ՆԱՏՕ

Հյուսիսատլանտյան դաշինքի կազմակերպությունը Հյուսիսատլանտյան պայմանագիրը ստորագրած անդամ-երկրների ստեղծած ռազմաքաղաքական կազմակերպությունն է, որը նպատակ է հետապնդում հավաքական անվտանգության և պաշտպանություն պարտականությունների իրականացումը։ Հիմնադրվել է 1949 թ․ ապրիլի 4-ին։ Հաճախ անվանում են ՆԱՏՕ՝ անգլերեն բառերի հապավումից։

ՆԱՏՕ-ին անդամակցում են 29 երկիր, որոնցից 27-ը եվրոպական են, երկուսը՝ հյուսիս-ամերիկյան: Հյուսիսատլանտյան դաշինքի որոշում կայացնող գլխավոր մարմինը Հյուսիսատլանտյան դաշինքի խորհուրդն է, իսկ միջազգային բարձրագույն պաշտոնյան՝ ՆԱՏՕ-ի գլխավոր քարտուղարը։

Վրաստանի զինված ուժերը և ՆԱՏՕ-ի անդամ մի քանի երկրներ Թբիլիսիի մատույցներում զորավարժություններ են սկսել |hetq.am|

Վրաստանի զինված ուժերը և ՆԱՏՕ-ի անդամ մի քանի երկրներ Թբիլիսիի մատույցներում զորավարժություններ են սկսել |hetq.am|

hetq.am: Վրաստանի զինված ուժերը և ՆԱՏՕ-ի անդամ մի քանի երկրներ սեպտեմբերի 7-ից Թբիլիսիի մատույցներում սկսել են զորավարժություններ։ «Ազնիվ գործընկեր» անվանումը կրող զորավարժություններին, որն անց է կացվում «Վազիանի» ռազմաբազայում և «Նորիո» ուսումնական ճամբարում, մասնակցում են Վրաստանի, ԱՄՆ-ի, Ֆրանսիայի, Մեծ Բրիտանիայի և Լեհաստանի մոտ 2800 զինծառայողներ։ Զորավարժությունները կձգվեն մինչև սեպտեմբերի 18-ը։ Վրաստանի վարչապետ Գեորգի Գախարիան զորավարժություններն անվանել է «երկրում խաղաղության երաշխիք»։ Բացման արարողության ժամանակ նա ընդգծել է, որ զորավարժություններն ուղղված չեն ոչ մեկի դեմ։ Հյուսիսատլանտյան դաշինքը դեռ 2008 թվականին հայտարարել էր, որ Վրաստանը շուտով կդառնա ՆԱՏՕ-ի անդամ։ Սակայն անդամակցության ֆորմալ գործընթացը դեռևս չի սկսվել։ Վրաստանի վարչապետ Գախարիայի խոսքերով՝ զորավարժությունները համարվում են Վրաստանի՝ ՆԱՏՕ-ին անդամակցության ջանքերի կարևորագույն մաս։ Ավելի վաղ Հայաստանը կորոնավիրուսի համավարակի պատճառով հրաժարվել էր մասնակցել ՆԱՏՕ-ի՝ Վրաստանում կայանալիք զորավարժություններին։

10:01 - 08 սեպտեմբերի, 2020

Ռուսաստանը ՆԱՏՕ-ի հետախուզության ակտիվացում է արձանագրել. Շոյգու
|tert.am|

Ռուսաստանը ՆԱՏՕ-ի հետախուզության ակտիվացում է արձանագրել. Շոյգու |tert.am|

tert.am: Վերջերս 30 տոկոսով մեծացել է Ռուսաստանի սահմանների մոտ ՆԱՏՕ-ի ավիացիայի թռիչքների քանակը: Ինչպես փոխանցում է Lenta.ru-ն, Հյուսիսատլանտյան դաշինքի հետախուզության ակտիվացումն արձանագրել է ՌԴ պաշտպանության նախարար Սերգեյ Շոյգուն: Նրա խոսքով՝ վերջին շրջանում ՆԱՏՕ-ի ինքնաթիռները սկսել են ուսումնամարզական թռիչքներ իրականացնել՝ Ռուսաստանի տարածքի ուղղությամբ ավիահարվածների նմանակմամբ: Ռազմական գերատեսչության ղեկավարն ընդգծել է, որ օգոստոսի 23-ից սեպտեմբերի 2-ը ռուսական ինքնաթիռներն առնվազն 10 անգամ օդ են բարձրացել Բալթիկ, Բարենցի և Սև ծովերի երկնքում հետախույզ օդանավերը որսալու համար:

