11:02 - 21 հոկտեմբերի, 2024
Հանրահավաք Թբիլիսիում՝ «Վրաստանն ընտրում է Եվրամիությունը» խորագրով |azatutyun.am|
azatutyun.am: Թբիլիսիի Ազատության հրապարակում նախօրեին տեղի է ունեցել «Վրաստանն ընտրում է Եվրամիությունը» խորագրով բազմահազարանոց հանրահավաք։
Խորհրդարանական ընտրություններից մեկ շաբաթ առաջ քաղաքացիները դուրս են եկել փողոց՝ վերահաստատելու իրենց աջակցությունը եվրոպական ուղուն։
Իշխող «Վրացական երազանք»-ի կողմնակիցները փորձել են խոչընդոտել ելույթներն, այդ թվում՝ նախագահ Սալոմե Զուրաբիշվիլիի, հրապարակի հարևանությամբ գտնվող «Մոնոգրաֆ» հյուրանոցի պատշգամբից լազերային լույսեր գցելով բեմ։ Հյուրանոցը պատկանում է իշխող կուսակցության պատգամավոր Անտոն Օբոլաշվիլիին։
Հանրահավաքին ելույթ են ունեցել ակտիվիստներ, ուսանողներ, ակադեմիական ոլորտի ներկայացուցիչներ, երաժշտական խմբեր։ Վրաստանի օրհներգը կատարել է աշխարհահռչակ օպերային երգիչ Պաատա Բուրչուլաձեն։
Կառավարության անդամները հայտարարել են, թե եվրոպական ընտրության համար երթն իրականում ուղղորդվում է արտաքին ուժերի կողմից և այն համեմատել են ԼԳԲՏ համայնքի երթի հետ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)