shantnews.am: Կանադայի իշխող «Լիբերալ» կուսակցության նոր առաջնորդ Մարկ Քարնին, ով շուտով կդառնա վարչապետ, անվստահություն է հայտնել ԱՄՆ-ին։
Ես գիտեմ, որ այս մութ օրերը բերվել են մեզ մի երկրի կողմից, որին մենք այլևս չենք կարող վստահել»,-ասել է Քարնին կուսակցության համագումարի ժամանակ՝ նկատի ունենալով ԱՄՆ մաքսատուրքերը:
Նա նաև խոստացել է, որ Կանադան «կապաքինվի ցնցումից»՝ նշելով, որ իրենք կկարողանան հաղթահարել ճգնաժամը։ Նախկինում նա ամերիկյան մաքսատուրքերը անվանել էր երկրի գլխավոր սպառնալիքը։
Մարտի 9-ին Կանադայի իշխող «Լիբերալ» կուսակցությունը նոր ղեկավար ընտրեց Կանադայի բանկի նախկին ղեկավար Մարկ Քարնիին։ Առաջիկա օրերին նա կդառնա նոր վարչապետը մինչև հաջորդ խորհրդարանական ընտրությունները, որոնք ներկայումս նշանակված են հոկտեմբերի 20-ին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)