20:43 - 06 սեպտեմբերի, 2020

Թուրքիայի պաշտպանության նախարարը հայտարարում է` Արևելյան Միջերկրականում Անկարան զիջումների չի գնա |azatutyun.am|

Թուրքիայի պաշտպանության նախարարը հայտարարում է` Արևելյան Միջերկրականում Անկարան զիջումների չի գնա |azatutyun.am|

azatutyun.am: Թուրքիայի պաշտպանության նախարար Հուլուսի Աքարն ասել է, թե ողջունում է Թուրքիայի և Հունաստանի միջև «տեխնիկական բանակցությունների» ՆԱՏՕ-ի նախաձեռնությունը՝ ուղղված Միջերկրականի արևելքում առաջացած տարաձայնությունների հարթեցմանը, բայց միաժամանակ հայտարարել է, թե Անկարան կպաշտպանի «իր շահերն ու իրավունքները»։ Միջերկրականում լարվածություն է առաջացել մեկ ամիս առաջ, երբ Թուրքիան սեյսմիկ հետազոտությունների նավ ուղարկեց էներգակիրների պաշարներով հարուստ Միջերկրականի արևելյան շրջան, որի պատկանելիությունը վեճի առարկա է Թուրքիայի և Հունաստանի միջև։

19:34 - 05 սեպտեմբերի, 2020

ՆԱՏՕ-ն հատուկ ժողով է գումարում Նավալնիի թունավորման հարցով |azatutyun.am|

ՆԱՏՕ-ն հատուկ ժողով է գումարում Նավալնիի թունավորման հարցով |azatutyun.am|

azatutyun.am: ՆԱՏՕ-ի անդամ երկրների պաշտպանության նախարարներն այսօր քննարկելու են Ալեքսեյ Նավալնիի թունավորման հարցը: Ընդդիմադիր գործչին թունավորել են մարտական նշանակության քիմիական նյութով, որի բաղադրիչներից մեկը «Նովիչոկն» է: Նավալնիի առողջական վիճակը կտրուկ վատթարացել է օգոստոսի 20-ին օդանավում, նրան տեղափոխել են Օմսկի հիվանդանոց, որտեղից էլ երկու օր անց հատուկ օդանավով փոխադրել են Բեռլինի «Շարիտե» հիվանդանոց: Գերմանացի մասնագետները հայտնել են, որ Նավալնիի արյան մեջ հայտնաբերել են «Նովիչոկին» նման նյութի հետքեր: Նավալնին գտնվում է արհեստական կոմայի մեջ: Բժիշկները դեռևս խուսափում են ասել, թե ինչ հետևանքներ կարող է ունենալ թունավորումը Նավալնիի առողջության համար: Արևմուտքը Ռուսաստանից պահանջում է անհապաղ անցկացնել հետաքննություն և պարզաբանումներ ներկայացնել ընդդիմադիր գործչին թունավորելու հանգամանքների վերաբերյալ: Մոսկվան հերքում է թունավորման հետ առնչություն ունենալու մեղադրանքը և պնդում է, թե ըստ ռուսաստանցի բժիշկների, Նավալնիի օրգանիզմում քիմիական զենքի տարրեր չեն հայտնաբերվել: Գերմանիան ակնկալում է, որ Եվրոպական միությունը և ՆԱՏՕ-ն համատեղ կարձագանքեն այդ դեպքին, որը կանցլեր Անգելա Մերկելը որակել է որպես «ընդդիմադիր գործչին միտումնավոր սպանելու փորձ»:

15:17 - 04 սեպտեմբերի, 2020

Թուրքիան և Հունաստանը կքննարկեն լարվածության թուլացման մեխանիզմները |ermenihaber.am|

