19:46 - 17 փետրվարի, 2021
Ավետ Ադոնցը մասնակցել է Մեծ Բրիտանիայի և Հյուսիսային Իռլանդիայի ՄԹ դեսպանության նոր գրասենյակի բացմանը
Փետրվարի 17-ին ՀՀ ԱԳ նախարարի տեղակալ Ավետ Ադոնցի և աշխատանքային այցով Հայաստան ժամանած Միացյալ Թագավորության արտաքին գործերի, համագործակցության և զարգացման նախարարության Եվրոպական հարևանության և Ամերիկայի հարցերով նախարար Ուենդի Մորթոնի մասնակցությամբ տեղի է ունեցել ՄԹ դեսպանության նոր գրասենյակի պաշտոնական բացումը Երևանում։ Տեղեկությունը հայտնում է ԱԳՆ-ն։
Այդ առիթով ողջույնի խոսքով հանդես են եկել Ավետ Ադոնցը և Ուենդի Մորթընը՝ երկուստեք կարևորելով հայ-բրիտանական երկխոսությունը և ընդգծելով կողմերի հանձնառությունը ամրապնդելու Հայաստանի Հանրապետության և Միացյալ Թագավորության միջև գործընկերությունը՝ խարսխված փոխադարձ հարգանքի, ընդհանուր արժեքների և փոխշահավետության սկզբունքների վրա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)