20:38 - 21 սեպտեմբերի, 2023
Արցախում հրադադարի պայմանավորվածությունից հետո գրանցվել է հրադադարի խախտման հինգ դեպք․ Ռուսական խաղաղապահ զորախումբ
Արցախում ռազմական գործողությունների դադարեցման մասին համաձայնության ձեռքբերումից հետո գրանցվել է հրադադարի խախտման հինգ դեպք, երկուսը՝ Շուշիում, երեքը՝ Մարտակերտում։ Այս մասին հայտնում է Ռուսական խաղաղապահ զորախումբը։
Խաղաղապահների մոտ շարունակում է մնալ 1340 խաղաղ բնակիչ, այդ թվում՝ 607 երեխա, որոնք այս պահին չեն կարողանում վերադառնալ իրենց տները։ Ըստ հաղորդագրության՝ նրանց սնունդ և բուժօգնություն է տրամադրվում։
Խաղաղապահ զորախմբից նաև հայտնում են, որ շարունակում են Ստեփանակերտի և Բաքվի հետ փոխգործակցել՝ «արյունահեղությունը կանխելու, անվտանգություն ապահովելու և խաղաղ բնակչության մարդասիրական իրավունքը պահպանելու» համար։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)