Թուրքիան և Հունաստանը կքննարկեն լարվածության թուլացման մեխանիզմները |ermenihaber.am|

ermenihaber.am: ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Թուրքիան և Հունաստանը համաձայնության են եկել բախումների կանխարգելման նպատակով տեխնիկական քննարկումներ կազմակերպելու վերաբերյալ։«Թուրք և հույն առաջնորդների հետ տեղի ունեցած քննարկումներից հետո երկու դաշնակից երկրներն Արևելյան Միջերկրականում ռազմական բախումների կանխարգելման մեխանիզմներ ստեղծելու և վթարային միջադեպերի ռիսկերը նվազեցնելու նպատակով համաձայնության են եկել՝ ՆԱՏՕ-ի շրջանակներում տեխնիկական քննարկումներ անցկացնելու շուրջ», - ասված է Ստոլտենբերգի հրապարակած գրավոր հայտարարության մեջ։Ստոլտենբերգը Թուրքիային և Հունաստանին անվանել է «երկու կարևոր դաշնակից»՝ ընդգծելով, որ ՆԱՏՕ-ն ամենահարմար բանակցությունների հարթակն է ընդհանուր անվտանգության խնդիրների քննարկման համար։Ստոլտենբերգը նշել է նաև, որ ՆԱՏՕ-ն շարունակելու է մշտապես ակտիվ կապ պահպանել դաշնակից երկրների հետ՝ լարվածության կանխարգելման համար լավագույն լուծում գտնելու նպատակով։

13:31 - 04 սեպտեմբերի, 2020

ՆԱՏՕ-ի գլխավոր քարտուղարը պահանջել է «թափանցիկ հետաքննություն» իրականացնել Նավալնիի հետ կապված իրավիճակը պարզելու համար |tert.am|

ՆԱՏՕ-ի գլխավոր քարտուղարը պահանջել է «թափանցիկ հետաքննություն» իրականացնել Նավալնիի հետ կապված իրավիճակը պարզելու համար |tert.am|

tert.am: ՆԱՏՕ-ի գլխավոր քարտուղար Յենս Ստոլտենբերգը դատապարտել է «մարտական թունավոր նյութի կիրառումը» Ալեքսեյ Նավալնիի հետ կապված իրավիճակում և Ռուսաստանից պահանջել է «լիարժեք, թափանցիկ հետաքննություն իրականացնել»: Ինչպես փոխանցում է ТАСС գործակալությունը, այս մասին Ստոլտենբերգը գրել է թվիթերյան էջում: «Գերմանիան հայտարարել է, որ Ալեքսեյ Նավալնիին «Նովիչոկ» նյութի կիրառմամբ հարձակման զոհ է դարձել: Կտրականապես դատապարտում եմ մարտական թունավոր նյութի կիրառումը, ինչն էլ ավելի անհետաձգելի է դարձնում Ռուսաստանի կողմից լիարժեք և թափանցիկ հետաքննության վարումը»,- գրել է դաշինքի գլխավոր քարտուղարը:

09:14 - 03 սեպտեմբերի, 2020

ՀՀ-ն դատապարտում է Թուրքիայի կողմից ՆԱՏՕ-ի խաղաղապահների գործունեության խոչընդոտումը |armenpress.am|

ՀՀ-ն դատապարտում է Թուրքիայի կողմից ՆԱՏՕ-ի խաղաղապահների գործունեության խոչընդոտումը |armenpress.am|

armenpress.am: ՀՀ արտաքին գործերի նախարարությունը դատապարտելի է համարում Թուրքիայի այն քայլը, որով վերջինս արգելել է գերմանական օդանավին թռչել իր օդային տարածքով և տանել հայ խաղաղապահներին: Այս մասին սեպտեմբերի 2-ին հրավիրված մամուլի ասուլիսի ընթացքում ՀՀ արտաքին գործերի նախարարի մամուլի խոսնակ Աննա Նաղդալյանն ասաց. «Դատապարտելի է, որ Թուրքիան արդեն իսկ խոչընդոտում է ՆԱՏՕ-ի և ՄԱԿ-ի շրջանակներում խաղաղապահների գործողությունները՝ ելնելով պարզապես իր հակահայկական դիրքերից: Մենք այս հարցի մասին նաև բարձրաձայնել ենք մեր միջազգային գործընկերների մոտ՝ դիվանագիտական խողովակներով»։

14:51 - 02 սեպտեմբերի, 2020

ՆԱՏՕ-ի զինվորականները սկսել են ժամանել Վրաստան՝ մասնակցելու բազմազգ զորավարժություններին |azatutyun.am|

