Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո: 

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Իսրայելը ցանկանում է տարհանել Գազայի բնակչությանը, ո՞ւր, դեպի Լուսի՞ն. Բորել
 |tert.am|

Իսրայելը ցանկանում է տարհանել Գազայի բնակչությանը, ո՞ւր, դեպի Լուսի՞ն. Բորել |tert.am|

tert.am: Իսրայելին աջակցող երկրների իշխանությունները պետք է դադարեն աղաչել նրան, որ դադարեցնի Գազայի հատվածում պաղեստինցիների սպանությունը և սկսեն քայլեր ձեռնարկել, օրինակ՝ սահմանափակել զենքի մատակարարումն Իսրայելին:Այս մասին Բրյուսելում կայացած մամուլի ասուլիսի ժամանակ հայտարարել է Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը, հայտնում է ՏԱՍՍ-ը։ «Բոլորը գնում են Թել Ավիվ և աղաչում են այդքան մարդ չսպանել։ Չափազանց շատ սպանվածներն ինչքա՞ն են, ի՞նչ չափանիշներ են։ Իսրայելի վարչապետ Բենիամին Նեթանյահուն ոչ մեկին չի լսում։ Նրանք ցանկանում են տարհանել Գազայի բնակչությանը։ Ո՞ւր, դեպի Լուսի՞ն»,- ասել է Բորելը: «Դադարեք խոսել, խնդրում եմ և ինչ-որ բան արեք», - հավելել է նա: ԵՄ դիվանագիտության ղեկավարի կարծիքով՝ անհրաժեշտ է սահմանափակել Իսրայելին զենքի մատակարարումները։ «Քանի՞ անգամ եք նախարարներից լսել, որ շատ մարդիկ են սպանվել, եթե այդպես եք կարծում, եթե կարծում եք, որ շատ մարդ է սպանվել, ապա միգուցե ավելի քիչ զենք պետք է տրվի, որ ավելի շատ զոհեր չլինի», - հռետորական հարց է հնչեցրել Բորելը: Իրավիճակը Մերձավոր Արևելքում կտրուկ վատթարացել է այն բանից հետո, երբ 2023 թվականի հոկտեմբերի 7-ին Գազայի հատվածից իսրայելական տարածք ներթափանցեցին պաղեստինյան արմատական ՀԱՄԱՍ շարժման զինյալները, ինչն ուղեկցվեց սահմանամերձ բնակավայրերի բնակիչների սպանությամբ և ավելի քան 240-ի գերեվարմամբ։ Արմատականներն այս հարձակումն անվանել են պատասխան Երուսաղեմի Ալ-Աքսա մզկիթի դեմ Իսրայելի իշխանությունների գործողություններին։ Իսրայելը հայտարարել է Գազայի ամբողջական շրջափակման մասին, որից հետո ցամաքային գործողություն սկսեց անկլավում։ Բախումներ են տեղի ունենում նաև Արևմտյան ափին։
11:07 - 13 փետրվարի, 2024
Իսրայելի հարվածների հետևանքով Ռաֆահում 100 մարդ է զոհվել․ ՑԱԽԱԼ-ը հայտնել է պատանդների հայտնաբերման մասին |tert.am|

Իսրայելի հարվածների հետևանքով Ռաֆահում 100 մարդ է զոհվել․ ՑԱԽԱԼ-ը հայտնել է պատանդների հայտնաբերման մասին |tert.am|

