20:35 - 24 սեպտեմբերի, 2023
Արցախի իրավիճակով պայմանավորված՝ Նարեկ Մկրտչյանը հանդիպում է ունեցել 3 տասնյակ միջազգային կազմակերպությունների, հիմնադրամների ներկայացուցիչների հետ
Արցախում ստեղծված իրավիճակով պայմանավորված՝ ՀՀ Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել Հայաստանում գործունեություն իրականացնող շուրջ 3 տասնյակ միջազգային կազմակերպությունների, հիմնադրամների, հասարակական կազմակերպությունների ներկայացուցիչների հետ։
«Հանդիպման ընթացքում քննարկվել են ԼՂ-ից բռնի տեղահանվող քաղաքացիների սոցիալական կարիքներին, նախարարության կողմից իրականացվող աշխատանքներին, միջազգային գործընկերների հետ համագործակցությանն առնչվող մի շարք հարցեր։
Պայմանավորվածություն է ձեռք բերվել ԼՂ-ից ՀՀ բռնի տեղահանված քաղաքացիներին ուղղված աջակցության միջոցառումներն իրականացնել նախարարության հետ համագործակցությամբ»,- ասվում է նախարարության հաղորդագրության մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)