է օգտագործի որպես Ուկրաինա «ներխուժման» պատրվակ։ Այդ մասին հայտնում է ТАСС-ը: «Կեղծիքի մասին տեղեկատվությունը ներկայացրել է հետախուզությունը, և ես չեմ բացահայտի, թե կոնկրետ ինչ կա մեր տրամադրության տակ»,- ասել է Փրայսը` պատասխանելով լրագրողի խնդրանքին` բացատրել, թե ինչի վրա են հիմնված նման պնդումները: ԱՄՆ պետքարտուղարության խոսնակն Ուկրաինայի վրա հարձակման կեղծ տեսագրության մասին ապացույցներ պահանջող լրագրողներին առաջարկել է պարզապես հավատալ ԱՄՆ կառավարության խոսքին։ Այդ մասին հայտնում է РИА Новости-ն։

19:09 - 04 փետրվարի, 2022

Էրդողանը հայտնել է, որ Զելենսկին համաձայն է Պուտինի հետ հանդիպել Թուրքիայում |armenpress.am|

armenpress.am: Թուրքիայի նախագահ Ռեջեփ Թայիփ Էրդողանը փետրվարի 4-ին Ուկրաինա կատարած այցից վերադառնալիս խոսել է լրագրողների հետ և հայտնել, որ Ուկրաինայի նախագահ Վլադիմիր Զելենսկին համաձայն է ՌԴ նախագահ Վլադիմիր Պուտինի հետ հանդիպել Թուրքիայում։ Այս մասին հայտնում է թուրքական CNN TÜRK-ը։ «Այս անգամ պետք է շատ հստակ ասեմ։ Եթե ուշադրություն դարձնեք այս գործընթացին (Ռուսաստանի Դաշնության և Ուկրաինայի միջև լարվածությանը - խմբ.), ապա, ցավոք, Արևմուտքը դեռ ոչինչ չի արել այս հարցը լուծելու համար։ Ես շատ եմ կարևորում պարոն Պուտինի հետ հանդիպումը այս հարցի շուրջ, քանի որ Զելենսկու հետ հանդիպմանը տեսա, որ մենք արդեն ունենք պայմանավորվածություն այս հարցերի շուրջ։ Այս պահին Եվրոպայում լուրջ խնդիր կա այս հարցի լուծման առումով»,- ասել է Էրդողանը։ Էրդողանը հայտարարել է, որ համաձայնության է եկել Զելենսկու հետ Պուտինի և նրա հանդիպումը կազմակերպելու շուրջ։

16:20 - 04 փետրվարի, 2022

Ուկրաինան, ԵՄ-ն և ՆԱՏՕ-ն գործարկել են նոր ձևաչափ անվտանգության հարցերը քննարկելու համար |armenpress.am|

armenpress.am: Ուկրաինան, Եվրամիությունը և ՆԱՏՕ-ն անվտանգության հարցերը քննարկելու նոր ձևաչափ են գործարկել: Ինչպես հայտնում է «ՌԻԱ- Նովոստի»-ն, այս մասին փետրվարի 3-ին ասել է Եվրամիությունում Ուկրաինայի ներկայացուցիչ Վսևոլոդ Չենցովը։ «Փետրվարի 3-ին գործարկվել է անվտանգության հարցերի քննարկման նոր ձևաչափ՝ Ուկրաինա-ԵՄ-ՆԱՏՕ։ Արտաքին սպառնալիքները շարունակում են միավորել Ուկրաինայի միջազգային գործընկերներին, ովքեր պատրաստ են էլ ավելի ամրապնդել Ուկրաինայի ինստիտուցիոնալ կարողությունները՝ արդյունավետորեն դիմակայելու անվտանգության մարտահրավերներին և ռուսական ագրեսիային»,- գրել է Չենցովը Twitter-ի իր միկրոբլոգում։

22:14 - 03 փետրվարի, 2022

Ուկրաինայում կընդլայնվի թուրքական «Բայրաքթար» ԱԹՍ-ների արտադրությունը |armenpress.am|

armenpress.am: Ուկրաինան եւ Թուրքիան համաձայնագիր են ստորագրել, որով կընդլայնվի Ուկրաինայում թուրքական «Բայրաքթար» անօդաչու թռչող սարքերի արտադրությունը: Ինչպես տեղեկացնում է «ՌԻԱ Նովոստի»-ին, այս մասին հայտարարել է Ուկրաինայի նախագահ Վլադիմիր Զելենսկին: «Այսօր համաձայնագիր է ստորագրվել, որն էապես կընդլայնի Ուկրաինայում «Բայրաքթար» ընկերության անօդաչու թռչող սարքերի արտադրությունը։ Դրանք նոր տեխնոլոգիաներ են, դրանք նոր աշխատատեղեր են, Ուկրաինայի պաշտպանունակության ավելացում», - ասել է Զելենսկին Թուրքիայի նախագահ Թայիփ Էրդողանի հետ բանակցություններից հետո: Ավելի վաղ, Ուկրաինայի պաշտպանության նախարար Ալեքսեյ Ռեզնիկովը հայտարարել էր, որ Ուկրաինան եւ Թուրքիան համաձայնագիր կստորագրեն երկրում անօդաչու թռչող սարքերի արտադրության գործարան կառուցելու վերաբերյալ:

20:03 - 03 փետրվարի, 2022

Թուրքիայի նախագահը ժամանել է Ուկրաինա |azatutyun.am|

azatutyun.am: Թուրքիայի նախագահ Ռեջեփ Էրդողանը պաշտոնական այցով ժամանել է Կիև, որտեղ նախատեսված է հանդիպում Ուկրաինայի նախագահ Վլադիմիր Զելենսկու հետ։ Առանձնազրույցից բացի, նախագահները գլխավորելու են երկու երկրների ռազմավարական համագործակցության խորհրդի նիստը, որին մասնակցելու են թուրք և ուկրաինացի նախարարներ ու բարձրաստիճան այլ պաշտոնյաներ։

15:54 - 03 փետրվարի, 2022

Ուկրաինան պատրաստվում է նոր անօդաչուներ գնել Թուրքիայից |hetq.am|

hetq.am: Ուկրաինան մտադիր է Թուրքիայից նոր անօդաչու թռչող սարքեր ձեռքբերել։ Այդ մասին, TACC-ի փոխանցմամբ, Bloomberg գործակալությանը տված հարցազրույցում հայտարարել է Թուրքիայի նախագահի աշխատակազմի հասարակայնության հետ կապերի վարչության պետ Ֆահրեթին Ալթունը։ «Նախորդ տարի Ուկրաինայի և Թուրքիայի միջև առևտրի ծավալն աճել է 59 %-ով՝ հասնելով 7,1 միլիարդ դոլարի։ Պաշտպանական արդյունաբերությունն այն ոլորտներից է, որտեղ փոխհարաբերություններում առաջընթաց է գրանցվել։ Այսօրվա դրությամբ, Ուկրաինան ձեռք է բերել 12 թուրքական անօդաչու և Գլխավոր շտաբի պետի մակարդակով հայտնել նոր ապարատների ձեռքբերման մտադրության մասին»,- նշել է թուրք պաշտոնյան։ Թուրքիան հունվարին կնքել է Baykar Makina ընկերության Bayraktar Akinci անօդաչու թռչող սարքավորումների արտահանման առաջին պայմանագիրը, որի շարժիչները, ինչպես ավելի վաղ հայտարարել էին Կիևում, կմատակարարի Ուկրաինան։ Սակայն մինչ այս պահը չի նշվում, թե որ երկրի հետ է կնքվել այդ պայմանագիրը։ 2021 թվականի նոյեմբերի 12-ին Ուկրաինայի ԱԳ նախարար Դմիտրի Կուլեբան հայտնել էր, որ երկրի պետական երկու ընկերություններ՝ «Ивченко-прогресс»-ը և «Мотор сич»-ը պայմանագրեր էին ստորագրելու թուրքական անօդաչուների շարժիչներ մատակարարելու համար։

15:52 - 03 փետրվարի, 2022

Մինսկի համաձայնությունների կատարման անհրաժեշտության մասին Փրայսի հայտարարությունը դրական ազդակ է. ԱՄՆ-ում ՌԴ դեսպանություն |1lurer.am|

1lurer.am: Դրական ազդակ ենք համարում պետքարտուղարության ներկայացուցիչ Նեդ Փրայսի հայտարարությունը Մինսկի համաձայնությունների լիակատար իրականացման անհրաժեշտության մասին: Այդ մասին նշված է ԱՄՆ-ում Ռուսաստանի դեսպանության Facebook-ի պաշտոնական էջում: Միևնույն ժամանակ, դեսպանությունն ընդգծել է, որ ձեռք բերված պայմանավորվածությունները խափանելու համար փորձում են մեղադրել Մոսկվային: «Հերթական անգամ հիշեցնում ենք, որ Ռուսաստանը հակամարտության կողմ չէ։ Ուստի գլխավոր խնդիրն է՝ ստիպել Ուկրաինայի իշխանություններին՝ կատարել իրենց պարտավորությունները։ Կիևի հետ աշխատանքում Վաշինգտոնից ակնկալում ենք հստակ գործողություններ»,- ասված է դեսպանատան էջում։ Նշվում է նաև, որ ամերիկյան զենքի մատակարարումները Կիևին դրդում են խնդրի ռազմական լուծման։ Ավելի վաղ հերթական ճեպազրույցի ժամանակ ԱՄՆ պետքարտուղարության խոսնակ Նեդ Փրայսը կոչ էր արել կատարել Մինսկի պայմանավորվածությունները։

14:09 - 03 փետրվարի, 2022

Թուրքիան աջակցում է Ուկրաինայի տարածքային ամբողջականությանն ու չի ճանաչում Ղրիմի անօրինական անեքսիան. Թուրքիայի ԱԳՆ |tert.am|

tert.am: Թուրքիան հաստատում է հավատարմությունն Ուկրաինայի հետ հարաբերությունների հետագա զարգացման հարցում: ՏԱՍՍ գործակալության փոխանցմամբ՝ այս երկրի ԱԳՆ-ն հայտարարել է հինգշաբթի՝ Անկարայի և Կիևի միջև դիվանագիտական հարաբերությունների հաստատման 30-ամյակի առթիվ: «Թուրքիան աջակցում է Ուկրաինայի տարածքային ամբողջականությանն ու ինքնիշխանությանը, չի ճանաչում Ղրիմի անօրինական անեքսիան և կողմ է հանդես գալիս Դոնբասում իրավիճակի խաղաղ կարգավորմանը՝ միջազգային իրավունքի համաձայն: Փոխադարձ քայլերը, որոնք ձեռնարկվելու են Ռազմավարական խորհրդի 10-րդ նիստի ընթացքում, նպաստելու են մեր երկկողմ համագործակցության խորացմանն ու ընդլայնմանը»,- ասվում է գերատեսչության հայտարարության մեջ:

11:56 - 03 փետրվարի, 2022