tert.am: Իսրայելի պաշտպանության բանակը (ՑԱԽԱԼ) հայտարարել է Գազայի հատվածի հարավում գտնվող Ռաֆահ քաղաքի Ալ-Շաբուրա թաղամասի թիրախներին հարվածներ հասցնելու մասին: Ինչպես հայտնում է Al Mayadeen հեռուստաալիքը, իսրայելական հարձակման հետևանքով Ռաֆահում զոհվել է 100 մարդ, ավելի քան 230-ը՝ վիրավորվել։ Իսրայելական բանակը հայտնել է նաև Ռաֆահում իրականացված գործողության ընթացքում հոկտեմբերի 7-ին ՀԱՄԱՍ-ի կողմից առևանգված երկու պատանդի հայտնաբերման մասին «Իսրայելի պաշտպանության բանակի, Իսրայելի անվտանգության գործակալության (ISA) և իսրայելական ոստիկանության համատեղ գործողության ընթացքում Ռաֆահում երկու իսրայելցի պատանդ է ազատ արձակվել՝ 60-ամյա Ֆերնանդո Սիմոն Մարմանը և 70-ամյա Լուիս Հարը, որոնք առևանգվել էին ՀԱՄԱՍ ահաբեկչական կազմակերպության կողմից հոկտեմբերի 7-ին Նիր-Իցհակ կիբուցից»,- ասված է բանակի հաղորդագրության մեջ։ Հաղորդվում է, որ ազատ արձակված պատանդները «լավ վիճակում են», նրանց տեղափոխել են բուժզննման։
09:35 - 12 փետրվարի, 2024
Մենք բացարձակ հաղթանակի ճանապարհին ենք. Նեթանյահուն մերժել է ՀԱՄԱՍ-ի՝ հրադադարի վերաբերյալ առաջարկները |tert.am|

Մենք բացարձակ հաղթանակի ճանապարհին ենք. Նեթանյահուն մերժել է ՀԱՄԱՍ-ի՝ հրադադարի վերաբերյալ առաջարկները |tert.am|

tert.am: Իսրայելի վարչապետ Բինյամին Նեթանյահուն մերժել է պաղեստինյան ՀԱՄԱՍ խմբավորման՝ Գազայում հրադադարի հաստատման եռափուլ նախագծում ներկայացված առաջարկները: Փոխարենը նա հայտարարել է, որ  Իսրայելի ռազմական հարձակումը Գազայի հատվածում կշարունակվի՝ մինչև առաջիկա ամիսներին «բացարձակ հաղթանակի» հասնելը: Ինչպես գրում է politico.com-ը, Նեթանյահուն ՀԱՄԱՍ-ի առաջ քաշած պայմանները՝ հրադադարի և պատանդների ազատ արձակման վերաբերյալ, որակել է «զառանցանք»՝ կոշտ քննադատելով ցանկացած պայմանավորվածություն, որը պատերազմից հետո զինյալների խմբին ամբողջությամբ կամ մասնակի վերահսկոողություն կտա Գազայի հատվածի նկատմամբ:Նեթանյահուն այս մեկնաբանություններն արել է ԱՄՆ պետքարտուղար Էնթոնի Բլինկենի հետ հանդիպումից անմիջապես հետո: «ՀԱՄԱՍ-ի զառանցական պահանջներին հանձնվելը, որոնք մենք հիմա լսեցինք, ոչ միայն չի հանգեցնի գերիներին ազատելուն, այլ պարզապես կտանի դեպի ևս մեկ կոտորածի», - ասել է Նեթանյահուն երեկոյան մամուլի ասուլիսում: «Մենք բացարձակ հաղթանակի ճանապարհին ենք»,- ասել է նա՝ հավելելով, որ գործողությունը կտևի ամիսներ, ոչ թե տարիներ։  Շարունակությունը՝ սկզբնաղբյուր կայքում 
09:45 - 08 փետրվարի, 2024
Մեծ Բրիտանիան կարող է ճանաչել Պաղեստինի անկախությունը |hetq.am|

