ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Մոսկվայում տեղի ունեցած ահաբեկչության հետևանքով նախնական տվյալներով մահացել է 40, տուժել ավելի քան 100 մարդ

«Կրոկուս Սիթի Հոլլ»-ում, նախնական տվյալներով, մահացել է 40 մարդ, տուժել ավելի քան 100-ը: Հատուկ ծառայություններն անցկացնում են օպերատիվ փրկարարական գործողություններ, ձեռնարկվում են բոլոր հնարավոր միջոցառումները` ահաբեկչության հետևանքով տուժածներին օգնություն ցուցաբերելու համար; Ավելի վաղ հայտնել էինք, որ Մոսկվայի «Կրոկուս Սիթի Հոլ» -ում հնչել են կրակոցներ, որից հետո նետվել են նռնակներ։ Արդյունքում շենքում հրդեհ է բռնկվել։ Հրդեհաշիջման աշխատանքները դեռ շարունակվում են։ Հրդեհը մարելու համար օգտագործվում է ավիացիա Ականատեսներից մեկը լարգրողներին պատմել է, որ ահաբեկիչները մտել են դահլիճ և սկսել ուղիղ կրակ բացել մարդկանց ուղղությամբ, ինչպես նաև օգտագործել նռնակներ։ Մոսկվայի քաղաքապետը հայտնել է, որ շաբաթ և կիրակի օրերին քաղաքում նախատեսված բոլոր մարզական, մշակութային և այլ հանրային միջոցառումները կչեղարկվեն։ Մի շարք երկրների ղեկավարներ արդեն ցավակցություններ են հայտնել տեղի ունեցածի կապակցությամբ։ Մասնավորապես Սպիտակ տունը ցավակցություն է հայտնել Մոսկվայում տեղի ունեցած հրաձգության կապակցությամբ։ ԱՄՆ-ն տեղի ունեցածն անվանել է սարսափելի հարձակում և հայտնել, որ փորձում են ավելի շատ տեղեկություններ ստանալ կատարվածի մասին։ ԱՄՆ ԱԱԽ Ջոն Կիրբին հայտարարել է, որ Առայժմ որևէ նշան չկա, որ Ուկրաինան կամ ուկրաինացիները ներգրավված են տեղի ունեցածում։

23:19 - 22 մարտի, 2024

Արդարադատության ոլորտում գործող և սպասվող թվային հարթակները նախարարի տեղակալը ներկայացրել է ԱՄՆ ՄԶԳ պատվիրակությանը

ՀՀ արդարադատության նախարարի տեղակալ Արա Մկրտչյանն ընդունել է ԱՄՆ Միջազգային զարգացման գործակալության պատվիրակությանը: Նախարարի տեղակալը ներկայացրել է արդարադատության ոլորտում գործող և սպասվող թվային հարթակները՝ մասնավորապես դատավարությունները, որոնք նախարարության համար ունեն ռազմավարական նշանակություն: Արդարադատության նախարարությունից տեղեկացնում են, որ քննարկվել է ԱՄՆ Միջազգային զարգացման գործակալության հետ համագործակցությամբ դատական վիճակագրության վերաբերյալ միջազգային փորձի ուսումնասիրության արդյունքում մշակված զեկույցը: Արա Մկրտչյանը կարևորել է որակյալ դատական վիճակագրության հավաքագրման գործընթացը, որը վերաբերելի կլինի բոլոր տեսակի դատական գործերին: Պատվիրակությունը գլխավորող «Դիվելոփմենթ Պրոֆեյշնլս Ինկ.» Կազմակերպության (Development Professionals, Inc.) գործառնությունների փոխնախագահ Պատրիկ Վույչիկը շնորհակալություն է հայտնել հանդիպման համար և հույս հայտնել, որ «Հայաստանի արդարադատության ոլորտի աջակցության» վեցամսյա ծրագիրը հաջող և շարունակական ընթացք կունենա: Պատրիկ Վույչիկը պատրաստակամություն է հայտնել արդարադատության ոլորտի թվայնացման գործընթացի կարիքների գնահատման և համակարգային աջակցության տրամադրման շուրջ: Փոխնախագահն իր խոսքում շեշտել է, որ տեղյակ է այս ոլորտում արդեն կատարված գործընթացներից, մասնավորապես Քաղաքացիական դատավարության էլեկտրոնային համակարգից և վերջինիս գրանցած դրական արդյունքից: Պայմանավորվածություն է ձեռք բերվել հետագա աշխատանքային քննարկումների արդյունքում հստակեցնել թվայնացման ոլորտում ընդհանուր հետաքրքրությունների շրջանակը և հասնել լավագույն արդյունքի:

