azatutyun.am: Իրանն առաջիկա օրերին տիեզերք կարձակի գիտական արբանյակ: Այդ մասին հայտնել է Իրանի տիեզերական հետազոտությունների ազգային կենտրոնի ղեկավար Մորտեզա Բերարին:
Արբանյակլի անունն է «Զաֆար», թարգմանաբար՝ «Հաղթանակ»: Ենթադրվում է, որ 113 կիլոգրամանոց արբանյակը կարձակվի «Սիմորղ» տեսակի հրթիռով:
Այն պետք է հասնի 530 կիլոմետր բարձրության և ամեն օր 15 պտույտ կատարի Երկիր մոլորակի շուրջ:
Միացյալ Նահանգները և արևմտյան մի շարք երկրներ մշտապես մտահոգություն են հայտնում առ այն, որ Իրանը տիեզերական տեխնոլոգիաները, մասնավորապես, միջմայրացամաքային հրթիռները կարող է օգտագործել ռազմական նպատակով:
Մորտեզա Բերարին երեկ հավաստիացրել է, որ Իրանը բացառապես խաղաղ նպատակով է տիեզերական հետազոտություններ անցկացնում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)