Հունիսի 2-ին Ադրբեջանի պաշտպանության նախարար Զաքիր Հասանովը հեռախոսազրույց է ունեցել ԱՄՆ պաշտպանության քարտուղարի քաղաքականության հարցերով տեղակալ Քոլին Քահլի հետ: Այս մասին հայտնում են Ադրբեջանի ՊՆ-ից։
Նշվում է, որ կողմերը մտքեր են փոխանակել երկու երկրների միջև կապերի, տարածաշրջանային իրավիճակի և անվտանգության հարցերի շուրջ։
Հեռախոսազրույցի ընթացքում քննարկվել են նաև երկրների(Ադրբեջանի եւ ԱՄՆ-ի-խմբ.) միջև երկկողմ ռազմական համագործակցության զարգացման հեռանկարները։
Հիշեցնենք, որ ՀՀ պաշտպանության նախարար Սուրեն Պապիկյանը նույնպես հեռախոսազրույց է ունեցել ԱՄՆ պաշտպանության քարտուղարի քաղաքականության հարցերով տեղակալ Քոլին Քահլի հետ։ Ըստ ՀՀ ՊՆ հաղորդագրության՝ քննարկվել են հայ-ադրբեջանական սահմանին և տարածաշրջանային անվտանգությանն առնչվող մի շարք հարցեր:
comment.count (0)