09:44 - 22 նոյեմբերի, 2024
ԱՄՆ-ն նախապես ծանուցվել է Ուկրաինայի վրա ռուսական բալիստիկ հրթիռային հարձակման մասին |news.am|
news.am: Պենտագոնի մամուլի քարտուղարի տեղակալ Սաբրինա Սինգհը հաստատել է, որ Ռուսաստանը նոյեմբերի 21-ին իսկապես միջին հեռահարության բալիստիկ հրթիռ (IRBM) է արձակել Ուկրաինայի ուղղությամբ: Սինգհի խոսքով՝ այդ հրթիռը հիմնված է «RS-26 Ռուբեժ» միջմայրցամաքային բալիստիկ հրթիռի ռուսական մոդելի վրա։
«Միացյալ Նահանգները հրթիռի արձակումից կարճ ժամանակ առաջ նախապես ծանուցվել է միջուկային ռիսկի նվազեցման ուղիներով», - ասել է ԱՄՆ պաշտպանության նախարարության խոսնակը:
«Սա մահաբեր զենքի նոր տեսակ է, որ կիրառվել է մարտի դաշտում, ուստի, իհարկե, դա մտահոգիչ է», - ասաց Սինգհը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)