14:04 - 19 ապրիլի, 2023
«Անհարկի կանչը, գուցե, ինչ-որ մեկի կյանքի հաշվին է արվում». նախարարը կոչ է անում չնչին հարցերով չզանգել շտապօգնություն |aysor.am|
aysor.am: Առողջապահության նախարար Անահիտ Ավանեսյանը խնդրում է չնչին հարցերով չզանգել շտապօգնություն:
Նախարարի խոսքով՝ խնդիր է, երբ կարգավորված չէ, թե որ դեպքերում շտապօգնության «դիսպետչերը» կարող է մերժել կանչը:
«Ստացվում է՝ ցանկացած կանչի պարագայում շտապօգնությունը մեկնում է դեպքի վայր, ունենում ենք կարևոր դեպքերի բացթողում ու անկարևոր դեպքերի սպասարկում»,- ասաց Ավանեսյանը:
Այս պահին, ըստ նախարարի, աշխատանքներ են տարվում հստակ ուղեցույցների մշակման ու «դիսպետչերական» կորպուսի վերապատրաստման առումով:
«Ես մեր քաղաքացներին ուզում եմ հիշեցնել՝ ամեն մեկի կողմից անհարկի կանչը, գուցե, ինչ-որ մեկի կյանքի հաշվին է արվում: Ուղղակի ներարկում անելու, ճնշումը իջեցնելու համար հարկ չկա օգտագործել այդ թանկարժեք ծառայությունը»,- հավելեց նախարարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)