Ներքին գործերի նախարարությունը տեղեկացնում է, որ նախարարության միգրացիայի և քաղաքացիության ծառայությունն այսօրվանից Կոռնիձոր համայնքի մոտակայքում գտնվող կետում իրականացնում է Լեռնային Ղարաբաղից տեղահանված անձանց նույնականացում և հաշվառում, ինչպես նաև կարիքների նախնական գնահատում՝ պատկան գերատեսչություններին այդ տեղեկությունն ըստ անհրաժեշտության փոխանցելու նպատակով։
«Ծառայությունն այս գործընթացում համագործակցում է պետական այլ գերատեսչությունների, ինչպես նաև միջազգային և հասարակական կազմակերպությունների հետ։ Նշված գործընթացի կազմակերպման նպատակով բոլոր նախապատրաստական անհրաժեշտ աշխատանքներն իրականացվել են պատշաճ կերպով։
Լեռնային Ղարաբաղից տեղահանված անձանց հաշվառման եւ նույնականացման գործընթացի առնչությամբ ՀՀ ՆԳՆ-ն պարբերաբար հանդես կգա հայտարարություններով»,- ասվում է ՆԳՆ հաղորդագրության մեջ։
comment.count (0)