17:11 - 05 հոկտեմբերի, 2024
Reuters. «Հեզբոլա»-ի նոր առաջնորդի հետ կապ հաստատել չի հաջողվում» |azatutyun.am|
azatutyun.am: «Հեզբոլա»-ի գործադիր մարմնի ղեկավար և անցած շաբաթ զոհված Հասան Նասրալլայի ամենահավանական փոխարինող Հաշեմ Սաֆիադինի հետ երեկվանից չի հաջողվում կապ հաստատել», - հաղորդում է Reuters գործակալությունը՝ Լիբանանի ուժային կառույցներին մոտ կանգնած միանգամից երեք աղբյուրներ վկայակոչելով։
Դրանց փոխանցմամբ՝ Սաֆիադինի հետ կապը խզվել է Բեյրութի հարավային արվարձաններին երեկ լուսադեմին հասցված հարվածներից հետո։
«Շարունակվող իսրայելական հարվածների պատճառով փրկրարարներն առայժմ չեն կարողանում այդ շրջանում աշխատանքներ իրականացնել», - նշում են Reuters-ի աղբյուրները։
«Ալ-Արաբիա» հեռուստաընկերության տվյալներով՝ Սաֆիադինը զոհվել է։ Նրա հետ միասին զոհվել են նաև այդ պահին «Հեզբոլա»-ի բունկերներից մեկում գտնվող Իրանի Հեղափոխության պահապանների կորպուսի մի շարք սպաներ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)