11:37 - 09 հոկտեմբերի, 2020
Հայաստանը և Ադրբեջանը հաստատել են, որ երկու երկրների արտգործնախարարները կմասնակցեն ուրբաթ օրը Մոսկվայում կայանալիք խորհրդակցություններին
Հայաստանը և Ադրբեջանը հաստատել են, որ երկու երկրների արտգործնախարարները կմասնակցեն այսօր Մոսկվայում կայանալիք խորհրդակցություններին: Այս մասին ТАСС-ին հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Երևանը և Բաքուն հաստատել են իրենց մասնակցությունը, այժմ նախապատրաստական ակտիվ աշխատանքներ են ընթանում»,- ասել է Զախարովան:
Ավելի վաղ հայտնել էինք, որ ՌԴ նախագահ Վլադիմիր Պուտինը կոչ է անում դադարեցնել ԼՂ հակամարտության գոտում ընթացող մարտական գործողությունները` զոհվածների դիերը և գերիներին փոխանակելու նպատակով:
Մինսկի խմբի համանախագահների միջնորդությամբ այդ հարցով խորհրդակցություն իրականացնելու նպատակով Հայաստանի և Ադրբեջանի արտգործնախարարները հրավիրվել էին Մոսկվա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)