19:25 - 17 սեպտեմբերի, 2024
Հունվար-հունիս ամիսներին մոտ 780 զանգ և այց ենք ունեցել հակամարտության սրացումների հետևանքով ընտանիքների բաժանման առնչությամբ. ԿԽՄԿ
2024-ի hունվար-հունիս ամիսների ընթացքում մոտ 780 զանգ և այց ենք ունեցել Երևանի և Գորիսի մեր գրասենյակներում`հակամարտության սրացումների հետևանքով ընտանիքների բաժանման առնչությամբ։ Այդ մասին հայտնում են Հայաստանում Կարմիր խաչի միջազգային կոմիտեից:
«61 ընտանիք դիմել է մեզ՝ իրենց անհայտ կորած հարազատների ճակատագիրը պարզելու խնդրանքով, և բացել որոնման հայտեր։
275 բանավոր, տեսաձայնային և գրավոր Կարմիր խաչի հաղորդագրություններ են փոխանակվել հակամարտության առնչությամբ ազատազրկվածների և նրանց ընտանիքների միջև։
Ավելին՝ ԿԽՄԿ-ն կանոնավոր կերպով այցելում է պահվող անձանց՝ դիտարկելով ազատազրկման պայմանները և նրանց նկատմամբ վերաբերմունքը, ինչպես նաև նպաստելով հարազատների հետ նրանց կապի պահպանմանը»,- նշված է Ֆեյսբուքում արված գրառման մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)