12:10 - 18 նոյեմբերի, 2024
Ռուսական հրթիռային հարձակում Սումիում բարձրահարկ շենքի վրա, կան զոհեր և վիրավորներ |1lurer.am|
1lurer.am: Նոյեմբերի 17-ի երեկոյան Սումի քաղաքին ռուսական հարվածի ժամանակ հրթիռը խոցել է ինը հարկանի բնակելի շենքը, ինչի հետևանքով զոհվել է 11 մարդ, այդ թվում՝ երկու երեխա: 68 մարդ վիրավորվել է, այդ թվում` 10 երեխա, հաղորդել է քաղաքապետի պաշտոնակատար Արտյոմ Կոբզարին:
Ուկրաինայի արտակարգ իրավիճակների պետական ծառայությունը հաստատել է, որ ավելի քան 400 մարդու տարհանել են վնասված տան փլատակներից:
Ուկրաինայի նախագահ Վոլոդիմիր Զելենսկին իր Telegram ալիքում ցավակցել է զոհվածների ընտանիքներին ու հարազատներին և նշել, որ իրականացվում է փրկարարական աշխատանք:
Կեսգիշերից անմիջապես հետո ռուսական բանակը հերթական հրթիռային հարվածն է հասցրել Սումիին, ինչի հետևանքով քաղաքը հոսանքազրկվել է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)