18:21 - 20 հունիսի, 2021
Երևանում կրակոցներ են հնչել. քաղաքացին կրակել է օդ. Ոստիկանություն |tert.am|
tert.am: Երևանում կրակոցներ են հնչել: Դեպքի վերաբերյալ ոստիկանության լրատվության վարչության պետի տեղակալ Էդգար Ջանոյանն ասաց, որ Արաբկիրի բաժնում կրակոցների վերաբերյալ ահազանգեր ստացվել են:
«Գյուլբենկյան փողոցում է գրանցվել դեպքը, դեպքի մեկնած օպերատիվ խումբն ու ոստիկանության այլ ստորաբաժանումների ծառայողները պարզել են, որ նշված փողոցի շենքերից մեկի բնակիչը, նախնական տվյալներով՝ ոչ սթափ վիճակում, իր բնակարանից հրացանով կրակոցներ է արձակել օդ»,-ասաց Ջանոյանը:
Վարչության պետի տեղակալի խոսքով՝ ոստիկանության ծառայողները նրան վնասազերծել են ու բերման ենթարկել Արաբկիրի բաժին։
«Նախնական տվյալներով՝ տուժածներ չկան, կատարվում է քննություն»,-ասաց Ջանոյանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)