11:29 - 28 սեպտեմբերի, 2023
Ադրբեջանում Ռուբեն Վարդանյանին մեղադրանքներ են առաջադրվել․ խափանման միջոցը՝ կալանավորում
Ադրբեջանում Ռուբեն Վարդանյանի վերաբերյալ քրեական գործ է հարուցվել «Ադրբեջանի սահմանն ապօրինի հատելու, Ղարաբաղում զինված միավորումների կազմավորմանն ու գործունեության կազմակերպմանը, նրանց զինելուն մասնակցելու, ահաբեկչություն ֆինանսավորելու համար»։
Ըստ Ադրբեջանի Պետական անվտանգության ծառայության՝ Վարդանյանի նկատմամաբ խափանման միջոց է ընտրվել կալանավորումը։
Նշվում է, որ քրեական գործով այս պահին շարունակվում են քննչական և օպերատիվ միջոցառումները։
Հիշեցնենք, որ Արցախի նախկին պետնախարարը երեկ ձերբակալվել է սահմանին, երբ փորձել է Արցախից գալ Հայաստան։ Ըստ Ադրբեջանի պետական սահմանային ծառայության՝ Ռուբեն Վարդանյանը տարվել է Բաքու։ Նրան հանձնել են պետական համապատասխան մարմիններին՝ համապատասխան որոշում կայացնելու համար։
Նորությունները հակիրճ և օպերատիվ ստանալու համար հետևեք մեր ալիքներին՝
WhatsApp-ում և Telegram-ում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)