ՆԱՏՕ-ի զինվորականները սկսել են ժամանել Վրաստան՝ մասնակցելու բազմազգ զորավարժություններին |azatutyun.am|

azatutyun.am: Հյուսիսատլանտյան դաշինքի և գործընկեր պետությունների զինծառայողները սկսել են ժամանել Վրաստան՝ հինգ օրից Վազիանիի ռազմաբազայում մեկնարկող «Արժանի գործընկեր - 2020» բազմազգ զորավարժությունների մասնակցելու նպատակով։ Առաջինը Վրաստան են ժամանել Միացյալ Նահանգների Զինված ուժերի 173-րդ ավիադեսանտային բրիգադի զինծառայողները։ Նախօրեին ամերիկացի և վրաց զինվորականների մասնակցել են երկկողմ զորախաղերին, որոնց ընթացքում հիմնական ուշադրության են արժանացել համատեղ դեսանտային գործողությունները։ «Այսօրվա վարժանքները մեր զինծառայողների համար յուրահատուկ մի հնարավորություն են՝ նախևառաջ երկու երկրների զինված ուժերի գործողությունների համադրելիության մակարդակը բարձրացնելու տեսանկյունից։ Բացի այդ, այս զորավարժությունները ևս մեկ անգամ գալիս են վկայելու, որ Միացյալ Նահանգներն ու ՆԱՏՕ-ի անդամ մյուս պետությունները մեր կողքին են և իրենց աջակցությունն են հայտնում Վրաստանի՝ դաշինքին անդամակցելու ցանկությանը», - հայտարարում էր Վրաստանի պաշտպանության նախարար Իրակլի Ղարիբաշվիլին։ Հյուսիսատլանտյան դաշինքի հովանու ներքո կազմակերպվող «Արժանի գործընկեր» զորավարժությունները Վրաստանում անցկացվում են արդեն հինգերորդ անգամ։ Այս տարի դրանք մեկնարկելու են սեպտեմբերի 7-ին՝ շարունակվելով ավելի քան տասն օր՝ մինչև սեպտեմբերի 18-ը։ Ամերիկացիներից բացի, վրացական բանակի հետ համատեղ այս զորավարժություններին մասնակցելու են նաև Մեծ Բրիտանիայի, Ֆրանսիայի, Լեհաստանի և Ուկրաինայի զինված ուժերի ստորաբաժանումները՝ ընդհանուր առմամբ 2 հազար 700 զինվորական։

13:55 - 02 սեպտեմբերի, 2020

ՆԱՏՕ-ն կոչով դիմել է Հունաստանին և Թուրքիային |ermenihaber.am|

ՆԱՏՕ-ն կոչով դիմել է Հունաստանին և Թուրքիային |ermenihaber.am|

ermenihaber.am: Եվրոպական միության երկրների պաշտպանության նախարարների ժողովին մասնակցելու նպատակով Գերմանիայի մայրաքաղաք Բեռլինում գտնվող ՆԱՏՕ-ի գլխավոր քարտուղար Յենս Ստոլտենբերգը կոչով դիմել է Հունաստանին և Թուրքիային։ Ստոլտենբերգը մասնավորապես շեշտել է, որ Միջերկրական ծովի արևելյան հատվածում Հունաստանի և Թուրքիա միջև ստեղծված լարվածությունը պետք է հանգուցալուծվի դաշնակցային հարաբերությունների ոգուն և միջազգային իրավունքի սկզբունքներին համահունչ։ Դրա համար, ըստ ՆԱՏՕ-ի գլխավոր քարտուղարի, անհրաժեշտ է երկխոսություն սկսել և լարվածության թուլացմանն ուղղված քայլեր ձեռնարկել։ Ողջունելով Գերմանիայի կառավարության կողմից ստանձնած միջնորդական առաքելության դերը՝ Յենս Ստոլտենբերն ընդգծել է, որ ինքն էլ մշտական կապի մեջ է Աթենքի և Անկարայի իշխանությունների հետ։

