22:17 - 31 հոկտեմբերի, 2024
Բեռլինը հրահանգել է փակել Գերմանիայում Իրանի բոլոր հյուպատոսությունները |1lurer.am|
1lurer.am: Գերմանական իշխանությունները հրահանգել են փակել Գերմանիայում Իրանի հյուպատոսությունները Ֆրանկֆուրտում, Համբուրգում և Մյունխենում՝ հաղորդել է Associated Press-ը: Գործակալությունը նշել է, որ Իրանի դիվանագիտական ներկայացուցչությունը միայն դեսպանատուն կունենա Բեռլինում։
Գերմանիան համապատասխան որոշում է կայացրել՝ ի պատասխան Իրանում Ջամշիդ Շարմահդին մահապատժի ենթարկելու, որը Գերմանիայի և Իրանի քաղաքացիություն ուներ։
Բեռլինում Իրանի գործերի ժամանակավոր հավատարմատարը կանչվել է Գերմանիայի ԱԳՆ, որտեղ նրան խիստ բողոք են հայտնել Շարմահդի մահապատժի կապակցությամբ։ Իրանում Գերմանիայի դեսպան Մարկուս Պոտցելը Բեռլինի կոշտ դիրքորոշումն է արտահայտել Իսլամական Հանրապետության արտաքին գործերի նախարարությունում, որից հետո ԱԳ նախարար Աննալենա Բերբոքը Պոտցելին հետ է կանչել հայրենիք՝ խորհրդակցությունների։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)