Հոկտեմբերի 23-ին Քաղաքացիական ավիացիայի կոմիտե այցով ժամանել էր Հայաստանում Եվրոպական Միության պատվիրակության նորանշանակ դեսպան Վասիլիս Մարագոսը, ինչպես նաև Հայասատանում Եվրոպական Միության պատվիրակության համագործակցության պատասխանատու Անտոնիս Ցամուլիսը և Հայաստանում Եվրոպական Միության պատվիրակության առևտրի հարցերով պատասխանատու Կարեն Ազարյանը: Այս մասին հայտնում են Քաղաքացիական ավիացիայի կոմիտեից։ 

Կոմիտեի նախագահ Միհրան Խաչատրյանը շնորհակալություն հայտնեց Դեսպանին այցի համար և ընդգծեց այցի, ինչպես նաև շարունակական համագործակցության կարևորությունը:

Կոմիտեի նախագահը Դեսպանին ներկայացրեց ավիացիոն ոլորտի ներկայիս իրավիճակը՝ մատնանշելով ոլորտի զարգացման տեսլականը:

Դեսպանն իր հերթին շնորհակալություն հայտնեց Կոմիտեի նախագահին և նշեց երկկողմ համագործակցության խորացման կարևորությունը:

Դեսպանին ներկայացվեցին նաև ԵՄ թռիչքային անվտանգության ցուցակից դուրս գալուն ուղղված մեծածավալ աշխատանքները, ինչպես նաև ոլորտում կայունացման և զարգացման հետագա մարտահրավերները հաղթահարելու ճանապարհային քարտեզը: