20:20 - 22 հունվարի, 2025
Այդ տեսարանները մտահոգիչ են․ Փաշինյանը՝ Բաքվում Արցախի ղեկավարության շինծու դատավարության մասին |tert.am|
tert.am: Այն տեսարանները, որոնք մենք տեսանք, մտահոգիչ են։ Այս մասին ԱԺ-ում հայտարարեց վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Լիլիթ Գալստյանի հարցին, թե ի՞նչ է արել կամ անելու պաշտոնական Երևանը Բաքվի բանտում ապօրինի պահվող հայ գերիներին վերադարձնելու ուղղությամբ։
«Այն տեղեկությունները, որոնք մենք իմացանք և այն տեսարանները, որ մենք տեսանք, մտահոգիչ են: Բայց պետք է արձանագրեմ, որ մենք այս իրավիճակին մոտենում ենք առաջին հերթին չվնասելու տրամաբանությամբ: Մեր դիվանագիտական շփումներում, մեր դիվանագիտական օրակարգում այդ հարցը մշտապես ներկա է: Եվ շարունակելու ենք այդ ուղղությամբ մեր ջանքերը, որ հասնենք արդյունքի: Մեր խնդիրն առաջին հերթին չվնասելն ու արդյունքին միտված աշխատանք իրականացնելն է:
Ես կարող եմ հայրենասիրական էմոցիաները բավարարող հայտարարություն անել, բայց դրա ազդեցությունն ու հետևանքները այդ մարդիկ բանտում իրենց մաշկի վրա զգալու են։ Դա՞ եք ուզում, ես չեմ ուզում»,–ասաց նա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)