17:57 - 21 մարտի, 2024

Վաշինգտոնը ՄԱԿ-ի ԱԽ է ներկայացրել Գազայի հատվածում հրադադարի վերաբերյալ բանաձև |armenpress.am|

armenpress.am: Միացյալ Նահանգները ՄԱԿ-Անվտանգության խորհուրդ է ներկայացրել բանաձև, որը կոչ է անում անհապաղ հրադադար հաստատել Գազայի հատվածում և ազատ արձակել իսրայելցի պատանդներին: Այդ մասին հայտարարել է ԱՄՆ պետքարտուղար էնթոնի Բլինքենը Al Hadath հեռուստաալիքին տված հարցազրույցում։ «Մենք ունենք բանաձև, որը հենց նոր ներկայացրել ենք, և որը քննարկվում է ՄԱԿ-ի Անվտանգության խորհրդում: Այն կոչ է անում անհապաղ հրադադարի հաստատում և պատանդների ազատ արձակում, և մենք շատ մեծ հույս ունենք, որ երկրները հավանություն կտան դրան», - ասել է նա: Բլինքենը հավելել է, որ ԱՄՆ-ն կանգնած է Իսրայելի կողքին և աջակցում է իրեն պաշտպանելու՝ Իսրայելի իրավունքը՝ շեշտելով միևնույն ժամանակ քաղաքացիական անձանց չվնասելու և նրանց հումանիտար օգնություն հասցնելու անհրաժեշտությունը։ ԱՄՆ պետքարտուղարը նաև հույս է հայտնել, որ շուտով հնարավոր կլինի հասնել հրադադարի շուրջ համաձայնության, որն Իսրայելը և պաղեստինյան ՀԱՄԱՍ արմատական շարժումը քննարկում են միջնորդների միջոցով։

12:06 - 21 մարտի, 2024

Փաշինյանը, Ֆոն դեր Լայենն ու Բլինքենը կքննարկեն Հայաստանի զարգացմանը միտված եռակողմ համագործակցության ուղիները |armenpress.am|

armenpress.am: Բրյուսելում ապրիլի 5-ին տեղի կունենա Հայաստանի վարչապետ Նիկոլ Փաշինյանի, Եվրոպական հանձնաժողովի նախագահ Ուրսուլա Ֆոն դեր Լայենի և ԱՄՆ պետքարտուղար Էնթոնի Բլինքենի հանդիպումը, որի ժամանակ քննարկվելու է Հայաստանի զարգացմանը նպաստող եռակողմ համագործակցության ուղիները։ «Արմենպրես»-ի հետ զրույցում այս մասին հայտնել է Հայաստանի անվտանգության խորհրդի քարտուղար Արմեն Գրիգորյանը։ Հարց. Պարոն Գրիգորյան, 2023 թվականի հոկտեմբերի 5-ի Գրանադայի Փաշինյան- Ֆոն դեր Լայեն համատեղ հայտարարության մեջ նշված էր, որ նախագահ Ֆոն դեր Լայենը վարչապետ Փաշինյանին տեղեկացրել է Հայաստանին աջակցելու համար ԵՄ-ԱՄՆ համատեղ միջոցառման նախապատրաստման մասին: Արդյո՞ք կա այդ միջոցառման կազմակերպման մասով որևէ առաջընթաց: Պատասխան. Ոչ միայն առաջընթաց կա, այլ նաև միջոցառման օրն է նշանակված: Սույն թվականի ապրիլի 5-ին Բրյուսելում նախատեսվում է անցկացնել նախագահ Ֆոն դեր Լայեն-վարչապետ Փաշինյան-պետքարտուղար Բլինքեն համատեղ հանդիպումը, որտեղ նախատեսվում է քննարկել եռակողմ համագործակցության ուղիները, որոնք նպաստելու են Հայաստանի զարգացմանը: Միջոցառումը նաև նպատակ ունի ամրապնդել Հայաստանի դիմակայունությունը: Մոտակա շրջանում միջոցառման մասին ավելի մանրամասն խոսելու հնարավորություն կլինի: 2023 թվականի հոկտեմբերի 5-ին Հայաստանի վարչապետ Նիկոլ Փաշինյանը և Եվրոպական հանձնաժողովի նախագահ Ուրսուլա ֆոն դեր Լայենը Գրանադայում հանդիպումից հետո հանդես էին եկել համատեղ հայտարարությամբ: Ուրսուլա ֆոն դեր Լայենը տեղեկացրել էր Հայաստանին աջակցելու համար ԵՄ-ԱՄՆ համատեղ միջոցառման նախապատրաստման մասին։

