15:30 - 06 դեկտեմբերի, 2024
Էլնուր Մամեդովն ու Ջոշուա Հաքը քննարկել են Հայաստան-Ադրբեջան կարգավորման գործընթացը |1lurer.am|
1lurer.am: Ադրբեջանի արտաքին գործերի փոխնախարար Էլնուր Մամեդովն ընդունել է ԱՄՆ պետքարտուղարի՝ Եվրոպայի և Եվրասիայի հարցերով փոխտեղակալ Ջոշուա Հաքի գլխավորած պատվիրակությանը:
Ադրբեջանական կողմի տվյալով՝ հանդիպմանը քննարկվել են ԱՄՆ-ի ու Ադրբեջանի միջև երկկողմ և բազմակողմ համագործակցության հարցեր, ինչպես նաև Հայաստանի և Ադրբեջանի միջև հարաբերությունների կարգավորման գործընթացի հեռանկարները:
Մամեդովը հերթական անգամ հայտարարել է, թե իբր Հայաստանի Սահմանադրության մեջ, օրենսդրական ակտերում ու դատական հայցերում «առկա են պահանջներ Ադրբեջանի տարածքային ամբողջականության և ինքնիշխանության նկատմամբ»:
Հանդիպման ընթացքում կողմերը մտքեր են փոխանակել երկկողմ և տարածաշրջանային երկուստեք հետաքրքրություն ներկայացնող այլ հարցերի շուրջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)