Մեծ Բրիտանիան կարող է ճանաչել Պաղեստինի անկախությունը |hetq.am|

hetq.am: Մեծ Բրիտանիայի արտաքին գործերի նախարար Դևիդ Քեմերոնը հայտարարել է, որ Լոնդոնը կարող է ճանաչել Պաղեստինի անկախությունը՝ չսպասելով այդ հարցի շուրջ իսրայելա-պաղեստինյան բանակցությունների արդյունքին: Բրիտանացի նախարարի խոսքերը մեջբերել է Sky News-ը։ «Մենք միշտ ասել ենք, որ հավատում ենք երկու պետությունների գոյության վերաբերյալ որոշմանը՝ անվտանգ Իսրայել իր սահմանների ներսում և անվտանգ և կայուն Պաղեստին իր սահմանների ներսում <...> Մեծ Բրիտանիան, այլ երկրների հետ միասին, կճանաչեր Պաղեստինը որպես պետություն և կճանաչեր Պաղեստինի անդամակցությունը ՄԱԿ-ին»,- հայտարարել է Քեմերոնը։  Մինչ այդ Քեմերոնն ընդգծել էր, որ Մեծ Բրիտանիան աջակցում է Իսրայելին հոկտեմբերի 7-ին Հրեական պետության տարածքի վրա ՀԱՄԱՍ-ի հարձակման պատճառով: Նա նաև կարևորել էր հումանիտար հրադադարի շուրջ երկխոսությունը: «Պետք է օգտագործել բոլոր հնարավորությունները պատանդներին փրկելու ու այդ անկլավ օգնություն հասցնելու համար»,- հավելել էր Մեծ Բրիտանիայի ԱԳ նախարարը։ Դեկտեմբերի կեսերին Մեծ Բրիտանիայի վարչապետ Ռիշի Սունաքը հայտարարել էր, որ Գազայի հատվածում քաղաքացիական բնակչության շրջանում տուժածների թիվը չափազանց մեծ է։
19:04 - 03 փետրվարի, 2024
ՄԱԿ-ի դատարանն Իսրայելից պահանջում է պաղեստինցիների ցեղասպանությունից խուսափելու ուղղությամբ քայլեր ձեռնարկել
 |azatutyun.am|

ՄԱԿ-ի դատարանն Իսրայելից պահանջում է պաղեստինցիների ցեղասպանությունից խուսափելու ուղղությամբ քայլեր ձեռնարկել |azatutyun.am|

azatutyun.am: Հաագայի Արդարադատության միջազգային դատարանը կշարունակի քննարկել Հարավաֆրիկյան Հանրապետության (ՀԱՀ) հայցն ընդդեմ Իսրայելի՝ 1948 թվականի Ցեղասպանության կանխարգելման և պատժի մասին կոնվենցիան խախտելու մեղադրանքով: Դատարանը Գազայի հատվածում ռազմական գործողությունների առնչությամբ ՀԱՀ-ի որոշ պնդումներ ուշադրության է արժանացրել, հայտարարվել է այսօր տեղի ունեցած դատական նիստում։ Դատարանը նաև հայտնել է, որ Իսրայելի դեմ հրատապ ժամանակավոր միջոցների մասին որոշումներ է կայացրել, սակայն չի պահանջել ամբողջությամբ դադարեցնել ռազմական գործողությունը Գազայի հատվածում «Համաս» խմբավորման դեմ, որն ԱՄՆ-ի և ԵՄ-ի կողմից ճանաչված է ահաբեկչական կազմակերպություն: Դատարանը մասնավորապես Իսրայելից պահանջել է միջոցներ ձեռնարկել՝ կանխելու պաղեստինյան բնակչության ցեղասպանությունը, թույլ չտալ ցեղասպանության կոչեր, չոչնչացնել Գազայում կատարված հնարավոր հանցագործությունների ապացույցները, ինչպես նաև օգնել Գազայի հատվածում հումանիտար իրավիճակի բարելավմանը։ Իսրայելից պահանջվում է նաև բացահայտել և քրեական պատասխանատվության ենթարկել պաղեստինցիների դեմ ենթադրյալ հանցագործություններ կատարած անձանց: Իսրայելը պարտավոր է մեկ ամսից դատարանին զեկուցել ձեռնարկված միջոցների մասին։ Առանձին-առանձին դատարանը պահանջել է անհապաղ ազատ արձակել Գազայի հատվածում «Համաս»-ի և այլ զինված խմբավորումների պատանդներին:
18:06 - 26 հունվարի, 2024
Իսրայելը պնդում է՝ Գազայում պարենի պակասի պատճառը սննդի բաշխման մեջ է
 |amerikayidzayn.com|