10:46 - 21 մարտի, 2024

Լևոն Արոնյանը դարձել է ԱՄՆ գավաթի խաղարկության հաղթող |civilnet.am|

civilnet.am: Հայաստանի շախմատի տղամարդկանց թիմի նախկին անդամ Լևոն Արոնյանը դարձել է Ամերիկայի գավաթի խաղարկության հաղթող: Նա այժմ հանդես է գալիս ԱՄՆ դրոշի ներքո։ Արոնյանը եզրափակչում մրցել է Ուեսլի Սոյի հետ և առավելության հասել 2,5-1,5 հաշվով: «Շատ ուրախ եմ ԱՄՆ գավաթի խաղարկությունում հաղթելու համար: Շատ հոգնած եմ, բայց գոհ եմ: Շնորհակալություն բոլորին աջակցության համար»,- Ֆեյսբուքի իր էջում գրել է Արոնյանը։

10:44 - 21 մարտի, 2024

Ամերիկյան կողմն անդրադարձել է սահմանագծմանը ոչ ասելու դեպքում հնարավոր պատերազմի մասին Փաշինյանի հայտարարությանը

ԱՄՆ Պետքարտուղարությունը հատուկ ուշադրություն է դարձնում հայ-ադրբեջանական հարաբերություններում տեղի ունեցող գործընթացին։ Այս մասին ճեպազրույցում ասել է ԱՄՆ պետքարտուղարության մամուլի քարտուղարի առաջին տեղակալ Վեդանտ Պատելը՝ մեկնաբանելով լրագրողի հարցը Հայաստանի վարչապետ Նիկոլ Փաշինյանի հայտարարություն վերաբերյալ։ Հիշեցնենք, որ ՀՀ վարչապետը Տավուշի մարզի Ոսկեպար համայնքի բնակիչների հետ հանդիպմանը ասել էր, որ եթե հայկական կողմն ասի, որ համաձայն չէ սահմանազատմանը, մեկ շաբաթից պատերազմ կսկսվի․ «Մենք կարող ենք էստեղից դուրս գալ, գնանք ասենք՝ չէ, չկա, էն էլ չկա, էն էլ չկա, դա նշանակում է, որ շաբաթվա վերջ պատերազմ է սկսվելու։ Ես գիտեմ՝ ինչ է լինելու այդ պատերազմի վերջում»։ Վենդանտ Պատելը հայտնել է, որ միայն պետքարտուղար Էնթոնի Բլինքենը չէ, որ կենտրոնացած է հայ-ադրբեջանական սահմանի սահմանազատման խնդրի վրա։ «Սա մի հարց է, որին մենք շարունակում ենք մեծ ուշադրություն դարձնել։ Սա այն է, ինչի վրա ոչ միայն պետքարտուղարը, այլ նաև պետքարտուղարի օգնական Օ'Բրայենը (ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայեն), ինչպես նաև ավագ համակարգող Բոնոն (ԱՄՆ Պետդեպարտամենտի Կովկասյան բանակցությունների գծով ավագ խորհրդական Լուի Բոնո) շարունակում են կենտրոնանալ՝ փոխգործակցելով համապատասխան կողմերի հետ»,- ասել է նա:

09:31 - 20 մարտի, 2024

ԱՄՆ կշարունակի աշխատել՝ հիմնվելով այն իրողության վրա, որ Պուտինը ՌԴ նախագահն է․ Սպիտակ տուն |factor.am|