13:47 - 27 օգոստոսի, 2020

ԱՄՆ-ը մտադիր Է միջին եւ փոքր հեռահարության հրթիռներ ստեղծել |armenpress.am|

ԱՄՆ-ը մտադիր Է միջին եւ փոքր հեռահարության հրթիռներ ստեղծել |armenpress.am|

armenpress.am: Միացյալ Նահանգները մտադիր Է ստեղծել միջին եւ փոքր հեռահարության հրթիռներ: Այդ մասին հայտարարել Է ԱՄՆ-ի պետքարտուղար Մայքլ Փոմպեոն կառավարող Հանրապետական կուսակցության համազգային համագումարի մասնակիցների առջեւ ունեցած իր ճառում: Ելույթը հեռարձակվել Է տեսագրությամբ օգոստոսի 25-ի երեկոյան: Այն տեսագրվել Է Երուսաղեմում, որտեղ ԱՄՆ-ի արտաքին քաղաքական գերատեսչության ղեկավարը գտնվել Է օգոստոսի 24-ին մերձավորարեւելյան շրջագայության շրջանակում: «Այսօր նախագահ Թրամփի շնորհիվ ՆԱՏՕ-ն դարձել Է ավելի ուժեղ, Ուկրաինան զենքի պաշտպանական համակարգեր ունի, իսկ Ամերիկան հրաժարվել Է վնասակար պայմանագրից, որպեսզի մեր երկիրը կարողանա հրթիռներ կառուցել՝ ռուսական ագրեսիան զսպելու համար»,- հայտարարել Է Փոմպեոն՝ նկատի ունենալով միջին եւ փոքր հեռահարության հրթիռների վերացման ռուս-ամերիկյան պայմանագիրը, որից ԱՄՆ-ը դուրս եկավ անցած տարվա օգոստոսին: Բացի դրանից, ամերիկյան դիվանագիտության ղեկավարը քննադատության տարափ Է թափել Չինաստանի հասցեին: Ըստ որում Փոմպեոն կրկին մեղադրել Է Պեկինի խշխանություններին, որ նրանք իբր համապատասխան միջոցներ չեն ձեռնարկել նոր կորոնավիրուսի տարածումը կանխելու համար: Մինչդեռ, ԱՄՆ-ի նախագահի հանրապետականների թեկնածու Դոնալդ Թրնափը վճականորեն պաշտպանում Է ամերիկյան շաերը ՉԺՀ-ի հետ հարաբերություններում, համոզված Է Փոմպեոն: ԱՄՆ-ի վարչակազմը, հիշեցրել Է պետքարտուղարը, վերանայել Է Վաշինգտոնի համար «ծիծաղելիորեն անարդարացի» առեւտրական համաձայնությունները Պեկինի հետ, որոնք նախկինում «ճեղքվածք Էին առաջացնում» ամերիկյան տնտեսությունում: Փոմպեոյի տեսակետով՝ Թրամփը, 2017 թվականի հունվարին դառնալով ԱՄՆ-ի վարչակազմի ղեկավար եւ որը ձգտում Է հասնելու վերընտրման, իրականացրել Է «հանդուգն նախաձեռնությռւուններ գործնականում աշխարհի բոլոր մասերում»: «Ամերիկան պաշտպանված Է ավելի լավ, քանի որ նախագահ Թրամփը կենագործեց իր «Ամերիկան առաջին տեղում» հայեցակարգը: Դա Էլ, հնարավոր Է, նրան չդարձրեց ամենից շատ ժողովրդականություն վայելող (մարդը) այլ երկրի ցանկացած մայրաքաղաքում: Սակայն դա գործեց (ի շահ ամերիկացիների)»,- կարծում Է Փոմպեոն: ԱՄՆ-ում հերթական նախագահական ընտրությոնները տեղի կունենան նոյեմբերի 3-ին: Ընտրություններում Թրամփի մրցակիցը կլինի դեմոկրատ Ջոզեֆ Բայդենը, հաղորդել Է ՏԱՍՍ-ը:

13:47 - 26 օգոստոսի, 2020

Լուկաշենկոն բանակը բերել է լրիվ մարտական պատրաստվածության վիճակի |azatutyun.am|

Լուկաշենկոն բանակը բերել է լրիվ մարտական պատրաստվածության վիճակի |azatutyun.am|

azatutyun.am: 25 տարվա ընթացքում առաջին անգամ Բելառուսի նախագահ Ալեքսանդր Լուկաշենկոն բանակը բերել է լրիվ մարտական պատրաստվածության վիճակի: Այս մասին հայտնում է բելառուսական պաշտոնական աղբյուրը: Նախօրեին Բելառուսի առաջնորդը, այցելելով զինված ուժերի ստորաբաժանումներից մեկը, հայտարարել է, թե Բելառուսում կիրառվում է գունավոր հեղափոխությունների սցենարը։ «Մենք տեսնում ենք ՆԱՏՕ-ի զորքերի լուրջ տեղաշարժ մեր սահմանների անմիջական հարևանությամբ՝ Լեհաստանի և Լիտվայի տարածքում»,- «ԲելՏԱ» լրատվական գործակալության փոխանցմամբ, շաբաթ օրը Գրոդնո քաղաքում ուժայինների հետ հանդիպմանն ասել է Լուկաշենկոն, ում հրաժարականի պահանջով երկրում արդեն երկու շաբաթ է` բողոքի ցույցերը, գործադուլները շարունակվում են: Հյուսիսատլանտյան դաշինքը կտրականապես հերքում է Լուկաշենկոյի պնդումները` դրանք որակելով անհիմն: «Ինչպես նախկինում մենք արդեն հասկացնել ենք տվել, ՆԱՏՕ-ն որևէ սպառնալիք չի ներկայացնում Բելառուսի կամ մեկ այլ երկրի համար»,- հայտարարել է դաշինքի մամլո խոսնակ Օանա Լունգեսկուն:

11:15 - 23 օգոստոսի, 2020

ՆԱՏՕ-ի զորքերը մոտեցել են Բելառուսի սահմաններին. Լուկաշենկո |tert.am|

ՆԱՏՕ-ի զորքերը մոտեցել են Բելառուսի սահմաններին. Լուկաշենկո |tert.am|

tert.am: Բելառուսի նախագահ Ալեքսանդր Լուկաշենկոն Գրոդնոյի մարզային խորհրդի պատգամավորների հետ հանդիպման ժամանակ հայտարարել է, որ ՆԱՏՕ-ն իր զորքերը մոտեցնում է հանրապետության սահմանին: Ինչպես փոխանցում է РИА Новости-ն՝ Լուկաշենկոյի խոսքով՝ հակառակորդները փորձում են «կոտրել» և «վախեցնել» ներսից, ինչպես նաև բացեիբաց սպառնում են «սահմանի այն կողմից»: «Դուք երևի շատ լավ լսում եք այդ սպառնալիքներն արևմտյան քաղաքական գործիչների շուրթերից: Եթե բոլորը սկսում են նույն ուղղությամբ փչել և բացեիբաց հայտարարում են ֆինանսական միջոցներ հատկացնելու մասին, դա հենց այնպես չէ, դիվանագիտության մեջ այդպես չի լինում»,- ասել է Լուկաշենկոն: Երկրի ղեկավարը նշել է, որ F-16 ինքնաթիռներն արդեն գտնվում են 15-20 րոպե թռիչքի հեռավորությամբ:

21:53 - 22 օգոստոսի, 2020

Լուկաշենկոն հայտարարել է, որ իրեն պետք չէ վախեցնել ԱՄՆ-ով և ՆԱՏՕ-ով |tert.am|

Լուկաշենկոն հայտարարել է, որ իրեն պետք չէ վախեցնել ԱՄՆ-ով և ՆԱՏՕ-ով |tert.am|

tert.am: Բելառուսի նախագահ Ալեքսանդր Լուկաշենկոն հայտարարել է, որ Բելառուսում ձերբակալված ՌԴ քաղաքացիների հարցում իրեն պետք չէ վախեցնել ԱՄՆ-ով և ՆԱՏՕ-ով` ավելացնելով, որ «նրանք չեն նրանց այստեղ ուղարկել»: Այս մասին տեղեկացնում է sputnik.by կայքը: «Մենք կլուծենք այդ հարցը: Ոչ մի քաղաքականացում պետք է չլինի»,-հայտարարել է Լուկաշենկոն ընտրությունների ընթացքում անվտանգության ապահովմանը նվիրված նիստի ժամանակ: Նրա խոսքով` «մեզ պետք չեն ո՛չ քաղաքական, ո՛չ տնտեսական ներկայացումներ»: «Եվ հետևանքներով մեզ վախեցնել նույնպես պետք չէ: Մենք գիտենք բոլոր հետևանքների մասին: Պետք չէ մեզ վախեցնել ամերիկացիներով և ՆԱՏՕ-ականներով: Ո՛չ ամերիկացիները, ո՛չ էլ ՆԱՏՕ-ականներն են այստեղ 33 մարդ ուղարկել»,-հայտարարել է Լուկաշենկոն: Հիշեցնենք, որ լույս հուլիսի 29-ին Բելառուսի իրավապահ մարմինների աշխատակիցները ձերբակալել են արտասահմանյան մասնավոր ռազմական կազմակերպության 33 զինյալի: Ավելի ուշ պարզ էր դարձել, որ ձերբակալված արտասահմանցի զինյալները ռուսական «Վագների խումբ» մասնավոր ռազմական կազմակերպության անդամներ են: Ավելին՝ tert.am-ում