Իսրայելը պնդում է՝ Գազայում պարենի պակասի պատճառը սննդի բաշխման մեջ է |amerikayidzayn.com|

amerikayidzayn.com:  «Համասի» ենթակայությամբ գործող Գազայի առողջապահության նախարարության տվյալներով, շրջանում զոհերի թիվն անցել է 25 հազարը։ ՄԱԿ-ը զգուշացրել է Գազայի հատվածում սովի և համաճարակի աճող վտանգի մասին: Ի պատասխան, Իսրայելը պնդում է՝ Գազա բավարար քանակությամբ է սնունդ մտնում, և խնդիրը պարենի բաշխման մեջ է։ ՄԱԿ-ի ներկայացմամբ, Գազայում մադասիրական իրավիճակը շարունակում է վատթարանալ, և պարենի պակասն ու հիվանդությունները կանգնած են ազգաբնակչության առջև: «Մարդիկ մահանում են ոչ միայն ռումբերից ու փամփուշտներից, այլև՝ սննդի և մաքուր ջրի բացակայությունից, առանց հոսանքի և դեղորայքի հիվանդանոցներում, հյուծիչ գաղթից՝ մարտերից խուսափելու համար»,- ասում է ՄԱԿ-ի գլխավոր քարտուղար Անտոնիո Գուտերեշը: Կազմակերպությունը նախազգուշացնում է՝ Գազայի 2,3 միլիոն բնակիչներ գտնվում են սովի շեմին, մոտ 380 հազարն արդեն իսկ բախվել է պարենային սուր պակասին: Այդուհանդերձ, Իսրայելի պաշտպանության նախարարության կազմում գործող «COGAT» («The Coordinator of Government Activities in the Territories») ստորաբաժանման ներկայացուցիչները պնդում են՝ հրեական պետությունը անում է հնարավորը՝ թույլատրելու մեծաքանակ մարդասիրական օգնության մուտքը Գազա, այդ թվում՝ բացելով պաղեստինյան այդ շրջան տանող երկրորդ անցակետը՝ միջազգային աջակցության հոսքն ընդլայնելու համար։ Պաղեստինյան շրջաններում քաղաքացիական հարցերով զբաղվող այդ ստորաբաժանման ներկայացմամբ, խնդիրը Գազայի հատվածում պարենի բաշխման մեջ է՝ «Համասի» զինյալները գողանում են օգնության մի մասը, իսկ ՄԱԿ-ը չի կարողանում արդյունավետ իրականացնել բաշխումը: «Գիտենք, որ [իրականում] Գազայում մարդասիրական իրավիճակն ավելի բարվոք է, քան ներկայացնում է «Համասը»։ Նաև նշեմ՝ Գազայի հատվածում գործող մարդասիրական կազմակերպություններում առկա են որոշակի խնդիրներ»,- ասում է «COGAT»-ի արտաքին կապերի ղեկավար Յոթամ Շեֆերը։ «Համասն» ու ՄԱԿ-ը անարձագանք են թողել վերոհիշյալի առնչությամբ «Ամերիկայի ձայնի» հարցումները: «COGAT»-ի տվյալներով, անցած տարվա հոկտեմբերի 7-ից առաջ առաջ օրական 400-500, այդ թվում՝ սնունդ տեղափոխող 70-80 բեռնատարներ էին Իսրայելից մուտք գործում Գազա: Այժմ օրական միջինը շուրջ 200 բեռնատար է անցնում Գազայի հատված, և դրանցից մոտ 150-ը ամբողջությամբ բեռնված են պարենով: Ի հավելումն, ԱՄՆ կողմից վերջերս հայտարարված համաձայնությամբ, իսրայելական Աշդոդ նավահանգստից մեծ քանակությամբ ալյուր է առաքվելու Գազայի հացի գործարաններ, որոնք ՄԱԿ-ի Պարենի համաշխարհային ծրագրի շնորհիվ օրական արտադրում են 2 միլիոն հատ պիտա տեսակի հաց: Սննդի պակասը միակ խնդիր չէ։ Պաղեստինցի պաշտոնյաների ներկայացմամբ, Գազայի հարավում՝ ՄԱԿ-ի հովանու ներքո գործող դպրոցներում, ապաստարաններում բացակայում են սանիտարական տարրական պայմանները, ինչն էլ հիվանդությունների տարածման բուն է: Շարունակությունը՝ սկզբնաղբյուր կայքում
09:51 - 24 հունվարի, 2024
Լավրովն ասել է՝ ինչու է անհրաժեշտ Պաղեստին պետության ստեղծումը
 |tert.am|