factor.am: ԱՄՆ նախագահի ազգային անվտանգության հարցերով խորհրդական Ջեյք Սալիվանը ճեպազրույցում խոսել է ՌԴ նախագահական ընտրություններում Վլադիմիր Պուտինի հաղթանակի մասին։ Պատասխանելով հարցին՝ կա՞ արձագանք Պուտինի հաղթանակին, որը նախագահ է լինելու մինչև 2030 թվականը, Սալիվանն ասել է, որ նախ՝ ընտրությունների ելքում անկանխատեսելի ոչինչ չկար, քանի որ Պուտինը փակել է քաղաքական տարածքը և իր քաղաքական հակառակորդներին։ «Նրա քաղաքական հակառակորդներից ոմանք ողբերգական կերպով մահացան։ Այնպես որ, այս ընտրություններում ազատ կամ արդար ոչինչ չկար, և դրանց ելքը կանխորոշված էր։ Երկրորդ՝ իրականությունն այն է, որ Պուտինը Ռուսաստանի նախագահն է։ Մենք ստիպված ենք եղել այդ իրականության հետ առնչվել Ուկրաինայի պատերազմի ամբողջ ընթացքում, Ռուսաստանի մյուս ագրեսիայի ընթացքում, ԱՄՆ ազգային շահերին հակասող այլ քայլերի ընթացքում, որոնք մենք տեսել ենք այս նախագահից և նրա ղեկավարությամբ՝ Ռուսաստանի Դաշնությունից։ Եվ մենք շարունակելու ենք գործ ունենալ այդ իրականության հետ»,- ասել է Սալիվանը։ Նա ընդգծել է՝ այդ իրողությունը չի հերքում այն փաստը, որ այս ընտրությունները չեն համապատասխանել ազատության կամ արդարության որևէ չափանիշի։ Հավելենք, որ ըստ ՌԴ ԿԸՀ տվյալների՝ Պուտինն ընտրություններում ստացել է ձայների 87,28 տոկոսը։

13:20 - 19 մարտի, 2024

Լուի Բոնոն Բայրամովի հետ քննարկել է հայ-ադրբեջանական կարգավորումը |tert.am|

tert.am: Մարտի 18-ին Ադրբեջանի արտաքին գործերի նախարար Ջեյհուն Բայրամովը հանդիպել է ԱՄՆ Պետդեպարտամենտի Հարավային Կովկասում բանակցությունների գծով ավագ խորհրդական Լուի Բոնոյի հետ։ Կողմերը քննարկել են իրավիճակը տարածաշրջանում, մասնավորապես՝ Բաքվի և Երևանի միջև հարաբերությունների կարգավորման գործընթացի ասպեկտները։Բայրամովը խոսել է Մյունխենի և Բեռլինի անվտանգության համաժողովի շրջանակներում կայացած բանակցությունների արդյունքների և խաղաղության հաստատման գործընթացում Ադրբեջանի ակնկալիքների մասին։ Նա Բոնոյի ուշադրությանն է ներկայացրել Բաքվի դիրքորոշումը խաղաղության գործընթացի մի շարք հարցերի վերաբերյալ, որոնք բաց են մնում։

16:00 - 18 մարտի, 2024

Ընդունեք պատասխան հարվածը. Պուտինը՝ ԱՄՆ-ում նախընտրական գործընթացի ժողովրդավարության մասին |armeniasputnik.am|

