news.am: Իրանի Իսլամական հեղափոխության պահապանների կորպուսի (ԻՀՊԿ) ցամաքային զորքերի հրամանատար, գեներալ Պակպուրը կիրակի օրը հայտարարել է, որ առնվազն 30 օտարերկրյա քաղաքացի է եղել այն ահաբեկիչների թվում, որոնք վերջերս հարձակումներ են իրականացրել հարավարևելյան Սիստան և Բելուջիստան նահանգում, հաղորդում է Mehr-ը:
«Վերջերս Սիստան և Բելուջիստան նահանգում իրականացված մի շարք ահաբեկչական հարձակումների ժամանակ 30 զինյալ ահաբեկիչ օտարերկրյա անձնագիր ուներ», - ասել է գեներալ Պակպուրը:
Նա նաև նշել է, որ թշնամական հետախուզական ծառայություններն օգտագործում են ահաբեկչական խմբավորումների ներուժը և հավելել, որ «թշնամական ծառայությունները պատասխանատու են ահաբեկչական գործողությունների նախապատրաստման և մշակման, ինչպես նաև ահաբեկիչներին զինելու, մատակարարելու, ուղղորդելու և կազմակերպելու համար»։
«Օտարերկրյա որոշ երկրներում ստեղծվում են ահաբեկիչների և դիվերսանտների պատրաստման հիմնարկներ, որոնցում վերապատրաստվում են հանցագործություն կատարող անձինք։ Հետաքրքիր է իմանալ, որ այդ ահաբեկիչներին վարձում են ահաբեկչական գործողություններ իրականացնելու համար։ Սակայն այդ հիմնարկներից մի քանիսը կասեցվել և բացահայտվել են նաև հարևան որոշ երկրներում»,- հավելել է իրանցի գեներալը։
comment.count (0)