Լավրովն ասել է՝ ինչու է անհրաժեշտ Պաղեստին պետության ստեղծումը |tert.am|

tert.am: Ռուսաստանի Դաշնության արտգործնախարար Սերգեյ Լավրովը հայտարարել է, որ արաբական և մուսուլմանական աշխարհին ավելի ու ավելի շատ դաժանություն է սպասելու, քանի դեռ չի ստեղծվել Պաղեստին պետություն։ Այս մասին նա խոսել է CBS-ին տված հարցազրույցում։«Ես համոզված եմ, որ քանի դեռ չկա արդարություն, քանի դեռ չի ստեղծվել Պաղեստին պետություն,  ավելի ու ավելի շատ դաժանություններ տեղի կունենան Պաղեստինում կամ արաբական ու մուսուլմանական աշխարհի այլ մասերում»,-ասել է նախարարը։ Նշվում է, որ  Լավրովը Լիբանանի ԱԳ նախարարի պաշտոնակատար Աբդալլահ Բու Հաբիբի հետ հանդիպման ժամանակ ընդգծել էր, որ Լիբանանը չպետք է ներքաշվի պաղեստինա-իսրայելական հակամարտության մեջ։Լավրովը նաև իր մտահոգությունն էր հայտնել հակամարտության սրման վերաբերյալ և կոչ էր արել հավաքական ջանքեր գործադրել Գազայում հրադադարի հասնելու և հումանիտար խնդիրները լուծելու համար։
09:52 - 23 հունվարի, 2024
ԵՄ-ն Մերձավոր Արևելքում իրավիճակի կարգավորման ծրագիր է մշակել. Euractiv |tert.am|

ԵՄ-ն Մերձավոր Արևելքում իրավիճակի կարգավորման ծրագիր է մշակել. Euractiv |tert.am|

tert.am: Եվրամիությունը մշակել է Իսրայելի և Պաղեստինի միջև հակամարտության համապարփակ կարգավորման ծրագիր։  Այս մասին հայտնում է «Euractiv» պորտալը՝ հղում անելով ԵՄ արտաքին քաղաքականության ծառայության պատրաստած փաստաթղթի նախագծին։ «Հաշվի առնելով ներկա իրավիճակը և, չնայած ակնհայտ դժվարություններին ու անորոշություններին, եկել է ժամանակը պատրաստվելու իսրայելա-պաղեստինյան համապարփակ խաղաղությանը»,-ասվում է փաստաթղթի նախագծի ներածությունում։ Տասը կետից բաղկացած ծրագիրը նախանշում է մի քանի քայլ, որ կարող են ի վերջո խաղաղություն բերել Գազայի հատվածին, ստեղծել անկախ Պաղեստին պետություն, կարգավորել հարաբերությունները Իսրայելի և արաբական աշխարհի միջև և երաշխավորել երկարաժամկետ անվտանգությունը տարածաշրջանում։ Շարունակությունը՝ սկզբնաղբյուր կայքում 
17:52 - 20 հունվարի, 2024
Նեթանյահուն ասել է, որ միշտ դիմադրելու է Պաղեստին պետության ստեղծմանը |tert.am|

Նեթանյահուն ասել է, որ միշտ դիմադրելու է Պաղեստին պետության ստեղծմանը |tert.am|

tert.am: Իսրայելի վարչապետ Բենիամին Նեթանյահուն մերժել է Պաղեստինի պետականության հեռանկարը Գազայում Իսրայել-ՀԱՄԱՍ պատերազմի ավարտից հետո՝ խոստանալով այդ հարցում դիմակայել Միացյալ Նահանգներին, որի ղեկավարությունը հրապարակավ հայտարարություններում նշել է, որ Իսրայելի կողքին պետք է նաև Պաղեստին պետություն ստեղծվի, գրում է timesofisrael.com-ը:Նեթանյահուն հայտարարել է, որ ինքը Միացյալ Նահանգներին ասել է, որ դեմ է Գազայում հակամարտության ավարտից հետո Պաղեստին պետության ստեղծմանը:Նրա խոսքով՝ Իսրայելի քաղաքացիների մեծ մասը դեմ է պաղեստինյան պետության ստեղծմանը, և ինքը միշտ կդիմադրի դրան:Մամուլի ասուլիսում Նեթանյահուն խոստացել է շարունակել հարձակումը Գազայում «մինչև լիակատար հաղթանակ»՝ ՀԱՄԱՍ-ի ոչնչացումը և մնացած իսրայելցի պատանդների վերադարձը, ավելացնելով, որ դա կարող է տևել «ավելի շատ ամիսներ»:
13:07 - 19 հունվարի, 2024
Իսրայելն ու ՀԱՄԱՍ-ը պայմանավորվածություն են ձեռք բերել
 |factor.am|