armeniasputnik.am: Ռուսաստանում ընտրությունները ժողովրդավարական են, իսկ ԱՄՆ-ում ադմինիստրատիվ ռեսուրսն օգտագործում են թեկնածուներից մեկի վրա հարձակվելու համար: Այս մասին հայտարարել է ՌԴ նախագահի թեկնածու և գործող նախագահ Վլադիմիր Պուտինը նախագահական ընտրությունների արդյունքների վերաբերյալ մամուլի ասուլիսի ժամանակ: «Եթե դուք ուզում եք իմ կարծիքն իմանալ՝ ընտրությունները ժողովրդավարական են, թե ոչ, ես կարծում եմ, որ ժողովրդավարական են։ Եվ հակառակը՝ որոշ երկրներում, օրինակ՝ ձեր երկրում, միթե կարելի է ժողովրդավարական համարել վարչական ռեսուրսի օգտագործումը Միացյալ Նահանգների նախագահի թեկնածուներից մեկի վրա հարձակվելու համար` օգտագործելով նաև դատական ատյանները», - ասել է Պուտինը՝ պատասխանելով NBC news-ի ամերիկացի լրագրողի հարցին: Նա նշել է, որ ԱՄՆ-ում վարչական ռեսուրսների, դատական համակարգի օգտագործումը դարձել է «ուղղակի ծիծաղելի և խայտառակություն ամբողջ աշխարհի համար իսկ արևմուտքում տեղի ունեցողը աղետ է, ոչ թե ժողովրդավարություն: «Ես բոլոր հիմքերն ունեմ ենթադրելու, որ ոչ մի ժողովրդավարություն, համենայնդեպս նախընտրական գործընթացների ընթացքում, Արևմուտքի որոշ երկրներում, այդ թվում՝ Միացյալ Նահանգներում, մենք չենք տեսնում։ Այդ պատճառով ընդունեք պատասխան հարվածը», - ասել է Պուտինը։ Միևնույն ժամանակ, նա հավելել է, որ Ռուսաստանը նախապատվություն չունի ԱՄՆ նախագահի թեկնածուների հարցում, կաշխատի նրա հետ, ում կընտրեն: Մեկնաբանելով օտարերկրյա ԶԼՄ-ների արձագանքը ընտրությունների ընթացքին՝ Ռուսաստանի գործող ղեկավարն ասել է, որ այն սպասելի է, քանի որ Արևմուտքում պայքարում են ՌԴ-ի դեմ: Միևնույն ժամանակ, Պուտինն ընդգծել է NBC News-ի լրագրողի համարձակությունը, որը եկել է իր մամուլի ասուլիսին և լսում է իր պատասխանը, որը, գուցե, տհաճ է նրա համար (լրագրողի)։«Բայց քանի որ նա դահլիճում է, ապա ամեն ինչ կորած չէ ԱՄՆ-ի համար»,- կատակել է Պուտինը: Հիշեցնենք՝ ՌԴ Դաշնային խորհուրդը նախագահական ընտրությունները նշանակել է 2024 թվականի մարտի 17-ին: Քվեարկությունը տեղի է ունեցել երեք օր՝ մարտի 15-ին, 16-ին և 17-ին:

09:16 - 18 մարտի, 2024

Բայդենը Ալիևին ուղղված ուղերձում վերահաստատել է Հայաստանի և Ադրբեջանի միջև խաղաղությանը նպաստելու Վաշինգտոնի հանձնառությունը

Ադրբեջանական ԶԼՄ-ները հայտնում են, որ ԱՄՆ նախագահը շնորհավորական ուղերձ է հղել Ադրբեջանի նախագահին Նովրուզի կապակցությամբ։ Ջո Բայդենը վերահաստատել է գործակցությունը շարունակելու և խաղաղությանը նպաստելու Վաշինգտոնի հանձնառությունը: Նա կարևորել է Հայաստանի և Ադրբեջանի միջև խաղաղության հաստատումը: Բայդենի խոսքով՝ դա կնպաստի ապագա սերունդների անվտանգությանը: «Սպիտակ տունը կշարունակի աջակցել Հարավային Կովկասում ժողովրդավարությանը, կայունությանը և առաջընթացին: Նաև կաշխատենք Ադրբեջանի հետ՝ լուծելու անվտանգային մարտահրավերները, խթանելու տարածաշրջանում խաղաղությունը: Տնտեսական գործակցության նոր հնարավորություններ կբացահայտենք»,- ասված է ԱՄՆ նախագահի ուղերձում։

13:16 - 16 մարտի, 2024

ԱՄՆ-ն ՌԴ նախագահի ընտրությունների նախօրեին և ընթացքում պատրաստել է ֆեյքեր՝ մարդկանց վախեցնելու համար. ՌԴ ԱԳՆ |news.am|

news.am: ԱՄՆ-ն Ռուսաստանի նախագահի ընտրությունների քվեարկության նախօրեին և դրանց ժամանակ պատրաստել է բազմաթիվ ֆեյքեր՝ ձգտելով վախեցնել մարդկանց։ Այս մասին «ՌԻԱ Նովոստի»-ի հարցազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ «Նա (ԱՄՆ-ն՝ խմբ.) պատրաստել է տարբեր բնույթի մեծ թվով ֆեյքեր ընտրությունների նախօրեի և ընթացքի համար։ Եվ քաղաքական բովանդակության տեսակետից, թեկնածուների, քաղաքական կուսակցությունների, անձանց մասին արտանետումների տեսակետից քիչ բան չի արել, որպեսզի տառացիորեն վախեցնի մարդկանց»,- ասել է Զախարովան՝ պատասխանելով ՌԴ նախագահի ընտրություններին ԱՄՆ միջամտության մասին հարցին։ Նրա խոսքով՝ «Վաշինգտոնն օգտագործում է հաքերների, որպեսզի խափանի քվեարկության գործընթացը Ռուսաստանում նախագահական ընտրությունների ժամանակ»։ Հետահար էլեկտրոնային քվեարկությունը Ռուսաստանի նախագահի ընտրությունների քվեարկություններում արտասահմանում չի կիրառվում կիբեռանվտանգության ոլորտի սպառնալիքների պատճառով, ավելի վաղ «ՌԻԱ Նովոստի»-ին հայտնել էր ՌԴ ԱԳՆ հատուկ հանձնարարությունների դեսպան Գենադի Ասկալդովիչը։ Դաշնության խորհուրդը նախագահական ընտրությունները նշանակել է 2024թ. մարտի 17-ին։ Քվեարկությունը տևելու է երեք օր՝ մարտի 15-ին, 16-ին և 17-ին։ Պետության ղեկավարի պաշտոնին հավակնում է չորս գրանցված թեկնածու՝ Լեոնիդ Սլուցկին, Նիկոլայ Խարիտոնովը, Վլադիսկլավ Դավանկովը և Վլադիմիր Պուտինը։