16:37 - 06 օգոստոսի, 2020

Զինված ուժերի զորախմբի 32-րդ հերթափոխը մեկնել է Կոսովո

Զինված ուժերի զորախմբի 32-րդ հերթափոխը մեկնել է Կոսովո

Ուկրաինայում Հայաստանի դեսպանությունը տեղեկացնում է, որ օգոստոսի 1-ին ՆԱՏՕ-ի կողմից Կոսովոյում իրականացվող խաղաղապահ առաքելությանը մասնակցող Հայաստանի Հանրապետության Զինված ուժերի զորախմբի 32-րդ հերթափոխը Կիևով մեկնել է Պրիշտինա: «Բորիսպիլ» միջազգային օդանավակայանի տարանցիկ գոտում զորախմբի անդամներին ողջունել են Ուկրաինայում ՀՀ դեսպան Տիգրան Սեյրանյանը և դեսպանության խորհրդական Տիգրան Ապկարյանը։

11:57 - 01 օգոստոսի, 2020

Գերմանիան ի գիտություն է ընդունել երկրից 12 հազար զինվորականի դուրս բերման վերաբերյալ ԱՄՆ-ի որոշումը և կաջակցի դրա իրագործմանը |tert.am|

Գերմանիան ի գիտություն է ընդունել երկրից 12 հազար զինվորականի դուրս բերման վերաբերյալ ԱՄՆ-ի որոշումը և կաջակցի դրա իրագործմանը |tert.am|

tert.am: Գերմանիայի կառավարությունն ի գիտություն է ընդունել ԱՄՆ-ի՝ երկրից 12 հազար զինծառայող դուրս բերելու որոշումը, РИА Новости-ի փոխանցմամբ՝ ասված է Գերմանիայի ԱԳՆ-ի, ՊՆ-ի, Բունդեսթագի և Գերմանիայի դաշնային հողերի վարչապետերի կողմից տարածված և կառավարության մամուլի ծառայության կողմից հրապարակված հայտարարության մեջ: «Ներկայացված տեղեկության համաձայն՝ ԱՄՆ կառավարությունը ծրագրում է կրճատել Գերմանիայում գտնվող զինծառայողների թիվը՝ հասցնելով նվազագույն՝ 25 հազարի: Դաշնային կառավարությունն ի գիտություն է ընդունում այդ որոշումը և սերտորեն կհամակարգի իր գործունեությունը տուժած դաշնային հողերի, ԱՄՆ կառավարության հետ ՆԱՏՕ-ի շրջանակում՝ որոշման հետագա իրականացման նպատակով».- ասվում է հայտարարությունում:

09:18 - 30 հուլիսի, 2020

ԱՄՆ հատուկ ներկայացուցիչը փորձում է համաձայնություն ձեռք բերել «Թալիբան»-ի և Աֆղանստանի միջև |azatutyun.am|

ԱՄՆ հատուկ ներկայացուցիչը փորձում է համաձայնություն ձեռք բերել «Թալիբան»-ի և Աֆղանստանի միջև |azatutyun.am|

azatutyun.am: Միացյալ Նահանգների՝ Աֆղանստանի հարցով հատուկ ներկայացուցիչը սկսել է շրջագայությունը հինգ երկրներով՝ խաղաղության ու վստահության ամրապնդման շուրջ բանակցությունների։ Առաջիկա օրերին, ըստ Պետդեպարտամենտի, Զալմայ Խալիզադը կայցելի Իսլամաբադ, Քաբուլ, Օսլո, Սոֆիա և Դոհա՝ փորձելով համաձայնություն ձեռք բերել «Թալիբան» շարժման ներկայացուցիչների և Աֆղանստանի կառավարության միջև, որը վայելում է նաև Վաշինգտոնի աջակցությունը։ Կողմերի հետ բանակցություններից բացի` ամերիկացի բարձրաստիճան դիվանագետը կայցելի նաև Պակիստան՝ ստանալու նրանց աջակցությունը, ինչպես նաև կմեկնի Օսլո և Սոֆիա՝ ներկայացնելու արդյունքները ՆԱՏՕ-ի գործընկերներին։

19:45 - 26 հուլիսի, 2020