Իսրայելն ու ՀԱՄԱՍ-ը պայմանավորվածություն են ձեռք բերել |factor.am|

factor.am: ՀԱՄԱՍ-ը բժշկական պարագաներ կընդունի իսրայելցի պատանդների համար՝ Գազայի համար հավելյալ մարդասիրական օգնության դիմաց։ BBC-ի փոխանցմամբ՝ կողմերի միջև նման համաձայնության մասին հայտնել են Կատարի միջնորդները։ Համաձայնությունը ձեռք է բերվել Կատարի և Ֆրանսիայի միջնորդությամբ։ Իսրայելը թույլ կտա ավելի շատ հումանիտար մատակարարումներ հասցնել Գազա։ Կատարի արտաքին գործերի նախարարության խոսնակ Մաջեդ ալ-Անսարիի խոսքով՝ չորեքշաբթի օրը մարդասիրական բեռով բարձված ինքնաթիռ կթռչի Կատարից Եգիպտոս։ Բեռը կներառի սնունդ, որը կբաժանվի Գազայի խաղաղ բնակիչներին և դեղորայք՝ պատանդների համար։ Ենթադրվում է, որ հոկտեմբերի 7-ին Իսրայելի վրա հարձակման ժամանակ պատանդառվածներից 132-ը շարունակում է մնալ ՀԱՄԱՍ-ի ձեռքում։ Ընդհանուր առմամբ, առևանգվել է մոտ 240 մարդ, ավելի քան 1200 մարդ սպանվել է, որոնցից շատերը խաղաղ բնակիչներ են։ Պատանդներից ոմանք հետագայում ազատ են արձակվել: ԱՄՆ-ը հույս ունի, որ համաձայնագիրը կհանգեցնի պատանդների ազատ արձակման հետագա բանակցությունների։ Մերձավոր Արևելքի հարցերով ԱՄՆ հատուկ ներկայացուցիչը եղել է Կատարում՝ քննարկելու գործարքը։
12:03 - 17 հունվարի, 2024
Միացյալ Նահանգները նոր հարված է հասցրել Եմենին․ Պենտագոն |tert.am|

Միացյալ Նահանգները նոր հարված է հասցրել Եմենին․ Պենտագոն |tert.am|

tert.am: ԱՄՆ-ն նոր հարված է հասցրել Եմենին: Այս մասին, ինչպես գրում է ՌԻԱ Նովոստին, հայտնում է Պենտագոնի կենտրոնական հրամանատարությունը: «Հունվարի 13-ին՝ Սանայի ժամանակով 03:45-ին (Երևանի ժամանակով՝ 04:45) ԱՄՆ ուժերը հարված են հասցրել Եմենում հուսիների ռադարային կայանքին», - ասված է հայտարարության մեջ: Նշվում է, որ հարվածն իրականացվել է ամերիկյան ականակիր «Tomahawk» հրթիռով։ Հիշեցնենք, որ ԱՄՆ-ի և Մեծ Բրիտանիայի զինված ուժերը հունվարի լույս 12-ի գիշերը հարվածներ են հասցրել Եմենի «Անսար Ալլահ» (հութիներ) ապստամբական շարժման օբյեկտներին: Պաղեստինա-իսրայելական հակամարտության սրումից ի վեր հութիները հայտարարել էին, որ հարվածներ կհասցնեն Իսրայելի տարածքին և թույլ չեն տա, որ նավերն անցնեն Կարմիր ծովի և Բաբ-Էլ-Մանդեբի նեղուցի ջրերով:  Հարվածներից հետո Հութիները խոստացել են պատասխանել Եմենում ԱՄՆ-ի և Մեծ Բրիտանիայի գործողություններին։ Իրանը խստորեն դատապարտել է ԱՄՆ-ի և Միացյալ Թագավորության կողմից Եմենի դեմ հարձակումները։  
12:45 - 13 հունվարի, 2024