12:13 - 16 մարտի, 2024

Թրամփն ու Բայդենը հաղթել են փրայմերիզներում և կառաջադրվեն ԱՄՆ նախագահի պաշտոնում |panarmenian.net|

panarmenian.net: ԱՄՆ նախկին նախագահ Դոնալդ Թրամփը և գործող ղեկավար Ջո Բայդենը հաղթել են հանրապետականների և դեմոկրատների փրայմերիզներում (նախնական կուսակցական ընտրություններում), ուստի պաշտոնապես կառաջադրվեն ԱՄՆ նախագահի պաշտոնում, գրում է BBC-ն։ Փաստացի 2024-ի նախագահական ընտրությունները կդառնան 2020-ի ընտրարշավի կրկնությունը, երբ Բայդենը հաղթեց Թրամփին։ Վերջին անգամ նման իրավիճակ, երբ նույն երկու թեկնածուները կրկին հանդիպում են նախագահական ընտրություններում, վերջին անգամ եղել է 1950-ականներին։ Նշվում է, որ ԱՄՆ նախագահի թեկնածու Բայդենի առաջադրումը Դեմոկրատական կուսակցությունից ձևական բնույթ էր կրում, քանի որ երկրի գործող նախագահը, որը որոշում է առաջադրվել երկրորդ ժամկետի համար, որպես կանոն, լուրջ մրցակցություն չի ունենում։ Հանրապետականների համար առաջադրման պայքարը բավական լուրջ էր։ ԱՄՆ նախագահական ընտրությունները կայանալու են 2024-ի նոյեմբերի 5-ին։

14:43 - 13 մարտի, 2024

Միրզոյանն ու Բոնոն քննարկել են խաղաղության պայմանագիրը և անվտանգային իրավիճակը տարածաշրջանում |civilnet.am|

civilnet.am: Մարտի 13-ին արտաքին գործերի նախարար Արարատ Միրզոյանն ընդունել է ԱՄՆ Կովկասյան բանակցությունների հարցերով ավագ խորհրդական Լուիս Բոնոյին։ Հայաստանի արտգործնախարարության հաղորդմամբ՝ հանդիպմանը քննարկել են Հարավային Կովկասում անվտանգային իրավիճակին վերաբերող հարցեր։ Անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացին, այդ թվում՝ խաղաղության պայմանագրի շուրջ քննարկումներին: «Նախարարը զրուցակցին է ներկայացրել վերջին զարգացումները՝ ընդգծելով ՀՀ դիրքորոշումներն առանցքային հարցերի շուրջ: Մասնավորապես, շեշտվել է 1991թ. Ալմա-Աթայի հռչակագրի հիման վրա տարածքային ամբողջականության փոխադարձ ճանաչմանը հավատարմության և սահմանազատման հետագա գործընթացն Ալմա-Աթայի հռչակագրի, ամուր իրավական հիմքեր ունեցող քարտեզների հիման վրա իրականացնելու կարևորությունը: Տարածաշրջանային կապուղիների ապաշրջափակման համատեքստում Արարատ Միրզոյանը վերահաստատել է գործընթացը հանրաճանաչ սկզբունքների՝ ինքնիշխանության, իրավազորության, փոխադարձության ու հավասարության հիման վրա կյանքի կոչելու հարցում ՀՀ հետևողական մոտեցումը»,- ասված է հաղորդագրությունում։ Միրզոյանն ու Բոնոն մտքեր են փոխանակել նաև ՀՀ-ԱՄՆ երկկողմ քաղաքական երկխոսության օրակարգի և գործընկերության հետագա զարգացման հարցերի շուրջ:

13:43 - 13 մարտի, 2024

ԱՄՆ-ն նախատեսում է 52 միլիոն դոլար տրամադրել Հայաստանի ժողովրդավարության ամրապնդման համար |armeniasputnik.am|

armeniasputnik.am: ԱՄՆ-ն 2025 թվականին մտադիր է 52 մլն դոլար տրամադրել Հայաստանի ժողովրդավարությունն ու տնտեսությունը ամրապնդելու համար: Ինչպես տեղեկացնում է ՌԻԱ Նովոստին, այս մասին այսօր հայտնել է ԱՄՆ Պետքարտուղարության ներկայացուցիչը։ «Հայաստանի մասով բյուջեն 52 միլիոն դոլար է ենթադրում»,- ասել է նա՝ պատասխանելով «Հայաստանում տնտեսության և ժողովրդավարության ամրապնդման» համար նախատեսվող ծախսերի գումարի մասին հարցին: Հիշեցնենք` այս տարի հունվարին ԱՄՆ պետքարտուղարության՝ կոռուպցիայի դեմ գլոբալ պայքարի համակարգող Ռիչարդ Նեֆյուն ՀՀ վարչապետ Նիկոլ Փաշինյանի հետ հանդիպման ժամանակ ասել էր, որ ԱՄՆ վարչակազմը շարունակելու է աջակցությունը ՀՀ կառավարությանը ժողովրդավարության ամրապնդման, արդարադատության ոլորտում բարեփոխումների արդյունավետ իրականացման և կոռուպցիայի դեմ պայքարում:

22:59 - 11 մարտի, 2024

«Թրամփը վերընտրվելու դեպքում մտադիր է դադարեցնել օգնությունը Կիևին»․ Օրբան |azatutyun.am|

azatutyun.am: ԱՄՆ նախագահի պաշտոնի համար պայքարող Դոնալդ Թրամփը վերընտրվելու դեպքում մտադիր է դադարեցնել ամերիկյան օգնությունը Կիևին, հայտարարել է Հունգարիայի վարչապետ Վիկտոր Օրբանը։ Օրբանի փոխանցմամբ, Թրամփը հույս ունի այդկերպ հասնել պատերազմի դադարեցմանը։ «ԱՄՆ նախագահի ընտրություններում հաղթելու դեպքում Թրամփը Ուկրաինային անգամ մեկ ցենտի ռազմական օգնություն չի տա։ Ռազմական օգնության դադարեցումը կօգնի կանգնեցնել պատերազմը։ Եթե Ամերիկան փող չտա, ապա եվրոպացիները միայնակ չեն կարողանա ֆինանսավորել այդ պատերազմը, և այդ ժամանակ պատերազմը կավարտվի»,- հայտարարել է վարչապետ Օրբանը, ով անցած օրերին Ֆլորիդայում առանձնազրույց էր ունեցել Դոնալդ Թրամփի հետ։

16:16 - 11 մարտի, 2024

Հայաստանի և Ադրբեջանի միջև խաղաղության հասնելու համար պետքարտուղար Բլինքենը և Թուրքիայի ԱԳ նախարար Ֆիդանը կաշխատեն միասին |shantnews.am|

shantnews.am: ԱՄՆ պետդեպարտամենտը հրապարակել է Ամերիկայի Միացյալ Նահանգների և Թուրքիայի կառավարությունների հայտարարությունը, որն ընդունվել է պետքարտուղար Էնթոնի Բլինքենի և Թուրքիայի արտաքին գործերի նախարար Հաքան Ֆիդանի հանդիպման արդյունքներով ԱՄՆ-Թուրքիա ռազմավարական մեխանիզմի յոթերորդ հանդիպման կապակցությամբ։ «Հարավային Կովկասի վերաբերյալ քարտուղար Բլինքենը և նախարար Ֆիդանը պարտավորվել են աշխատել միասին՝ նպաստելու Ադրբեջանի և Հայաստանի միջև հավասարակշռված և կայուն խաղաղության համաձայնագրի հաստատմանը և համակարծիք են եղել, որ դա կնպաստի տարածաշրջանային կայունությանը, համագործակցությանը և բարեկեցությանը»,-նշված է հայտարարությունում:

11:07 - 10 մարտի, 2024